Glóðafeykir - 01.05.1967, Blaðsíða 37
GLÓÐAFEYKIR
37
fer því næst í gegnum sturtubað og að innanúrtöku. Sérstakt innan-
úrtökuborð er notað, sem saman stendur af mörgum bökkum, sem
festir eru á tvær samsíða keðjur. Keðjurnar og þar með bakkarnir,
eru drifnir áfram með sama hraða og fláningskeðjan og er borðið
haft samsíða henni. Innanúrtakan fer fram í tvennu lagi, þ. e. vamb-
ir og garnir fjarlægðar fyrst og settar í bakka, en lungnastykkið síðan
tekið ásamt lifur og sett í annan bakka. Bakkarnir færast til samsíða
og með sama hraða og skrokkurinn, svo að dýralæknir getur skoðað
innyfli og skrokk samtímis og vitað hvaða innyfli tilheyra hverjum
skrokk, en læknisskoðun er ekki talin nægileg nema hún sé fram-
kvæmd á þennan hátt. Eftir læknisskoðun eru innyfli aðskilin og
fara síðan sína leið til frekari verkunar, en skrokkurinn heldur áfram
á keðjunni og fer í snyrtingu og þvott. Við þvottinn var notaður há-
þrýstur vatnsúði eingöngu. Eftir þvottinn var kjötið sett á venju-
lega braut og því rennt inn í kjötsal.
Með fullum afköstum var reiknað með að slátra með þessu kerfi
um 125 kindum á klst. eða um 1.000 á dag. Aðaláherzla var lögð á
að reyna fláningskerfið, en minna lagt upp úr meðferð innyfla, hausa
og hirðingu blóðs. Astæður fyrir þessu voru tvennar. I fyrsta lagi
var húsnæðið fremur óhentugt til þessara hluta, þar sem sameina
þurfti innyfli frá tilraunasláturhúsinu innyflum frá sláturhúsi Kf.
Borgfirðinga. I öðru lagi var naumur tími til undirbúnings, en segja
má að ekki hafi verið byrjað að teikna kerfið fyrr en í byrjun júlí
1966.
í tilraunasláturhúsinu var alls slátrað 17.950 kindum frá 22. sept-
ember til 27. október. Fyrstu dagana var slátrað 200—560 kindum á
dag, en síðustu vikurnar frá 830 upp í 1.010 á dag. Reynslan af kerf-
inu var ágæt, og fram úr vonum, og má þakka það fyrst og fremst
vilja og þolinmæði starfsfólksins í sláturhúsi Kf. Borgfirðinga. Eins
og við var að búast var fláning framan af léleg, enda var stöðugt
verið að breyta til um aðferðir og þar að auki of mikil áherzla lögð
á afköstin, þar sem slátrunin í tilraunasláturhúsinu féll inn í slátur-
áætlun Kf. Borgi'irðinga. Þegar á leið urðu vinnubrögðin betri og
afköstin meiri. Þeir sem við slátrnnina unnu töldu kerfið hafa
marga kosti fram yfir eldri aðferðir. Vinnan varð léttari og jafnari
eftir að menn höfðu fengið nokkra æfinsfu.
Með fullum afköstum unnu 22 menn við kerfið og er þá talið frá
skotmanni að og með kjötþvottamanni. Aðskilnaður innyfla og
flutningur á hausum er ekki meðtalinn. Miðað við afköst með öðr-
um aðferðum, má telja þessi afköst mjög góð.