Bændablaðið - 26.03.2015, Page 25

25Bændablaðið | Fimmtudagur 26. mars 2015
Öll egg sem framleidd eru
hjá Stjörnueggjum á Vallá
Kjalarnesi eru orpin af hænum
sem hafa eingöngu verið aldar á
óerfðabreyttu fóðri. Líklega er það
eina hænsnabúið á Íslandi, af þeim
sem framleiða fyrir stórmarkaði,
þar sem svo háttar til. Stutt er
síðan að engin slík egg fengust í
stórmörkuðum
Á síðustu dögum hafa bleikir
eggjabakkar frá Stjörnueggjum
vakið nokkra athygli í búðarhillum
verslana. Að sögn Geirs Gunnars
Geirssonar, eiganda Stjörnueggja, er
um að ræða nýja vöru. „Um nokkra
hríð hafa brúnegg frá Stjörnueggjum
verið í boði í stórmörkuðum, en
þau eru framleidd sem vistvæn
egg. Til aðgreiningar fyrir þá sem
vilja geta valið á milli hvítra eggja
og brúnna, bjóðum við brún egg
í grænum bökkum og hvít egg í
bleikum. Þessum eggjum hefur verið
vel tekið og við erum þakklát fyrir
þessar góðu viðtökur,“ segir Geir
Gunnar. „Eggin í bleiku bökkunum
eru hvít, frá fuglum sem lifa við
vistvænan aðbúnað, þann sama og
brúnu hænurnar.“
Geir Gunnar segir að hluti af
bústofninum sé í lausagöngu og
sá hluti fari sífellt stækkandi. „Þar
hafa fuglarnir frelsi til að spásséra
og flögra um húsin, samkvæmt nýrri
reglugerð um aðbúnað alifugla.
Tölvustýrð loftræsting sér um að
lofta út sem best má vera og skíturinn
er hreinsaður úr húsunum tvisvar í
viku, þannig að töluvert er lagt í að
aðbúnaðurinn sé eins og best verði
á kosið.“
Beðið eftir vistvænni vottun
Hann segir að frá þessum hænum –
sem verpa brúnu eggjunum í grænu
bökkunum og hvítum eggjunum í
bleiku bökkunum – komi egg sem
megi teljast vistvæn. Við erum að
bíða eftir að fá formlega vottun en
eitthvað dvelst þeim sem um það
hafa að segja. Við erum hins vegar
með það á hreinu að við uppfyllum
þau skilyrði sem sett hafa verið um
þennan rekstur erlendis.
Við höfum líka velt því fyrir
okkur að geta boðið upp á lífræna
framleiðslu en þá hafa komið upp
vangaveltur um veðuraðstæður
hér á þessu landi okkar, þar sem
fuglar í lífrænu deildinni þurfa að
einhverju leyti að hafa opið út. Við
skoðum þetta af raunsæi og bíðum
jafnframt eftir því hvort reglunni
um nagdýraheld hús verði breytt
þannig að í framtíðinni megi horfa
framhjá nokkrum mýslum sem gætu
smyglað sér inn um opin göt, sem
eru ætluð fyrir hænur, í leit að skjóli
og mat.“
Geir Gunnar bætir því við að hvítu
eggin, í hvítu hefðbundnu bökkunum,
sé einnig ný vara að því leyti að
hænurnar sem verpa þeim eru einnig
á óerfðabreyttu fóðri. /smh
Comprima CF 155 XC17
TILBOÐSVERÐ án vsk ............kr. 9.500.000
Vegna mikillar eftirspurnar getum við nú boðið
takmarkað magn af KRONE CF155 XC 17
rúllusamstæðunni áfram á ótrúlegu verði
Breytileg baggastærð frá 1,25 m - 1,50 m
Sjálfstætt vökvakerfi
Einföld stjórntölva með litaskjá
Videó-kerfi (myndavél og skjár)
ÞÓR HF
Reykjavík:
Krókháls 16
110 Reykjavík
Sími 568-1500
Akureyri:
Lónsbakka
601 Akureyri
Sími 568-1555
Vefsíða:

www.thor.is
Bændablaðið
Nú líka á Facebook
Eggjaframleiðslan hjá Stjörnueggjum á Vallá Kjalarnesi:
Eingöngu með óerfðabreytt fóður
– Hvít egg í bleikum bökkum er nýjasta varan
Hvítar hænur sem eru fóðraðar á óerfðabreyttu fóðri.
Kemur næst út
16. apríl
Smáauglýsingar
56-30-300
Árshátíð sauðfjárbænda 2015
Árshátíð Landssamtaka sauðfjárbænda verður haldin föstudaginn
27. mars í Súlnasal Hótels Sögu.
Uppselt er á hátíðina fjórða árið í röð.
Þeir sem hafa pantað miða geta nálgast þá og gengið frá greiðslu
í ráðstefnumóttöku Hótels Sögu á 2. hæð, á meðan aðalfundur LS
stendur yfir á fimmtudag og föstudag. Allir sem geta eru hvattir til
að nýta sér það til að forðast biðraðir við innganginn á föstudag.
Árshátíðarnefnd LS þakkar eftirtöldum
fyrirtækjum stuðninginn við hátíðina:
Búaðföng
Fallastakkur
Ferðaþjónusta bænda
Fjalllalamb
Fóðurblandan
Funi
H. Hauksson
Hákonarson
Hótel Smyrlabjörg
Hýsi-Merkúr
Ís og ævintýri
Íslandsbanki
Ístex
Jötunn Vélar
Kaupfélag A-Skaftfellinga
Kaupfélag Borgfirðinga
Kaupfélag Skagfirðinga
Kaupfélag V-Húnvetninga
Kraftvélar
Landstólpi
Lífland
Límtré-Vírnet
Loftorka
Norðlenska
Pakkhúsið Hellu
Rósaberg
Skinney Þinganes
Sláturfélag Suðurlands
Sláturfélag Vopnfirðinga
Sláturfélagið Búi
Sláturhús KVH
Sprettur - áburður
Tryggingamiðstöðin
Ursus umboðið - Stjörnublikk
VB landbúnaður
Vélfang
Vátryggingafélag Íslands
Þór