Skagfirðingabók - 01.01.1984, Qupperneq 177

I Stekkjargili sumarid 1983. Bíllinn valt nibur brekkuna t. v. og lenti á
hvolfi skammt fyrir neðan þann stað sem höfundur stendur.
Ljósm.: Hjalti Pálsson.
hlaða kanta og fylla í, en við áttum að malbera að öllu leyti.
Akveðin greiðsla kom fyrir hvern metra og talsvert hærri fyrir
fullkeyrsluna. Við hófumst handa eftir nýárið og réðum menn
til að moka með okkur á bílana, þá Guðjón, Guðmund og
Sigurð Jósafatssyni og Brynjólf Danivalsson frá Sauðárkróki,
og Páll Jóhannsson frá Herjólfsstöðum var á tipp. Ofaníburð í
fullkeyrsluna tókum við út undir sjó í melhorni hjá Litla-Garði,
og ókum við yfir Garðsvatn á ísi. Eg þurfti að leggja slóð yfir
ísinn þegar snjóaði, því á Chevrolettinum mínum var svokallað
„doblað“ stýri, sem létti átökin. Varði missti stundum stjórn á
Fordinum í snjódreifum á ísnum, enda var stýrisútbúnaðurinn
einfaldari og bíllinn því þyngri í stýri. Við ókum svo eftir
frosnum bökkum og drögum að vegarstæðinu. Pað var óþverri
að aka eftir ísnum, þegar tjarnir höfðu myndazt í hláku og
frosið aftur, tvískinnungur, sem kallaður er. Isinn hélt þá
175