Glóðafeykir - 01.11.1973, Side 34

34
GLÓÐAFEYKIR
Trúir á framtíð Fljótanna
í síðasta tbl. Glóðafeykis birtist viðtal við Hermann Jónsson á
Yzta-Mói. Var þar lauslega drepið á uppvaxtarár hans á Bíldudal,
skólanám, tildrögin að þs í, að hann fluttist hingað til Skagafjarðar,
verzlunarstörf og loks búskap í Málmey. Var þar komið sögu, að
Hermann hafði brugðið búi í Málmey og flutt í Yzta-Mó. Heldur
nú hér áfram frásögninni.
— Það var árið 1918, senr við hættum búskap í Málmey. Lárus,
tengdafaðir rninn, settist þá að í Hofsósi, en \ ið fluttum í Yzta-Mó.
Páll bóndi á Mói dó árið 1916. LTm vorið tók Eggert Briem jörðina
á leigu og bjó þar í eitt ár. Lengri varð þar ekki ábúð Briems og var
nú jörðin laus. Sveinn í Felli ht'atti mig mjög til þess að sækja um
Mó og varð úr, að ég gerði það. Bar okkur þar að garði í öndverðum
maímánuði vorið eftir frostaveturinn illræmda, 1917—1918. Mikils
kals gætti þá mjög víða í túnum og fór Mór ekki varhluta af því.
Um sumarið fengust ekki nema 90 hestar af túninu og svo smágert
var heyið, að ekki var viðlit að binda það laust, heldur var það
bundið í brekánum og flutt þannig heim.
— Viltu e. t. v. segja okkur eitthvað frá búskap þínum á Mói?
— Ég held, að af honum sé nú ekkert að segja, sem frásagnarvert
geti talizt. Búið hefur aldrei verið mjög stórt og ég alltaf frernur
efnalítill, en þó komizt sæmilega af. Mór er farsæl jörð.
— Hvernig var búskap háttað í Fljótum á þessum árum?
— Það var nú fyrst og frernst sauðfjárbúskapur. Fráfærur voru
almennt að leggjast niður um þetta leyti. Innleggið var því dilk-
arnir, ullin og fáeinir bændur áttu enn eitthvað af sauðum. Mjólkur-
framleiðsla var naumast nema rétt til heimilisnota þó að til væri
það að vísu, að einstaka bændur framleiddu smjör til sölu. FJtræði
var hins vegar mikið stundað og að því mikil bi'ibót. Voru menn til
sjós frá hverjum bæ að kalla. Róið var vor og haust, á opnum bátunr
auðvitað. Aðal-lendingarstaðirnir voru Mósvík, Haganesvík og
Hraunakrókur. Þá voru og menn héðan úr Fljótunum á hákarla-
skipum, en það voru þilskip. Voru þau, þegar hér var komið sögu,
gerð r'it frá Siglufirði og Eyjafjarðarhöfnum. Hákarlaskipin fóru út