Glóðafeykir - 01.11.1973, Side 89

GLOÐAFEYKIR
89
Stefdn Sigurðsson, skipstjóri á Sauðárkróki, lézt 24. okt. 1966. —
Hann var fæddur á Syðri-Hofdölum 19. marz 1920. Voru foreldrar
hans Sigurður Stefánsson, starfsmaður hjá K. S. á Sauðárkróki, hálf-
bróðir — samfeðra — Stefáns bónda á Hof-
stöðum (sjá |)átt um hann í Glóðafeyki
1971, 12. hefti, bls. 46), og kona hans Anna
Einarsdóttir, alsystir Ástvalds Einarssonar,
sjá þátt um hann í Glóðafeyki 1969, 9.
hefti, bls. 45.
Stefán ólst upp með foreldrum sínum og
fluttist með þeim til Sauðárkróks 5 ára
gamall. Snemma hneigðist hugur hans til
sjómennsku; hóf sjósókn þegar á barns-
aldri, á sjónum var hann sem heima hjá sér,
og sjóinn stundaði hann allt til æviloka.
Rcisklega tvítugur sótti hann skipstjórnar-
námskeið á Siglufirði og lauk einu hæsta prófi, er til þess tíma hafði
verið tekið á slíkum námskeiðum. Eftir það var hann með báta,
ýmist eigin báta eða annarra, síðast fyrir Eiskiðju Sauðárkróks h.f
Stefán \ar ágætur sjómaður, heppinn og aflasæll, djarfur og þó
gætinn um leið og fyrirhyggjusamur, æðrulaus og ekki vílsamur,
skjótráður, ef til þurfti að taka, og farnaðist að öllu vel í áratuga
fangbrögðum og átökum við Ægi konung.
A gamlaársdag 1948 gekk Stefán að eiga Þuriði Pétursdóttur
\ erkamanns á Sauðárkróki, áður bónda í Vatnshlíð á Skörðum, Guð-
mundssonar bónda þar, Sigurðssonar, og konu hans Herdísar Gríms-
dóttur bónda á Syðri-Reykjum í Biskupstungum, Einarssonar, og
konu hans Kristínar Gissurardóttur frá Vatnsenda í Flóa. Þau eign-
uðust tvær dætur: Önnu Sjöfn, hárgreiðslumær í Reykjavík, og Her-
disi, sem enn er í heimahúsum.
Stefán Sigurðsson var meðalmaður á hæð og þó ríflega, gTann-
vaxinn, holdskarpur, fríður sýnum og fjörlegur á svip, gleðimaður
og geðfelldur og hugnaðist hverjum manni vel, enda mjög vinsæll.
Hann var ágætlega greindur, orðheppinn og hnyttinn í svörum,
hreinskilinn og hispurlaus, drengilegur í allri framkomu, höfðingi
í lund og mátti ekki aumt sjá. Hann var glaður á góðri stund, en
annars dulur og innhverfur nokkuð, orðfár um eigin hagi og hugs-
anir og ekki alltaf sjálfum sér auðveldur. Stefán var traustur maður,
áreiðanlegur og samvizkusamur. Hann var mikill dugnaðarmaður
og lagvirkur að sama skapi; mátti svo kalla, að hvert verk léki í
Stefán Sigurðsson