Dagblaðið Vísir - DV - 04.01.2008, Síða 34

34 FÖSTUDAGUR 4. JANÚAR 2008
Sport DV

Knattspyrnumaðurinn Brynjar Björn
Gunnarsson, leikmaður Reading á
Englandi, kallar ekki allt ömmu sína.
Heiðarlegur en harður í horn að taka og
hefur styrkt sig sem knattspyrnumaður
jafnt og þétt allan ferilinn. Brynjar hefur
leikið sem atvinnumaður í rúm tíu ár auk
þess sem hann hefur 57 landsleiki undir
belti. Hér ræðir hann við DV um lífið hjá
Reading, erfiðasta andstæðinginn og
markmiðin sem atvinnumaður.
Brynjar Björn Gunnarsson leikur
sem atvinnumaður hjá enska
úrvalsdeildarliðinu Reading.
Brynjar hefur spilað í þremur efstu
deildum Englands og hann er
þakklátur fyrir það að hafa fengið
tækifæri til að spila á meðal þeirra
allra bestu. Upphaflega fór hann til
Noregs og lék í Skandinavíu í þrjú
ár áður en hann hélt í „Mekka"
knattspyrnunnar. Brynjar nýtur
hverrar mínútutu á vellinum og
stefnir að því að klára ferilinn með
sæmd. Brynjar verður 33 ára á árinu.
DV ræðir hér við hann um lífið hjá
Reading og upplifunina af því að
spila í ensku úrvalsdeildinni.
Baráttumaður
Brynjar Björn er þekktur fyr-
ir að leika af mikill hörku og er alls
ekki óvanur því að vera spjaldaður.
í leik gegn West Ham á dögunum
fékk hann rautt spjald fyrir svokall-
aða tveggja fóta tæklingu. Fyrir vik-
ið fékk hann þriggja leikja bann sem
hann er afplánar nú um stundir.
„Það var náttúrlega leiðinlegt þar
sem ég missi af þremur leikjum. En
þetta getur víst gerst og það verður að
taka á því. Það er kannski heppni að
það eru margir leikir í gangi núna og
þetta bann tekur fljótt af. Ég get svo
sem alveg skilið þennan brottrekstur
þar sem mikil umfjöllum er um það
í fjölmiðlum og innan stéttarinnar
að útrýma slíkum tæklingum. Því er
ekki að neita að fyrir svona fjórum til
sex vikum hefði ég kannski komist
upp með þetta en dómararnir
eru að setja línu og reyna að vera
samkvæmir sjálfum sér."
Erfitt á öðru tímabili
Reading spilaði vel á síðustu leik-
tíð og endaði í áttunda sæti. Sá ár-
angur var vonum framar hjá óreyndu
liði sem var að koma upp í úrvals-
deildina. Núverandi ár hefur hins
vegar ekki verið eins mikill dans á
rósum en liðið er sem stendur í 13.
sæti. Englendingar kalla þetta „Sec-
ond season syndrome" og eiga þar
með við að lið sem standa sig vel á
fyrsta tímabili í ensku úrvalsdeild-
inni eiga gjarnan í vandræðum á því
næsta. Brynjar er ekki frá því að slíkt
hrjái liðið nú um stundir. „Þetta ger-
ist bara, liðið hefur ekki breyst mik-
ið en mörg önnur lið á borð við West
Ham og Portsmouth eru búin að
styrkja sig mikið.
Steve Coppel hefur lagt mikið upp
úr því að halda þeim leikmönnum
sem eru fyrir hjá liðinu og telur að
með því megi skapa stöðugleika. Við
höfum ekki bætt við okkur miklu af
mönnum. Fyrir vikið hefur verið
auðveldara að ná upp stemningu hjá
liðinu og ef ég ætti að giska á eitthvað
þá held ég að við endum í svona
11.-13. sæti. Þar erum við búnir að
vera hálft tímabilið. Markmiðið hjá
okkur er náttúrlega að halda okkur
uppi. Hvort sem það er í 16. sæti eða
eitthvað annað, efvið náum að halda
okkur uppi er það mjög gott. Helsti
munurinn á liðinu okkar núna og í
fýrra er helst sá að hinn liðin vita nú
betur af okkar styrk.
Auk þess er aðeins minna
spennandi fyrir alla að spila í
úrvalsdeildinni á öðru ári og kannski
eru menn búnir að slaka á um 2-3
prósent en það getur skipt sköpum á
milli þess að tapa og vinna."
Leikur meira en í fyrra
Brynjar hefur leikið mun meira á
núverandi leiktímabili en hann gerði
í fýrra. Tækifærunum fjölgaði eftir að
miðjumaðurinn Steve Sidwell hélt
á brott til Chelsea og Brynjar nýtur
þess til fullnustu. „Ég er þegar búinn
að spila töluvert fleiri leiki á þessu
tímabili heldur en ég gerði allt tíma-
bilið í fyrra og það gerir lífið hérna
allt mun léttara.
Ég er svona þokkalega sáttur við
frammistöðuna en ef eitthvað er
hefði ég viljað vera búinn að spila bet-
ur. Það er hins vegar alltaf þannig að
það er erfitt að spila betur en liðið er
að gera í heild og mér, líkt og liðinu,
hefur gengið illa að ná stöðugleika."
