Múlaþing: byggðasögurit Austurlands - 01.01.1990, Page 48
46
MÚLAÞING
félög á Austurlandi hafa frá upphafi veitt UÍ A nokkurn fjárstyrk árlega,
a. m. k. hefir sýslunefnd Norður-Múlasýslu samþykkt slíka styrkveit-
ingu árlega.
Árið 1974 samþykkti sýslunefndin að veita fjárstyrk kr. 5000,00 til
að reisa minnismerki um Jón Eiríksson konferensráð. Beiðni um þessa
styrkveitingu kom frá Austur-Skaftafellssýslu.
Sýslunefnd samþykkti á nokkrum fundum sínum, að komið yrði á
fót sjálfstæðum útibúum sýsluskrifstofu með föstum skrifstofutíma á
Vopnafirði og í Fellabæ. Hafa nú í nokkur ár starfað skrifstofur á
báðum þessum stöðum.
Eftir margítrekaðar óskir sýslunefndar um að eftirlits- og skoðunar-
maður bifreiða í sýslunni yrði staðsettur á Héraði, nánar tiltekið í
Fellabæ, fékkst það árið 1983, og hefir hann haft sína bækistöð þar
síðan.
Eindregin ósk og krafa um sérstakan starfsmann útvarps fyrir Aust-
urland, var margra ára baráttumál sýslunefndar. Sá starfsmaður fékkst
fyrir tveim árum, og þar með svæðisútvarp á Austurlandi.
Árið 1983 var fyrst kosið á sýslufundi í svonefnt sýsluráð, tveir sýslunefndarmenn ásamt
sýslumanni. Kosningu hlutu í ráðið 1986 þeir Guttormur Þormar og Magnús Þorsteinsson
ásamt varamanni Gunnari Guttormssyni.
Arið 1989, 16. okt., var Sigurður sýslumaður hér á ferð. Afhenti þá sýsluráðið, sem þá var
að sjálfsögðu ekki starfandi, Sigurði minjagrip gjörðan af Álfasteini í Borgarfirði, og var
það klukka smekklega gerð. Sú athöfn fór fram að Helgafelli. Var þá þessi mynd tekin, en
á henni eru frá vinstri: Gunnar Guttormsson varamaður, Sigurður Helgason sýslumaður,
Helgi Gíslason og Guttormur Þormar.