Morgunblaðið - 30.07.2015, Side 4

4 FRÉTTIRInnlent
MORGUNBLAÐIÐ FIMMTUDAGUR 30. JÚLÍ 2015
Bókaðu núna á baendaferdir.is
Sími 570 2790
bokun@baendaferdir.is
Síðumúla 2, 108 Reykjavík
Sp
ör
eh
f.
Fararstjóri: Hlín Gunnarsdóttir
12. - 22. september
Gardavatn& Feneyjar
Haust 9
Ör
fá s
æt
i la
us
Gardavatn er ótvírætt einn vinsælasti áfangastaður
Íslendinga til margra ára, enda líkti Goethe staðnum við
himnaríki og skyldi engan undra. Í ferðinni njótum við þess
að sigla á Gardavatni, heimsækjum drottningu Adríahafsins,
Feneyjar og elstu borg Norður-Ítalíu,Veróna.
Verð: 219.900 kr. á mann í tvíbýli.
Mjög mikið innifalið!
Ingvar Smári Birgisson
isb@mbl.is
Kríuvarp hefur aukist mikið í frið-
landinu í Vatnsmýri í ár. Jóhann Óli
Hilmarsson fuglafræðingur segir að
kríuhreiðrin hafi verið 40 talsins í
fyrra en í ár séu þau yfir 100.
„Fyrir nokkrum árum tók Nor-
ræna húsið sig til og endurbætti
friðlandið. Það var gert í tveimur
áföngum og seinni áfanganum lauk í
fyrra. Upp úr því fóru kríurnar að
verpa í friðlandinu. Það hefur verið
betra kríuvarp núna heldur en í
langan tíma. Á Seltjarnarnesi var
gott varp, hreinlega það besta síðan
fyrir árið 2005,“ segir Jóhann Óli.
Hann telur að kríuvarpinu standi
ógn af „leiðindaplöntum“. „Það eru
aðskotaplöntur sem eru að leggja
allt undir sig í friðlandinu. Borgin
þarf að taka sig taki núna og vinna í
því fyrir næsta sumar að uppræta
kerfil, þistil og fleiri leiðindaplöntur.
Krían vill hafa opið land, hún vill
helst verða á sandi eða berangri,
allavega í mjög lágum gróðri.“
Snorri Sigurðsson, líffræðingur
hjá umhverfis- og skipulagssviði
Reykjavíkurborgar, segir að vel sé
fylgst með þessum gróðurvanda.
„Við vitum að við þurfum að gera
meira en hefur verið gert hingað til.“
Kríurnar setjast á bílastæðið
„Við þurfum vissulega að grípa
inn í. Þetta er alltaf dálítið snúið því
friðlandið er lokað fyrir umferð á
varptíma þannig að við eigum mjög
erfitt með að fara þarna inn á besta
tíma til að tækla svona plöntur. Ann-
aðhvort þarf að fara að vori áður en
fuglarnir koma eða síðla sumars. En
þá erum við kannski búnir að missa
af plöntunum, þá er t.d. kerfillinn yf-
irleitt búinn að mynda fræ,“ segir
Snorri.
Hann segir að kríur á svæðinu séu
líklega a.m.k. 300. „Ég var þarna í
gær og það sem kríurnar gera, þeg-
ar langt er liðið á varpið og unginn
er orðinn eitthvað fleygur, er að
setjast á malarbílastæðið hjá Há-
skóla Íslands. Það gerðist líka í
gamla daga. Í gær voru um 200 kríur
sem sátu þarna á mölinni, fyrir utan
þær sem voru ennþá úti í varpinu,
þannig að þetta eru örugglega 300
kríur eða fleiri sem eru þarna núna.
Þetta er líka jákvætt fyrir aðrar
fuglategundir. Krían er afskaplega
aðgangshörð sem hjálpar til við að
halda í burtu mávum eða hröfnum
sem gætu reynt að ná í egg eða
unga. Það hjálpar t.d. öndum. Þær
fá þá skjól og geta frekar verpt inni í
friðlandinu. Þær hafa ekkert verið
mikið að verpa fram til þessa, en eft-
ir að krían kom er það í vexti. Við
höfum séð fleiri og fleiri endur verpa
í friðlandinu og í sumar voru alla-
vega 5 andategundir sem verptu inni
í friðlandinu. Þær eiga betri mögu-
leika á að koma upp sínum ungum
þar heldur en t.d. niðri á stóru tjörn-
inni út af þessu skjóli sem krían veit-
ir,“ segir Snorri að lokum.
Kríum fjölgar í Vatnsmýri
 Fuglafræðingur segir kríuhreiður fleiri en 100 í ár í friðlandinu í Vatnsmýri
 Hreiðrin voru 40 í fyrra  Meira andavarp í friðlandinu þakkað fleiri kríum
Morgunblaðið/Árni Sæberg
Kríuvarp Þótt kríunum fari fjölgandi í friðlandinu í Vatnsmýri þá ógna aðskotaplöntur varpsvæðunum þeirra. Reykjavíkurborg er meðvituð um vanda-
málið og fylgist með svæðinu. Snorri Sigurðsson hjá Reykjavíkurborg segir snúið að uppræta plönturnar, því umferð er ekki leyfð um svæðið á varptíma.
