Morgunblaðið - 30.07.2015, Side 52

VIÐTAL
Karl Eskil Pálsson
karlesp@simnet.is
„Starf atvinnumálafulltrúa er mjög fjölbreytt.
Ég einsetti mér strax að vera í sem nánustu
sambandi við atvinnulífið og stoðkerfið, þann-
ig að bæjaryfirvöld gætu verið sem best upp-
lýst um hvernig hjól atvinnulífsins snúast
hverju sinni. Þess vegna reyni ég að fara
reglulega í heimsóknir til fyrirtækja og stofn-
ana, sem er líka besta leiðin til að kynnast
fólkinu. Við getum kallað þetta að leggja við
hlustir og vera vakandi yfir stöðu mála. Tölu-
verður tími fer líka hjá mér í að vinna
skýrslur og greiningar um ýmis mál sem
tengjast atvinnulífinu, sem nýtast síðan á
ýmsum stöðum atvinnulífsins og í stjórnkerf-
inu,“ segir Albertína Friðbjörg Elíasdóttir,
atvinnumálafulltrúi Akureyrarbæjar. Hún
var ráðin í stöðuna í fyrrasumar, áður var hún
verkefnastjóri hjá Nýsköpunarmiðstöð Ís-
lands á Ísafirði, auk þess að sitja í bæjar-
stjórn Ísafjarðarbæjar á síðasta kjörtímabili.
Hún segir að stoðir atvinnulífsins á Akureyri
séu margar.
„Já, hérna er atvinnulífið mjög fjölbreytt og
sú staðreynd gerir mitt starf spennandi og
skemmtilegt. Hérna er öflugur sjávarútvegur
og þjónustufyrirtæki við sjávarútveginn eru
mörg og öflug. Sum þeirra hafa haslað sér völl
á alþjóðlegum mörkuðum og orðið vel ágengt,
sem sýnir svart á hvítu að þau standast allan
samanburð. Landbúnaðurinn á sér ríka hefð í
Eyjafirði og hérna eru starfandi stór mat-
vælafyrirtæki og í þeirri grein eru margir
spennandi hlutir að gerast. Í burðarliðnum er
stór matarhátíð á Akureyri og þar mun koma
berlega í ljós hversu starfsemin er kraftmikil.
Akureyri er skólabær, hérna eru tveir stórir
framhaldsskólar og Háskólann á Akureyri
þekkja allir. Stundum er því haldið fram að
stofnun háskólans hafi verið risastórt skref í
byggðamálum, sem ég held að sé örugglega
rétt. Það má líka kannski segja að háskólinn
sé nú á ákveðnum tímamótum og ég held það
séu virkilega spennandi hlutir framundan í
starfsemi skólans, sem munu hafa mikil já-
kvæð áhrif. Verslun og þjónusta er stór at-
vinnugrein, margar opinberar stofnanir eru
hérna með starfsemi og sömu sögu er að segja
um helstu fyrirtæki landsins. Þá held ég að
það kæmi mörgum á óvart hversu öflugur og
spennandi hugbúnaðargeirinn er á Akureyri.
Annars hefur komið mér skemmtilega á óvart
hversu mörg og forvitnileg sprotafyrirtæki
eru í bænum, sem munu springa út með tíð og
tíma. Atvinnuleysi er undir landsmeðaltali og
um þessar mundir er erfitt að fá til dæmis iðn-
aðarmenn til starfa. Íbúum hefur fjölgað jafnt
og þétt á undanförnum árum og flest bendir
til þess að svo verði áfram.“
Ferðaþjónustan á uppleið
Albertína segir að ferðaþjónustan sé á upp-
leið eins og víðast hvar á landinu.
