Jökull - 01.12.1991, Side 93

Um eystri tunguna segir hann: „Lóðréttur og mjög
hár spísslaga að framan, því hryggurinn að vestan-
verðu sem jökullinn fór yfir heldur við hann ennþá og
myndar stóran íshelli og sér í endann á hryggnum."
VATNAJÖKULL
Skeiðarárjökull - Bragi Þórarinsson telur
jökuljaðarinn austast lægri en hann hefur verið
undanfarin ár.
Skaftafellsjökull - í bréfi Guðlaugs Gunnarssonar
segir: „... Skaftafellsjökull gekk fram í vetur
síðastliðinn en svo hefur minnkað aftur í sumar og
lækkað verulega."
ÖRÆFAJÖKULL
Svínafells-, Virkis- og Falljökull - Þessir jöklar hafa
lækkað að sögn Guðlaugs og hopað þó að það komi
ekki fram í mælingunni.
Kvíár-, Hrútár-, Fjalls- og Breiðamerkurjökull V -
Bréf Flosa Björnssonar á Kvískerjum er fróðlegt að
venju: „Hér í grenndinni hafa jöklamir flestir hopað
nokkuð nema Kvíárjökull. En þar er grjótjökullinn á
jaðri hans hár og brattur, og jökulmörk enn ekki
allskostar skýr ... Hafa sigið fram síðan í fyrra haust,
en þó má vera að þau hafi þá verið eitthvað framar en
sýndist þá, en auðsærri nú.
Hins vegar er hreinn jökull þarna að baki
grjótjökulsins talsvert lægri og sléttari nokkurn spöl,
en nokkru innar býst eg við að jökullinn hafi a.m.k.
ekki lækkað í sumar.
Þótt Hrútárjökull hafi hopað lítið eitt á
mælingastaðnum, er jökuljaðarinn þarna samt hár og
brattur. Innar verður þess samt vart að jökullinn hefur
farið lækkandi. Sést þar nú aftur í klett milli Ærfjalls
og Múla, sem hefur verið hulinn jökli allmörg ár.
Fjallsjökullinn heldur greinilega áfram að lækka
langt inn eftir. Við merki nr. 137 er jökullinn kyrr-
stæður, en þar háttar svo til að þar hefur síðari árin
verið grjótborin jökultunga, Báðum megin hefur
jökullinn verið að hopa næstliðin ár, svo skiptir
nokkrum tugum metra, en þó líklega lítið í sumar
þarna í grennd.
Eg hugðist mæla Fjallsjökul við Breiðamerkurfjall
að þessu sinni, (merki nr. 138) en gafst upp við það.
Fjallsá óvæð er eg kom þar, reyndi nokkuð að komast
yfir á jökli, en slæmar sprungur eru eins og nú er upp
af útfalli árinnar og ógreiðfærir hvassbrýndir kantar
lengra upp eftir. En jaðar Fjallsjökuls þarna sýnist lítt
breyttur frá því er síðast var mælt þar (haustið 1987),
en varla styst.
Breiðamerkurjökull við Breiðamerkurfjall ... enn
mjög sprunginn og úfinn hér um bil austur að
vestustu rönd, þó varla eins og næstliðin ár, og mun
heldur lækkandi. En hefur í sumar greinilega hopað
þó nokkuð (nema mjó jökultunga sem beygir
spottakorn vestur með fjallinu) ...
Hér hefur sumarið verið rigningasamt en hlýtt,
þótt ekki væri mikið um sterkan sólarhita, en samt
fáeinir góðir dagar. Vetrarsnjór var með mesta móti
til háfjalla í vor, en er kom fram í ágústmánuð og
september tók snjóinn ört, og jafnvel með mesta
móti, og á hájöklum einnig að því er virðist...
Læt eg þá þessum línum lokið, og vænti þess að
endingu að nákvæmari og betri aðferðir til að fylgjst
með breytingum jöklanna og ástandi þeirra leysi
þessar mælingar af hólmi áður en langt líður."
VATNAJÖKULL
Breiðamerkurjökull - Flosa á Kvískerjum farast svo
orð í ofannefndu bréfi: „Enn mældi eg að þessu
sinni merki nr. 142 (upp af Nýgræðnabakka), því
staður sá sem eg hafði stikað út áður til vara,
spottakorn austur með Máfabyggðarönd reyndist ekki
hæfur til þess, a.m.k. ekki sem stendur, því hann er
grjótbornari en eg hugði í fyrstu. Eg hafði að vísu
einnig mælt út annan stað í fyrra sumar nokkru
austar, en þær vörður voru af einhverjum ástæðum
horfnar í sumar. Hlaut eg því að mæla enn við merki
142, þótt sú lína færist sífellt nær Esjufjallarönd eftir
því sem jökullinn hopar... (Lónið sem þar var hefur
hlaupið fram, en kvísl flæmist þar um. Tók eg því
vinkil vestur á við þar skammt fyrir framan og síðan
upp í jökul eins og síðustu árin).
Eg stikaði út nýja mælilínu til að geta notað næsta
ár ... Er hún skammt austan við Nýgræðnakvíslar á
dálítilli botnurðaröldu. Tvær vörður með 50 m bili.
Frá þeirri ytri voru nú 75 m að jökli (30. ágúst).
JÖKULL,No. 41, 1991 91