Glóðafeykir - 01.05.1967, Blaðsíða 29

GLÓÐAFEYKIR
29
EINN SÁLMUR TIL UMÞENKINGAR
Adam og Eva sátu
áður í Paradís.
Flestir þau mikils mátu
og mikluðu þeirra prís.
En aldrei var byggð nein brú.
Vegaskatt enginn vildi
verðfesta þar í gildi.
Þetta var þeirra trú.
Höggormsins hér má geta —
að hentugu færi beið.
Eitt sinn var Eva að eta
er hann til hennar skreið.
Heyrðist í hræsnis-fíl:
„Alsæl myndir þú orðin,
indælust baugaskorðin,
ef að þú ættir bíl.
Ef vilt þína vegsemd tryggja
á vorri syndugu jörð,
vegi er þér bezt að byggja
um Blönduhlíð, Fljót og Skörð.
Svo keyrir þú kotroskin.
Ef ætlar þú í það fórna
einhverju, ég skal stjórna,
— en skaffa þú skildinginn."
Óðara Eva gleypti
við öllu, er spriði hann.
Silfri úr sjóðum steypti
og setti hann yfirmann.
Nú var bruðlað og byggt.
En ekkert fékkst endurskoðað
þó upp væri brúnum hnoðað.
Það hafði þrællinn tryggt.