„Akureyri er einn fjölsóttasti ferðamanna-
staður landsins og hérna eru gististaðir af öll-
um stærðum og gerðum og matsölustaðir
nánast á hverju horni í miðbænum. Verslunin
nýtur góðs af þessari stöðu, þannig að ferða-
mannagreinin er virkilega mikilvæg. Við
vinnum markvisst að því að millilandaflug
verði í boði til og frá Akureyri sem fyrst með
flugklasanum Air66. Slíkur valkostur yrði
mikil lyftistöng fyrir greinina alla, um það eru
flestir sammála. Innviðirnir eru til staðar og
ég er ekki í vafa um nauðsyn þess að opna
fleiri gáttir inn í landið. Keflavíkurflugvöllur
er ekki nóg og líklega er þetta orðið eitt brýn-
asta hagsmunamál þjóðarinnar og getur varla
lengur talist einungis málefni ferðaþjónust-
unnar. Þetta snýr ekki síður að þjóðhags-
legum hagsmunum að því leyti að þetta myndi
tryggja betri nýtingu fjárfestinga og dreifa
álagi um landið. Nokkur ný hótel hafa tekið til
starfa á Eyjafjarðarsvæðinu á undanförnum
misserum og margir eru að spá í spilin, þann-
ig að ég er þess fullviss að ferðaþjónustan á
svæðinu komi til með að eflast verulega á
næstu árum. Reyndar er ég ekki bara að tala
um Eyjafjörðinn í þessu sambandi, tækifærin
liggja á allri landsbyggðinni í ferðaþjónust-
unni, það er mín sannfæring.“
Albertína segir að tilkoma Vaðlaheiðar-
ganga geri Þingeyjarsýslur og Eyjafjarðar-
svæðið meira og minna að einu atvinnusvæði,
ekki síst í ljósi mikillar uppbyggingar á Bakka
við Húsavík. Í tilkomu Vaðlaheiðarganga liggi
þannig fjölmörg tækifæri fyrir Akureyri.
Hins vegar blikki gul ljós í atvinnulífinu, sér-
staklega í Grímsey og Hrísey.
Skortur á rafmagni
„Atvinnulífið á þessum stöðum hefur verið
nokkuð í fjölmiðlum á undanförnum mánuð-
um og vissulega er staðan að sumu leyti erfið,
þó einnig séu bjartir punktar. Byggðastofnun
hefur nú ákveðið að taka þessi byggðarlög inn
í verkefnið Brothættar byggðir. Markmið
verkefnisins er að leiða fram skoðanir íbú-
anna sjálfra á framtíðarmöguleikum og leita
lausna á þeirra forsendum í samvinnu við hið
opinbera og fleiri. Í Hrísey hafa til dæmis
þegar komið fram hugmyndir um mjög svo
áhugaverðar leiðir í ferðaþjónustu og varð-
andi Grímsey liggja nú þegar á borðinu
ákveðnar tillögur um að snúa vörn í sókn. Allt
tekur þetta tíma, en það eru margir sem
leggjast á árarnar með okkur í þessu, þannig
að ég leyfi mér að horfa björtum augum á
framtíðina. Íbúum hefur fækkað í báðum eyj-
unum, sem er auðvitað áhyggjuefni. Við vilj-
um byggja landið allt og þá verður að vera til
staðar alvöru byggðastefna. Ekki einungis í
orði, heldur líka í verki.“
Albertína segir að skortur á afhendingu
rafmagns hafi í sumum tilvikum haft haml-
andi áhrif á atvinnuuppbyggingu á Eyjafjarð-
arsvæðinu og sé grafalvarlegt mál. Ný lög
sem samþykkt voru fyrir skömmu leysi von-
andi stærsta hluta vandans og því von til þess
að það fari að sjá til sólar í því máli.