Lífið í Reading
Reading er voðalega vinalegur
klúbbur. Áhorfendurnir eru kannski
ekki jafnheitir eins og þeir voru
í kringum Stoke og Nottingham
Forrest því þar var meginþorri
stuðningsmanna úr verkamanna-
stéttinni. Félagið hefur aldrei verið
í efstu deild og það eru ekki miklar
væntingar gerðar til liðsins ef miðað
er við mörg önnur félög. Það er hins
vegar að breytast og við finnum alveg
fyrir því að fólkið gerir nú meiri kröfu
á það að við förum ofar í deildina
í ljósi þess hversu vel við stóðum
okkur í fyrra.
Ég flnn svo sem ekki fýrir neinum
óánægjuröddum en fólk er alltaf að
miða við það sem við gerðum í fyrra.
Þannig er það bara og við þurfum að
lifa við það að fólk vill alltaf meira,"
segir Brynjar.
Steve Coppell er framkvæmda-
stjóri Reading og Brynjar segir að
hann sé allajafna pollrólegur. „Hann
er lítið að æsa sig þótt hann geti vel
lagt áherslu á orð sín, en í kringum
æfingasvæðið er hann frekar léttur á
því."
Brynjar hefur jafnan spilað með
íslendingum í þeim liðum sem hann
hefur verið hjá í Englandi. „Það er
mjög þægilegt að hafa einhvern einn
sem maður getur haft innan handar
þegar maður er að spila. Við fvar
erum mikið saman og erum alltaf
saman í herbergi þegar við spilum
útileiki. ívar er fínn herbergisfélagi.
Ég slekk á sjónvarpinu upp úr níu
og fvar er sofnaður korteri seinna.
Maður verður að passa upp á hann,"
segir Brynjar í léttum tóni.
Verður skrítið að vakna í
vinnuna
Brynjar hefur spilað í átta ár í
ensku knattspyrnunni með Watford,
Nottingham Forrest og Stoke. „Það
hentar mér mjög vel að spila í ensku
knattspyrnunni. Það er gerð krafa
SKsfs
iWHW—
um að þú leggir þig hundrað prósent
fram og ég geri það. Það tók mig að
vísu hálft tímabil að komast inn í
menninguna, bæði innan sem utan
vallar. Lífið er ótrúlega þægilegt
að mestu leyti og mér líkar lífið í
Englandi mjög vel.
Óneitanlega er ferillinn farinn
að styttast í annan endann. Það
verður ábyggilega skrítið að koma
heim og fara að vakna í vinnuna
klukkan sjö á morgnana. Eins og
er bý ég í lokuðu samfélagi með
mönnum sem maður gerir allt með.
Þú eyðir öllum dögum með þessum
strákum en það er mjög gott fyrir
okkur hérna, við búum allir á sama
svæðinu sem býr til góðan liðsanda.
Ég er mest í samskiptum við fvar og
Stephen Hunt en við höfum spilað
nokkuð lengi saman.
Ég veit ekki hvenær ég mun
hætta, en allt tekur þetta enda og
ég á eitt og hálft ár eftir af samningi
mínum. Ég hyggst klára hann og eft-
ir það mun ég meta stöðuna. Ég hef
ekkert rætt við Coppel um framtíð
mína, hann er lítið í því að ræða við
menn. Hann vill bara að menn mæti
á æfingar og leggi sig fram. Honum
finnst sennilega þægilegast að ræða
sem minnst við leikmenn og vill að
við sjáum um okkur sjálfir," segir
Brynjar.
Gerrard og Ronaldo
Brynjar hefur spilað í þremur
efstu deildum Englands og hann
segir að það hafl verið mikil áskorun
að spila í úrvalsdeildinni á meðal
þeirra bestu. „Það var mikil áskorun
að spila í efstu deildinni. Ég var bú-
inn að vera að spila í neðri deildun-
um og það var voðalega auðvelt að
segja að maður gæti spilað á með-
al þeirra bestu fýrir fimm árum. Nú
er ég hins vegar búinn að gera það
og búinn að sanna það fýrir sjálf-
um mér að ég átti fullt erindi í deild-
ina sem er fullnægjandi á ákveðinn
hátt. Að fá þetta tækifæri var alveg
frábært. Minn fyrsti leikur var gegn
Middlesbrough í fýrra og í rauninni
allt tímabilið í fyrra var ævintýri lík-
ast.
Tilfinningin við það að kljást við
þá allra bestu er mjög skemmtileg.
Maður vill standa sig sem allra best
á móti bestu leikmönnunum. Stóru
leikirnir á móti Arsenal, Liverpool og
Manchester United eru sérstakir og
ef maður stendur sig í þeim leikjum
fær maður mikið út úr því.
Ef ég ætti að nefna einhverja
leikmenn sem erfiðast er að eiga við
eru það Steven Gerrard í Liverpool
og Ronaldo í Manchester United.
Gerrard hleypur út um allt og verst og
sækir á víxl. Ef hann spilar vel spilar