Dagblaðið Vísir - DV - 18.11.2014, Blaðsíða 14

Vikublað 18.–20. nóvember 201414 Fréttir Viðskipti
Fær 1.100 kíló
af norskri hrefnu
Kannast ekki við eignarhald Kristjáns Loftssonar á norsku hvalveiðifyrirtæki
Þ
að er þá eitthvað sem er mér
alveg nýtt. Ég er annars ekki
í neinu sambandi við Krist­
ján,“ segir Gunnar Bergmann
Jónsson, framkvæmdastjóri
IP útgerða og formaður Félags
hrefnu veiðimanna, aðspurður um
kaup fyrirtækis hans á hrefnukjöti frá
norska fyrirtækinu Lofothval.
Tímaritið Grapevine sagði frá því
í nóvember að Kristján Loftsson, eig­
andi Hvals hf., sem stundar veiðar
á langreyði við Íslandsstrendur, ætti
hlut í norska fyrirtækinu. Gunnar seg­
ist hins vegar ekki hafa verið í nein­
um samskiptum við Kristján vegna
kaupanna á hrefnukjötinu.
Byrja á 1.100 kílóum
Fyrirtæki Gunnars hyggst byrja á að
flytja inn 1.100 kíló af norsku hrefnu­
kjöti þar sem veiðarnar hjá honum
hafa ekki gengið sem skyldi. „Við höf­
um bara heimild til að flytja inn allt
að tíu tonnum. Fyrsta pöntun okkar
hljóðar upp á 1.100 kíló.“ Heimild er
hins vegar fyrir því að flytja inn allt að
tíu tonnum af norskri hrefnu að sögn
Gunnars. Von er á hrefnukjötinu til
landsins um næstu mánaðamót að
sögn Gunnars.
Í viðtali við DV fyrr á árinu lýsti
Gunnar því hversu erfiðlega veiðarn­
ar hefðu gengið síðastliðin ár. „Þetta
er bara búið að ganga rosalega erf­
iðlega með hrefnuveiðarnar síð­
astliðin þrjú ár. Það er kannski ver­
ið að fara þrjá eða fjóra róðra fyrir
hverja hrefnu. Það gæti verið fækk­
un á hrefnu á þessum slóðum í kring­
um Ísland, makríllinn gæti spilað inn
í, kannski heitari sjór, en einhverjar
ástæður hafa leitt til þessarar miklu
fækkunar á hrefnu. Hér áður fyrr
var þetta þannig að menn gengu að
því, nánast í áskrift, að veiða eitt eða
jafnvel tvö dýr í hverjum róðri. Þetta
er bara langstærsta vandamálið við
þessar veiðar.“
Magnið af norska hrefnukjötinu er
hins vegar lítið þegar litið er til þess að
íslenskir hrefnuveiðimenn hafa verið
að ná í dýr sem skilað hafa á milli 40 til
50 tonnum af kjöti á hverju ári.
Aðrar vinnsluaðferðir
Vegna þessara erfiðleika við hrefnu­
veiðarnar – einungis 23 dýr af 236 dýra
kvóta veiddust í ár – var brugðið á það
ráð að kaupa norska hrefnu kjötið.
Gunnar segir að norska hrefnu kjötið
sé dýrara en það íslenska. „Þetta er
dýrara en íslenska kjötið,“ en hann vill
ekki gefa upp kaupverðið á hvert kíló
af norska kjötinu.
Gunnar undirstrikar að einung­
is sé um að ræða tilraun til að byrja
með. Hann vilji sjá hvernig íslensk­
ir neytendur og veitingastaðir taki
norska hrefnukjötinu. Einnig þurfi
að horfa til þess að norska hrefnan er
veidd og unnin með öðrum hætti en
sú íslenska. Norsku hvalveiðibátarnir
séu lengur í hafi og lengri tími líði frá
því að hrefnurnar eru veiddar og þar
til komið er með þær í land til vinnslu.
