Glóðafeykir - 01.11.1973, Blaðsíða 66

fif)
GLOÐAFEYKIR
gegndi því starfi til 1955, en taldi sér þá ekki endast þrek til þess
lengur, enda hálfáttræður orðinn og hafði lengi þjáðst af liðagigt.
\'ar æði oft gestkvæmt í brúarskýlinu hjá fónasi, bæði af háum og
lágum, bæði af innanhéraðsmönnum og utan, því að maðurinn var
vinsæll og víðkunnur, hrókur alls fagnaðar, orðsnjall og afburða
skemmtilegur.
Jónas missti Önnu konu sína 19. des. 1960. Þeim hjónum fæddust
5 dætur: Þórdis, húsfreyja á Sauðárkróki, dáin 1942: Hólmfriður,
húsfreyja á Sauðárkróki; Artifriður, húsfreyja á Þverá í Blöndu-
hlíð.
Jónas frá Hofdölum var mikill nraður \exti og karlmenni til
burða. Hann var dökkur á yfirbragð, brúnamikill, stórskorinn
nokkuð, svipfríður og fagureygur. Allur var maðurinn þvílíkur, að
eftir honum var tekið. Hann var skarpgáfaður, tilfinningaheitur,
svipur og augnafar sem opin bók, skýrt mótað af því, sem hæst bar
í huganum hverju sinni: Ásjónan broshýr og hlæjandi, er fjör og
galsi var á ferðum, íhugul og dreymin, er glímt var við alvarlega
hluti og æðri rök; ljómandi af aðdáun, er hann fór með fagran og
stórbrotinn skáldskap; angurvær og hlý, er hugurinn hvarflaði að
mannlegri sorg, bágindum og böli. Og allt féll í einn farveg: geð-
brigði, svipbrigði, raddbrigði.
Jónasi Jónassyni nýttist vel sú undirstaða menntunar, er hann
hlaut í Hólaskóla. Hann notaði hverja stund, er gafst, til þess að
hlaða ofan á þá undirstöðu. Hann hafði Norðurlandamálin á valdi
sínu. Hann las bókmenntir og skáldskap, innlendan og erlendan.
Sérstaklega urðu honum norskar bókmenntir hugfólgnar. Hann
þýddi norsk kvæði, m. a. eftir Ivar Aasen, Henrik Ibsen og Per Sivle
- og þýddi vel. Því að fónas var skáld, þótt eigi gæfi hann út ljóða-
safn, sem nú er alsiða meðal þeirra, sem minni eru skáld en hann
var. Kvæði hans nokkur, frumsamin og þýdd, komu í blöðurn og
tímaritum svo og í Skagfirzkum Ijóðum, en langmest er óprentað.
Jónas var karlmenni. Þess bar skáldskapur hans ljósan vott. Hann
var andlega skyldur Grími Tliomsen og Stephani G., enda las hann
ttpp kvæði þeirra með eftirminnilegum hætti.
Arni Sveinsson, áður bóndi á Kálfsstöðum í Hjaltadal, lézt þ. 23.
okt. 1965. — Hann var fæddur á Skatastöðum í Austurdal 30. okt.
1892. Foreldrar: Sveinn bóndi á Skatastöðum, fræðimaður og kenn-
ari, Eiríksson, bónda þar, Eiríkssonar hreppstjóra í Héraðsdal, og
kona hans Þorbjörg Bjarnadóttir bónda á Hofi í Vesturdal, Hannes-