Bændablaðið - 23.10.2014, Side 44

44 Bændablaðið | Fimmtudagur 23. október 2014
Utan úr heimi
Afríka – heimsálfa
tækifæranna?
Afríka er næststærsta heimsálfa
jarðar. Þar býr um sjöundi hluti
íbúa heimsins, um 1 milljarður í
56 löndum á landsvæði sem er um
30 milljónir ferkílómetra eða sem
svarar til um 20% af þurrlendi
í heiminum. Í þessu ljósi þarf
að setja ákveðinn fyrirvara um
umfjöllunarefnið, enda ólíku
saman að jafna, löndunum í
norðurhluta Afríku eða suðurhluta
Afríku.
Undanfarin ár hefur Kína, og
raunar Asía í heild sinni, verið
miðpunktur vaxtar þegar horft er
til sölu landbúnaðarvara og er svo
enn. En þegar horft er lengra fram á
veginn telja margir að Afríka muni
taka við þessu kefli. Vissulega
hefur útbreiðsla ebólu mikil áhrif
í heimsálfunni núna og hriktir í
stoðum efnahags þeirra landa þar
sem ebólan hefur valdið mestu tjóni
og mannfalli. Bæði vegna þessa, og
þeirrar staðreyndar að heimsálfan
hefur þurft á fjárhagsstuðningi
hjálparstofnana að halda í langan
tíma, er Afríka sjaldan nefnd sem
heimsálfa tækifæranna. Við nánari
skoðun má hins vegar sjá að þar
eru gríðarleg tækifæri og sjáanleg
mikil sóknarfæri á komandi
árum. Heimsálfan er í miklum
efnahagslegum vexti, flytur mikið
inn af landbúnaðarvörum í dag en
er jafnframt með afar gott en ónotað
landbúnaðarland.
5% heimsframleiðslunnar á kjöti
Þrátt fyrir stærð sína þá stendur
heimsálfan ekki fyrir nema um
5% af heimsframleiðslunni á
kjöti, með um 14 milljón tonna
framleiðslu af nautgripa-, lamba-,
kjúklinga-, svína- og geitakjöti, og
þar skarar Suður-Afríka fram úr
með um 20% af öllu því kjöti sem
framleitt er í heimsálfunni! Þar á
eftir kemur svo Egyptaland með
um 10% heildarframleiðslunnar.
Vegna lítillar framleiðslu á kjöti er
þegar á heildina er litið verulegur
innflutningur á kjöti til Afríku og
hefur innflutningurinn aukist um
300% á undanförnum áratug. Alls
er talið að nettóinnflutningurinn á
kjöti til Afríku núna nemi um 1,7
milljónum tonna og leiðir þessi
heimsálfa nú vöxt á markaði og spá
því margir að svo verði áfram bæði
í kjöti og fleiri landbúnaðarvörum.
Meðalnytin ekki nema 800 kíló
Rétt eins og með kjötframleiðsluna
í Afríku þá er mjólkurframleiðslan
afar vanþróuð í flestum lönd-
unum, þó ekki öllum. Talið er að í
heimsálfunni séu um 42 milljónir
mjólkurkúa en að framleiðsla hverrar
kýr sé ekki nema um 800 kíló á ári
að jafnaði. Þarna eru því sjáanleg
mikil tækifæri bæði í ráðgjöf til
bænda en einnig í ræktun og þá
síðar aukinni framleiðslu mjólkur.
Þetta hafa einnig mörg alþjóðleg
fyrirtæki í mjólkuriðnaði séð og
undanfarin misseri hafa þau verið
að koma sér fyrir á markaðinum í
Afríku og ætla sér klárlega stóra
hluti í heimsálfunni. Þannig berast
t.d. nánast vikulega fregnir af
uppkaupum eða nýfjárfestingum í
mjólkuriðnaði í Afríku.
Margar hendur vinna létt verk
Enn sem komið er eru mörg af
þeim svína- og kúabúum sem er
búið að koma upp ekki verulega
tæknivædd. Skýringin felst m.a. í
hefðunum í heimsálfunni, þar sem
vaninn eða hefðin er að margir starfi
að hlutunum og leysi þá saman. Að
sama skapi eru launagreiðslur ekki
íþyngjandi svo flestum hugnast vel
að hafa marga í vinnu. Það leiðir til
samheldni og léttir reksturinn.
En á hverju byggja spádómar
margra um að Afríka sé heimsálfa
tækifæranna? Sumir horfa þar til
fjögurra grunnþátta sem eru til
staðar; stöðugleiki, fólksfjölgun,
gnótt auðlinda og ónýtt tækifæri í
landbúnaði.
Stöðugleikinn
Þrátt fyrir að það sé ekki pólitískur
stöðugleiki í öllum löndum Afríku
hafa orðið miklar framfarir á
undanförnum áratug eða svo
með mun færri átökum og meiri
fyrirsjáanleika við rekstur landanna.
Aukinn stöðugleiki hefur svo leitt
til uppgangs fyrirtækja og vaxa þau
hratt þessi misserin. T.d. er talið að
árið 2030 verði verg framleiðsla
heimsálfunnar þreföld á við það sem
hún er nú.
Fjölgun fólks
Samhliða uppgangi fyrirtækja í
Afríku eykst kaupgeta fólks með
Útlit fyrir góða
humaluppskeru
Bjóráhugamenn í Bretlandi eru
glaðir á svipinn þessa dagana
enda bendir flest til þess að
humaluppskera í ár verði með
betra móti enda vaxtarskilyrði
fyrir humal víða mjög góð.
Spár fyrir humaluppskeru í
Hereford- og Worcesterskíri eru
mjög góðar enda vaxtarskilyrði fyrir
humal á yfirstandandi vaxtartímabili
nánast fullkomin. Uppskera í Kent
og öðrum héruðum í Suður-Englandi
er sögð vera meiri en síðastliðin
tvö ár þrátt fyrir minni rigningu en
vonast var eftir.
Í kjölfar humaluppskerunnar
á Bretlandseyjum fylgja víða
bjórhátíðir þar sem gestir fá tækifæri
til að smakka tugi ef ekki hundruð
ólíkra gerða af bjór frá litlum
bjórgerðum. Ólík kvæmi af humal
framkalla mismunandi bragð sem er
allt frá því að vera rammbiturt yfir í
að vera silkimjúkt. /VH
Mynd / fao/alessandra benedetti
Kornuppskera í Suður-Afríku.
Plast, miðar og tæki Krókhálsi 1 110 Reykjavík www.pmt.is
BAKKAPÖKKUNARVÉL
ISHIDA NANO prentar límmiða um leið og hún pakkar.

Auðveld í notkun og tekur lítið borðpláss.

Sjáðu sýningrvél hjá okkur á Krókhálsi 1 núna!

Nánari upplýsingar í síma 567 88 88
NANO ER MEÐ NÝJUSTU GERÐ AF ISHIDA MIÐAVOG.
VERÐIÐ KEMUR SKEMMTILEGA Á ÓVART!