Skírnir - 01.01.1985, Page 231

SKÍRNTR
RÝMI/TÍMI f VERKUM ERRÓS
197
að vera tilviljunarkennd. Erró skipar nokkrum röðum formeinda
í hálfhring inn í rýmið. Við höfum hér opna myndbyggingu, sem
flæðir út yfir myndrammann og einkennist af riðlun stærðarhlut-
falla með því að láta ólíka fjarlægð skarast (augun í nærmynd eru
fullkomlega sett inn í heildarplan). í myndinni Fœðing Hitlers
stöndum við ekki lengur andspænis venjulegri sjónblekkingu.
Hið listræna myndmál hefur verið endurskipulagt, brotið upp og
opnað fyrir ævintýralegri samsetningu, þar sem allt byggist á að
hrúga saman eindum eða hlutum úr ólíkum kerfum, sem virðast
mætast hálf tilviljunarkennt á myndfletinum. En þetta er þó að-
eins sýndarringulreið því að listamaðurinn hefur vandað vel alla
sviðssetningu, sett upp í raðir og skapað sterka rýmisverkun
(formeindir eru minni í efri hluta myndarinnar).
í myndinni notar Erró aðeins fáa myndramma og lætur að öðru
leyti formin og hlutina vinna frjálst saman. Myndbyggingin nálg-
ast því það sem kalla má „einrými", þar sem hlutir frá ólíkum
tímum og rýmum mætast og skarast hindrunarlaust í sameigin-
legu rými á myndfletinum. Öllum þessum myndeindum er hrúgað
saman í myndrýmið í meira eða minna samstæðum heildum þar
sem stærðarhlutföll riðlast á ýmsa vegu.
Mergð formeinda
Málverk Errós einkennast yfirleitt af samhrúgun eða mergð hluta
sem raðað er saman á myndfletinum þar sem skarast fjöldi ólíkra
tíma og rýma og gerir það frásögnina oft á tíðum afar flókna, án
þess þó að verða nokkurn tíma að algerri sjónrænni ringulreið.
Listamaðurinn gætir þess ávallt að raða skipulega inn í myndrým-
ið.
En hvar má finna jafn hömlulausa samhrúgun og í „landa-
myndum“ (scape) listamannsins, þar sem mergðin virðist óend-
anleg?
Fyrsta „landið“ sem Erró gerir er Foodscape, 200x300 sm, um
1965. - í þessu furðulega matarlandslagi er ákveðin dýpt gefin í
skyn með því að láta hluti minnka inn í rýmið (pakkar og mat-
væli), og ennfremur með því að hafa sjóndeildarhringinn rétt
neðan við myndrammann. En móti þessari dýptarverkun vega
myndir af matvælum sem virðist dreift yfir myndflötinn. Þessi