Múlaþing: byggðasögurit Austurlands - 01.01.1990, Page 21
HELGI GÍSLASON
Sýslunefndarsaga Norður-Múlasýslu
INNGANGUR
Úlfljótslög voru samþykkt á Alþingi árið 930. í einum kafla þeirra
segir: „F>á var landinu skipt í fjórðunga og skyldu vera þrjú þing í
fjórðungi, en þrjú höfuðhof í þingsókn hverri“. Á þingum þessum voru
menn tilvaldir að geyma hofanna að viti og réttlæti . Þeir skyldu nefna
dóma á þingum og stýra sakferli, því voru þeir goðar kallaðir. Hver
maður skyldi gefa toll til hofs.“ Síðar kom til sögunnar kirkjutíund.
Fjórðungamörkin voru: Sunnlendingafjórðungur frá Jökulsá á Sól-
heimasandi að Hvítá í Borgarfirði, Vestfirðingafjórðungur frá Hvítá
að Hrútafjarðará, Norðlendingafjórðungur frá Hrútafjarðará að Hel-
kunduheiði á Langanesi, Austfirðingafjórðungur frá Helkunduheiði
að Jökulsá á Sólheimasandi.
Vorþing munu hafa komið til sögunnar þegar landinu var skipt í
fjórðunga og skyldu vera þrjú í fjórðungi hverjum, eins og áður segir.
Störf vorþinga voru tvenns konar: f. Sóknarþing, var dómþing með
36 manna dómi, 2. Skuldaþing, var eins konar skildagi, þar sem menn
inntu af hendi ýmsar greiðslur.
Leiðir voru haustþing haldin á vorþingstöðum, stóðu í I til 2 daga.
Þar skyldi skýra frá nýmælum í lögum frá Alþingi og kynna fleira er
þar gerðist. Þingin þrjú, Alþing, vorþing og leiðir voru haldin árlega.
Allir frjálsir menn gátu sótt þing þessi, enda þótt þingfararkaupsbændur
einir hefðu þar full réttindi. Almennt er talið að hin þrjú löggiltu þing
í Austfirðingafjórðungi hafi verið Sunnudalsþing í Vopnafirði, Múla-
þing að Þingmúla í Skriðdal og Skaftafellsþing hjá Skaftafelli í Öræfum.
Frá því er sagt í Vopnfirðingasögu að Sunnudalsþing hafi verið lagt
niður fyrir kristnitöku. Álit ýmsra sagnfræðinga er að þingstaðurinn
hafi flust frá Sunnudal að Krakalæk í Tungu. Þar eru glöggar minjar