Morgunblaðið/Sigurður Ægisson
Andavarp Endurnar leita í vernd
kríanna, sem eru aðgangsharðar.
Gerðardómur í máli íslenska ríkis-
ins og BHM var skipaður 1. júlí og
hefur hann tím-
ann til 15. ágúst
að ákveða kjör
félagsmanna.
Hæstiréttur hef-
ur ógilt úrskurð
héraðsdóms
Reykjavíkur sem
hafnaði kröfu Fé-
lags íslenskra
hjúkrunar-
fræðinga um að
mál sem félagið
hugðist höfða gegn íslenska ríkinu
fái flýtimeðferð.
Ný stefna til flýtimeðferðar
Er því héraðsdómi gert að gefa út
stefnu til flýtimeðferðar í málinu,
líkt og fram kom á mbl.is í fyrradag.
Þar kom einnig fram að málið
sem hjúkrunarfræðingar hafa höfð-
að varðar gerðardóminn sem skip-
aður var í máli þeirra.
Félag íslenskra hjúkrunarfræð-
inga telur að þar sem hjúkrunar-
fræðingar felldu kjarasamninginn
eigi þeir rétt á að ganga aftur að
samningaborðinu en ríkið telur að
gerðardómurinn sem skipaður var
eigi að starfa áfram.
Skipta með sér verkum
Garðar Garðarsson, formaður
gerðardóms, segir að dómurinn sé
nú að störfum. Meðlimir gerðar-
dóms fundi yfirleitt saman, en skipti
samt sem áður með sér einstökum
verkefnum, í rannsóknarvinnu og
öðru.
„Í gerðarreglunum leggjum við
mikla áherslu á það, að aðilar reyni
að ná sáttum, helst í heild, en ef
ekki, þá um einstök atriði,“ sagði
Garðar í samtali við Morgunblaðið í
gær.
„Við getum vonandi lokið okkar
verki á tilsettum tíma,“ sagði Garð-
ar Garðarsson. agnes@mbl.is
Áherslan
á að ná
sáttum
 Vonar að tíma-
frestur sé nægur
Garðar
Garðarsson
Á 22 árum fjölgaði vínveitinga-
leyfum á Íslandi um 640%. Árið 1992
voru leyfin 134 en í október 2014
voru þau orðin 857. Þetta kemur
fram í skýrslu
Áfengis- og vímu-
varnarráðs 2001
og á vefsíðu lög-
reglunnar.
Í fyrra höfðu
verið útgefin 493
vínveitingaleyfi
til veitingastaða í
flokki II sem þýð-
ir að starfsemin
er ekki til þess
fallin að valda
ónæði. Þá höfðu 364 leyfi verið út-
gefin til veitingastaða í flokki III, en
þar er heimilað að leikin sé hávær
tónlist og afgreiðslutími er lengri en
til kl. 23. Staðir í flokki III myndu í
daglegu tali kallast skemmtistaðir.
Fyrst og fremst veitingastaðir
Vilhjálmur Árnason, þingmaður
Sjálfstæðisflokksins og flutnings-
maður frumvarps, þar sem lagt er til
að bundinn verði endi á einokun rík-
isins á sölu áfengis, segir þessa þró-
un sýna að það sé eftirspurnin sem
stýri framboðinu á áfengi en ekki öf-
ugt. „Ferðamannastraumurinn hef-
ur verið að aukast undanfarin ár og
það er greinilega krafa á veitinga-
staði, sem fer fjölgandi vegna fjölda
ferðamannanna, að áfengi sé í boði
og sé hluti af þjónustunni.“
Hann telur fjölgun vínveitinga-
leyfanna fyrst og fremst koma til
vegna fjölgunar veitingastaða, t.d.
kaffihúsa og matsölustaða. „Staðir
þar sem fólk sest inn og borðar með
allri fjölskyldunni,“ segir Vil-
hjálmur.
Spurður hvort fjölgun vínveitinga-
leyfa hafi haft áhrif á unglinga-
drykkju segir Vilhjálmur tölur sýna
að drykkja meðal unglinga hafi
dregist verulega saman. Árið 1997
höfðu 49% nemenda í unglingadeild-
um grunnskóla drukkið áfengið á
síðustu 30 dögum, en nú sé hlutfallið
komið niður í 9%. isb@mbl.is
Áfengisleyfum fjölgar
um 640% á 22 árum
 Unglingadrykkja fellur úr 49% í 9% frá 1997-2015
Morgunblaðið/Ernir
Vín og matur Vilhjálmur telur aukinn veitingarekstur útskýra þróunina að
hluta til. Veitingastöðum fjölgar hratt vegna aukins ferðamannastraums.
Vilhjálmur
Árnason