Morgunblaðið - 30.07.2015, Qupperneq 11

DAGLEGT LÍF 11
MORGUNBLAÐIÐ FIMMTUDAGUR 30. JÚLÍ 2015
Opið 10-17 alla daga til 30. ágúst.
Leiðarlýsingar á landsvirkjun.is/heimsoknir
Gagnvirkar orkusýningar Landsvirkjunar í Búrfelli
og Kröflu varpa ljósi á orkuna sem býr í öllum hlutum.
Landsvirkjun vinnur rafmagn úr endurnýjanlegum
orkugjöfum; vatnsafli, jarðvarma og vindi.
Líttu við í sumar.
okkur að þeir bresti hreinlega í söng
þegar viðburðurinn er ræddur,“
segir Sigurður hlæjandi en þessi
hugmynd hafi komið upp á skipu-
lagsfundi og verið gripin glóðvolg.
Að viðburðinum standa fjöl-
margir einstaklingar víðsvegar að
úr hinsegin samfélaginu sem fannst
tími til kominn að fræða allan al-
menning um málefni sem varða
minni hópa sem almennt eiga erf-
iðara með að koma sínum málum á
framfæri.
„Þarna gefst okkur tækifæri til
að hafa meiri dýpt í fræðslunni þar
sem þetta er heill frídagur og fleiri
sem komast til okkar. Það er nefni-
lega svo margt sem við viljum tala
um en bara hefur ekki gefist tími í
það,“ segir Sigurður léttur í bragði.
Forréttindasmiðja
Undir jaðarmálefnin falla mál-
efni sem tengjast lífi og tilveru hin-
segin fólks. Fara fyrirlestrarnir ým-
ist fram á ensku eða íslensku. Meðal
viðburða má nefna málstofur um
trans og kynsegin, málefni tví-,
pan-, og polykynhneigðra, asexual,
kynningu á öruggu bdsm og menn-
ingarnám.
Þar að auki verður boðið upp á
forréttindasmiðju sem Sigurður
segir vera þann viðburð sem enginn
ætti að láta fram hjá sér fara, að öll-
um hinum ólöstuðum.
„Þar fara fram æfingar þar sem
fólk fær að kynnast forréttindum
sem það hefur en áttar sig ekki á.
Það er ótrúlega gefandi,“ segir hann
en það séu til dæmis forréttindi að
búa hér á landi og tala íslensku.
„Það að vera með heilbrigðan lík-
ama eru líka gríðarleg forréttindi og
þurfa ekki að hafa áhyggjur af því
hvort það sé aðgengi fyrir okkur í
samfélaginu,“ bætir hann við.
Þörfin mun ekki þverra
Aðspurður hvort enn sé brýn
nauðsyn á fræðslu um málefni hin-
segin fólks segir Sigurður þörfina
fyrir slíkt aldrei munu þverra. „Hún
mun kannski breytast með tímanum
en ef öll fræðslan hættir þýðir það
að fólk hættir að tala um málefni
hinsegin fólks. Þá gleymist það og
við yrðum aftur komin inn í skáp-
inn.“ Samkynhneigðir séu almennt
viðurkenndir í samfélaginu í dag en
enn heyrist þó af atvikum sem setja
svartan blett á framfarirnar. Þá hafi
fleiri hópar brotist fram á sjón-
arsviðið innan hinsegin samfélagsins
og því auðveldara fyrir fólk að skil-
greina sig nákvæmlega eftir því sem
það telur sig vera. „Við þurfum að
opna meira fyrir fjölbreytileika því
þó að samkynhneigð sé nú talin í
lagi þá eru fleiri hópar að koma
fram og halda verður umræðunni lif-
andi svo þeir verði einnig lausir við
fordóma.“
Almennt hafi þó mikið orðið
ágengt í réttindabaráttunni innan
landsteinanna á síðustu áratugum
en Sigurður segist þó hafa orðið var
við ákveðið bakslag á síðustu árum í
kjölfar hrunsins. Þó sé gleðiefni að
nú sé síður hægt að komast upp með
fordóma í opinberri umræðu því fólk
stígi frekar fram á sjónarsviðið
óhrætt við að svara því fullum hálsi.
Endatakmarkið með baráttu til
handa hinsegin fólki er mismunandi
í hugum fólks. Aðspurður hvort
samfélag án nokkurra skilgreininga,
þ.e. samkynhneigðar, gagnkyn-
hneigðar eða annarrar hneigðar eða
vitundar, myndi teljast góður endir,
segir Sigurður svo ekki vera. „Mér
finnst skilgreiningin nauðsynleg fyr-
ir okkur til að átta okkur á því hver
við erum og til að við getum sett
eitthvert nafn á það sem við upp-
lifum okkur vera. En markmiðið er
um leið að skilgreiningin skipti ekki
máli í hugum annars fólks.“
Áhugi Hinsegin fræðsla er mikilvæg því án hennar hætti fólk að tala um málefnin sem hreki fólk aftur inn í skápinn,
að sögn Sigurðar, skipuleggjanda viðburðarins. Auðvelt var að fá fólk, vel að sér í málefninu, til að tala á mánudag.