Glóðafeykir - 01.11.1973, Síða 56

56
GLOÐAFEYKIR
svo í Ármúla í Staðarhreppi. Eftir lát konu hinnar 1947 dvaldist
Kristján mest með börnum sínum og var lengstum til heimilis á
Sauðárkróki hjá Ingibjörgu dóttur sinni og eiginmanni hennar,
Guðjóni Ingimundarsyni kennara.
Af 9 börnum þeirra hjóna komust 8 upp: Guðrún, húsfreyja á
Starrastöðum; Ingibjörg, húsfreyja á Sauðárkróki; Fjóla, húsfreyja á
Torfustöðum í Svartárdal (nú á Sauðárkróki); Þuriður, húsfreyja í
Reykjavík (nú á Reykjum í Tungusveit); Arni, iðnverkamaður á
Akureyri; Þóranna, húsfreyja í Bólstaðarhlíð (nú á Sauðárkróki;
Haukar, vélamaður á Akureyri; Sverrir, sjómaður á Eskifirði.
Kristján Arnason var meðalmaður á hæð, riðvaxiuu, varð hold-
ugur nokkuð með aldri; sléttfarinn í andliti, myndarmaður. Hann
var greindur vel og skýrleiksmaður, hress í máli og frásagnarglaður.
Eigi var hann rnikill búsýslumaður né safnaði fjármunum, enda
óhægt um vik sakir ærnrar ómegðar og tíðra búferlaflutninga. F.n
hann var gæddur mikilli lífsgleði og lét eigi deigan síga; því var gott
með honum að vera og ánægjulegt við hann að ræða.
Sigrún Tobiasdóttir, húsfreyja í Geldingaholti, lézt þ. 23. dag
desembermánaðar 1964. — Fædd var hún í Geldingaholti 26. ágúst
1877, dóttir Tobíasar bónda þar Eiríkssonar, bónda á Syðra-Skörðu-
gili, Jónssonar, og Guðrúnar Jónasdóttur
bónda í Hoitskoti, Einarssonar, og konu
h.ans Arnfríðar Arnadóttur bónda á Stóru-
Seylu. Atti Tobías Sigrúnu áður en hann
giftist Sigþrúði Helgadóttur, eu þeirra son-
ur var Brynleifur menntaskólakennari og
síðast áfengisvarnaráðunautur.
Tvítug að aldri giftist Sigrtin Sigurjóni
bónda í Geldingaholti Helgasyni, bónda á
Syðra-Skörðugili, Jónssonar, og konu hans
Margrétar Jónsdóttur, sjá þátt um Sigurjón
í 5. hefti Glóðafeykis, bls. 31, þar sem drep-
ið er á búskaparferil þeirra hjóna svo og
getið barna þeirra. Eftir lát manns síns 1952 dvaldist Sigrún áfram
í Geldingaholti og var fyrir framan stokk hjá Þórði syni sínum allt
frarn undir hið síðasta, og hafði þá gegnt húsfreyjustörfum með mik-
illi sæmd og hávaðalausum skörungsskap í hálfan sjöunda tug ára.
Sigrún Tobíasdóttir var í hærra lagi á vöxt, mikil myndarkona í
sjón og raun. Hún var ágætlega gefin, sem hún og átti kyn til. Hún