Opinberum störfum hefur fækkað á Eyja-
fjarðarsvæðinu á undanförnum árum. „Það
kom mér reyndar á óvart þegar ég fór að
skoða þetta fyrir alvöru að ríkið virðist ekki
hafa hugmynd um hvar á landinu opinber
störf eru nákvæmlega vistuð eða hversu
mörg. Hérna eru margar opinberar stofnanir
og starfsemi nokkurra þeirra hefur sem betur
fer verið að eflast, sem er vel. Hins vegar eru
líka margar stofnanir sem hafa dregið saman
seglin, meira en í sjálfum höfuðstöðvunum á
höfuðborgarsvæðinu. Tækni nútímans gerir
það að verkum að svokölluðum störfum án
staðsetningar getur hæglega fjölgað mikið,
það þarf bara viljann til að svo verði.“
Starfsmenn Fiskistofu verða
orðnir 10 í lok þessa árs
Áætlanir eru uppi um að flytja höfuð-
stöðvar Fiskistofu frá Hafnarfirði til Akur-
eyrar, sem hafa mætt mikilli andstöðu víða í
þjóðfélaginu. Albertína er sannfærð um að
þær áætlanir gangi eftir.
„Aðferðafræðin er vissulega umdeild, en
eftir stendur að ríkisstjórnin stefnir að því að
flytja starfsemina hingað norður, enda kemur
skýrt fram í stefnuyfirlýsingu ríkisstjórnar-
innar að stuðla skuli að fjölbreyttum atvinnu-
tækifærum um land allt, meðal annars með
dreifingu opinberra starfa.
Hérna er til staðar þekking og umhverfi
sem slík stofnun þarf á að halda til að geta
sinnt sínu hlutverki með sóma. Starfsemin
verður klárlega flutt norður og ég ætla að
leyfa mér að spá því að starfsmenn Fiskistofu
á Akureyri verði orðnir að minnsta kosti tíu í
lok ársins.“
Talar í áttum eins og heimafólk
Albertína er Ísfirðingur, fluttist eins og
fyrr segir til Akureyrar um mitt síðasta ár.
Stundum er sagt að illa gangi fyrir aðkomu-
fólk að aðlagast bæjarbragnum og mannlíf-
inu.
„Jú, jú, blessaður vertu, ég fékk að heyra
þessar sögur þegar það spurðist út að ég væri
að flytja norður. Mér hefur verið afskaplega
vel tekið, mér var fljótlega boðið að ganga í
Rótarýklúbb Akureyrar og svo er ég komin í
tvo bókaklúbba, þannig að lífið leikur við mig
hérna fyrir norðan. Auk þess er ég búinn að
kaupa mér fasteign í hjarta bæjarins og vinir
mínir segja að ég tali orðið í áttum, rétt eins
og innfæddir gera gjarnan. Þegar ég er stödd
erlendis tala ég um að fara heim til Íslands.
Þegar ég er á Ísafirði fer ég heim til Akureyr-
ar og svo öfugt,“ segir Albertína Friðbjörg
Elíasdóttir.
„Ef byggja á landið allt verður
að vera til alvöru byggðastefna“
 Stoðir atvinnulífsins á Akureyri eru margar og traustar  Gul ljós blikka í atvinnulífi Grímseyjar
og Hríseyjar  Fjölmörg tækifæri með tilkomu Vaðlaheiðarganga  Fiskistofa eflist á Akureyri
Ljósmynd/Karl Eskil Pálsson
Sannfærð „Tækifærin í ferðaþjónustunni liggja utan höfuðborgarsvæðisins, það er mín sannfæring,“ segir Albertína Friðbjörg Elíasdóttir, at-
vinnumálafulltrúi Akureyrarbæjar. Hún segir að atvinnulíf á Akureyri sé mjög fjölbreytt og það geri starf sitt spennandi og skemmtilegt.
Naustahverfi Nýjasta íbúðahverfi Akureyrar byggist nú upp í landi Nausta. Byggð hefur verið
á Naustum frá fyrstu öldum Íslandsbyggðar og er bæjarins getið bæði í Ljósvetningasögu og
Fóstbræðrasögu. Naustahverfi er syðst í bæjarlandinu og mun fullbyggt ná inn að Kjarnaskógi.
52 FRÉTTIRInnlent
MORGUNBLAÐIÐ FIMMTUDAGUR 30. JÚLÍ 2015