Morgunblaðið - 30.07.2015, Síða 42

42 FRÉTTIRInnlent
MORGUNBLAÐIÐ FIMMTUDAGUR 30. JÚLÍ 2015
Sími 571 2000 | hreinirgardar.is
Garðsláttur
Láttu okkur sjá um
sláttinn í sumar
SVIÐSLJÓS
Agnes Bragadóttir
agnes@mbl.is
Í ár fagnar Laxárfélagið í Laxá í
Aðaldal 75 ára afmæli sínu. Síð-
degis í gær höfðu verið veiddir
75.098 laxar frá því að veiðin hófst
sumarið 1941. Orri Vigfússon, for-
maður félagsins undanfarin 30 ár,
segir veiðina hafa gengið vel í
Laxá að undanförnu.
Laxárfélagið er samtök áhuga-
manna um stangveiði og nátt-
úrutöfra Laxár í Aðaldal. Félagið
skiptist í deildir með heimilisfesti
á Akureyri, Húsavík og í Reykja-
vík og rekur veiðiheimilið Vöku-
holt í landi Laxamýrar. Í starfi
sínu segir Orri að Laxárfélagið
vilji stuðla að alhliða laxavernd í
villtri náttúru, beita sér fyrir hóf-
semi og háttvísi við veiðar og
vinna að öðrum áhugamálum
fluguveiðimanna.
51. veiðiár Orra í Laxá
„Þetta er 51. árið mitt sem ég
veiði í Laxá í Aðaldal,“ sagði Orri
í samtali við Morgunblaðið, „og
ánægjan af því að veiða í þessari
stórkostlegu á er alltaf hin sama.
Það voru nokkrir læknar á
Landspítalanum sem stofnuðu
Laxárfélagið árið 1940. Það eru
ennþá nokkrir læknar í félaginu.
Það hefur verið talsvert mikið um
það að félagasæti í Laxárfélaginu
og þar með veiðirétturinn hafi
gengið í erfðir, þannig að synir,
dætur og tengdabörn hafa tekið
við keflinu. Það er óhemju-
skemmtilegt að vera í þessum fé-
lagsskap. Á þessum 75 árum hafa
aðeins þrír menn verið formenn
félagsins. Fyrsti formaðurinn hét
Kristinn Stefánsson, frá Grund í
Svarfaðardal. Annar í röðinni var
Sigurður Samúelsson prófessor.
Og ég er þriðji formaðurinn og hef
verið í formennsku undanfarin 30
ár,“ segir Orri.
Öllum laxi sem veiddur er í
Laxá í Aðaldal er sleppt og hefur
sá háttur verið hafður á síðan
2003.
„Við byrjuðum að sleppa öllum
laxi sem veiddist í ágústmánuði,
1995. Svo fórum við að sleppa öll-
um stórum laxi, einkum stórum
hrygnum. Við höfum sleppt öllum
laxi sem veiðst hefur síðan árið
2003,“ sagði Orri.
Hann var spurður hvort ekki
hefði verið erfitt að fá lax-
veiðimennina til þess að sam-
þykkja sleppingar:
„Jú, í ákveðnum tilfellum var
það mjög erfitt. Meira að segja
svo erfitt, að nokkrir hættu bara
að veiða í Laxá. Menn vilja borða
fiskinn sem þeir veiða og það jafn-
ast náttúrlega ekkert á við villtan
lax,“ segir Orri. Hann segir að
þeir í Laxárfélaginu hafi verið að
reikna út hrognamagnið í ánni.
Svo virðist sem laxveiðimenn í
Laxá séu að skilja eftir jafnmikið
hrognamagn í ánni, með því að
sleppa öllum laxinum og var í ánni
í gamla daga, þegar mokveiði var
alltaf í Laxá. „Ef þú veiðir 1.000
laxa og drepur alla, þá eru líklega
um 650 laxar sem hrygna miðað
við 60% veiðihlutfall. Það jafn-
gildir veiðiári upp á 390 laxa þar
sem öllu er sleppt. En það ár
hrygna líka 650 laxar. Þannig að
þegar búið er að veiða 390 laxa,
má gera ráð fyrir að jafn mikið sé
eftir í henni eins og var þegar
1.000 laxar voru drepnir,“ útskýrir
Orri.
Axel byrjaði að veiða í Laxá
10 ára gamall
Axel Gíslason, fyrrverandi for-
stjóri VÍS, hefur veitt í Laxá í Að-
aldal í sextíu sumur í röð. Hann
veiddi sinn fyrsta lax í ánni þegar
hann var tíu ára.
„Fyrstu árin fór ég með pabba
að veiða í Laxá í Aðaldal. Svo um
árabil með stærri hópum. En núna
seinni árin hefur þetta einkum
verið fjölskyldutengdur veiði-
félagsskapur,“ sagði Axel í samtali
við Morgunblaðið.
Aðspurður hvort hann hefði ein-
hverja tölu á þeim löxum sem
hann hefur veitt í Laxá í Aðaldal,
sagði Axel: „Nei, því miður. Ég
hefði gjarnan viljað eiga upplýs-
ingar um það, en ég hef ekki hald-
ið utan um þetta, eins og ég hefði
kannski átt að gera.“
Það var alveg skítkalt
„Já, það er alltaf jafnskemmti-
legt að veiða,“ sagði Axel að-
spurður, „en reyndar er það
minna skemmtilegt, þegar það er
mjög kalt, eins og var fyrir norðan
fyrir tveimur vikum, þegar ég var
að veiða í Laxá í Aðaldal. Það var
alveg skítkalt.“
Axel segir að mismunandi veiði-
svæði í Laxánni séu meira og
minna allt uppáhaldsveiðisvæði.
„Það er ekkert hægt að gera upp
á milli þeirra. Sum eru alltaf góð
en sum ekki, og þá slakar maður
heldur á í sókninni á þau svæði.
En svo geta þau verið bestu og
skemmtilegustu svæðin næsta ár-
ið. Þetta er eitt af því sem gerir
veiðina svo spennandi, að vita
hvaða svæði eru góð á hverjum
tíma, hvar veiðist og hvaða flugu
hann vill taka. Þetta veit maður
aldrei fyrirfram og þess vegna er
þetta mjög skemmtilegt,“ sagði
Axel Gíslason að lokum.
Hefur veitt í Laxá í 60 sumur
 Laxárfélagið í Laxá í Aðaldal fagnar 75 ára afmæli í ár  Orri Vigfússon hefur verið formaður fé-
lagsins í 30 ár  Einungis þrír menn hafa gegnt formennsku frá upphafi  75.000 laxar hafa veiðst
Morgunblaðið/Golli
Í 60 sumur Axel Gíslason með 83 sentimetra hrygnu úr Brúarstreng í Laxá
í Aðaldal fyrir réttum tveimur vikum. Axel hefur veitt í ánni 60 sumur í röð.
Hann byrjaði 10 ára að veiða í ánni, og hann sleppir aldrei úr sumri.
Morgunblaðið/Einar Falur
Formaður í 30 ár Orri Vigfússon
berst ávallt fyrir velferð laxins.
36 punda Jakob V. Hafstein heitinn
með 36 punda hæng sem veiddur
var í Laxá í Aðaldal, Höfðahyl, á
fluguna Jock Scott 10. júlí 1942.
Stolt feðgin Bryndís Líf veiðikona með föður sínum Bjarna Þórði Bjarnasyni með 105 sentimetra nýgenginn hæng.