Íslensku hrefnurnar sem veiddar eru
eru fluttar í land sama dag og þær eru
veiddar.
Gætu keypt 5 til 6 tonn
Gunnar segir að ef kjötið er gott og
selst vel þá vilji hann kaupa svona 5
til 6 tonn í heildina. „Við höfum aldrei
gert þetta áður. Við þurfum að gera
þetta núna, til að brúa bilið. Þetta eru
eitthvað á annað hundrað veitinga­
staðir sem eru að selja kjötið. Flestir
fínustu og bestu veitingastaðir lands­
ins eru með þetta kjöt á matseðlinum
hjá sér allt árið,“ segir Gunnar en með
þessu á hann við að nota þurfi norska
hrefnukjötið til að anna eftirspurn­
inni eftir kjöti þar til næsta hrefnu­
veiðitímabil hefst á Íslandi. n
Flytja inn norsk kjöt
Fyrirtæki Gunnars Berg-
manns Jónssonar fær
norska hrefnukjötið um
mánaðamótin. Myndin
er af íslenska hrefnu-
veiðibátnum Hrafnreyði.
mynd reGin torKiLsson
ingi Freyr Vilhjálmsson
ingi@dv.is
sagður hluthafi Kristján Loftsson í Hval hf.
hefur verið sagður einn af hluthöfum norska
hvalveiðifyrirtækisins Lofothval. Gunnar Berg-
mann Jónsson segist ekkert kannast við það.
Nýtt sjálfstætt
starfandi apótek
í Glæsibæ
Opnunartími
Virka daga: 8:30 til 18:00
Laugardaga: 10-14
Okkar markmið er að veita þér og þínum
framúrskarandi þjónustu og ráðgjöf
Áfrýjar í
Panama-fléttu
Ríkissaksóknari ætlar að áfrýja
yfir Sigurjóni Þ. Árnasyni, fyrrver­
andi bankastjóra Landsbankans,
og Elínu Sigfúsdóttur, fyrrverandi
framkvæmdastjóra fyrirtækjasviðs
bankans. Dómurinn var kveðinn
upp í síðasta mánuði. Sigurjón og
Elín voru bæði sýknuð og ríkis­
sjóður dæmdur til að greiða allan
málskostnað, þar á meðal 24 millj­
ónir í málsvarnarkostnað.
Þau voru ákærð fyrir umboðs­
svik og sökuð um að hafa misnot­
að aðstöðu sína með því að fara út
fyrir heimildir til veitingar ábyrgða
á meðan þau sátu í lánanefnd
Landsbankans. Þau neituðu bæði
sök í málinu. Málið hefur hing­
að til verið kallað Panama­flétt­
an og tengist undirritun Sigurjóns
og Elínar á sjálfskuldarábyrgðir
Landsbankans á lánasamningum
við tvö félög, annars vegar félagið
Empennage Inc. og félagið Zim­
ham Corp en bæði félögin voru
skráð á Panama.
Krefst svara
Sigurður Ingi Jóhannsson
hefur til 10 desember að
svara spurningum frá Um­
boðsmanni Alþingis varð­
andi flutninga á Fiskistofu frá
Hafnarfirði til Akureyrar. Um­
boðsmaður óskar eftir öllum
gögnum sem styðja við laga­
lega ákvörðun ráðherrans um
flutningana norður.
Það eru starfsmenn Fiski­
stofu sem leituðu til Umboðs­
manns Alþingis og kvörtuðu
yfir flutningunum. Í fyrirspurn
Umboðsmanns er óskað eft­
ir svörum við sex spurning­
um, þar á meðal á hvaða
lagagrundvelli flutningurinn
byggi. Umboðsmaður óskar
eftir öllum gögnum sem styðja
lagalega þá ákvörðun stjórn­
valda að flytja Fiskistofu.
Einnig vill hann upplýsingar
um boð til starfsfólksins um
ákveðin starfskjör og fjár­
greiðslur ef þeir samþykkja að
flytja norður.