Málfregnir - 01.07.1990, Síða 22

bundinni merkingu, lieldur sé það alltaf
einhvers konar mynd eins og hvert
annað ljósrit. En þá er þess líka að gæta
að orðið mynd á sér þrönga merkingu
sem er býsna áleitin (og orðið rit raunar
einnig). Því er óvíst að orðið myndrit sé
svo hnitmiðað þegar öllu er á botninn
hvolft. Orðin símabréf og bréf(a)sími
hafa þó þann höfuðkost að skírskota til
síma. Og þó að eitthvað megi að þeim
finna eru þau hvorki „klaufaleg“ né
„óþjál“ eins og einhver hélt fram.
Fleiri tillögur eða hugmyndir verða
ekki ræddar hér að sinni. Þess má geta
að lokum að íslensk málstöð eignaðist
nýlega tæki sem þar á bæ er aldrei kallað
annað en bréfasími. Orðið hefir vanist
vel. Með því er ekki sagt að aðrir eigi að
nota það, né heldur að starfsfólkið þar
geti ekki tamið sér annað heiti ef betra
býðst. Sögninni símsenda hefir brugðið
fyrir í málstöðinni og veldur ekki mis-
skilningi. Sögnin bréfsíma væri svo sem
hugsanleg, en varla er þörf fyrir hana.
Málstöðin heldur áfram að taka við til-
lögum og hugmyndum og reynir að fylgj-
ast með því sem fram fer. Málið er enn í
mótun.
22