Þjóðmál - 01.03.2011, Page 88

86 Þjóðmál VOR 2011
skipað merkilegan sess í stjórnmálasögu 20 .
aldarinnar! En af bók Þórs Whiteheads má
ráða að það mótvægi, sem þeir sköpuðu um
skeið gegn götuofbeldi kommúnista hafi
skipt máli .
Kannski er kominn tími til að skoða
betur sögu þessarar stjórnmálahreyfingar?
Fylgjendur hennar höfðu skýra heims­
mynd . Í augum þeirra gerði Churchill
grund vallarmistök með því að gefa Adolf
Hitler ekki svigrúm til að fást við Jósep
Stalín . Þeir í þessum hópi, sem ég þekkti,
breyttu ekki þessari skoðun það sem þeir
áttu eftir ólifað . Þeir voru aldrei hrifnir af
Sjálfstæðisflokknum, þótt flestir hafi sjálf sagt
kosið hann . Gengu þó í Vörð til þess að kjósa
vin sinn og samherja, Birgi Kjaran, formann
Varðar, en alla vega sumir hverjir yfirgáfu
Vörð strax og það markmið hafði náðst .
Það fer ekki á milli mála, að hér var safn­
að vopnum, þótt þeim væri ekki beitt . En
vopna söfnunin sýnir hvað lítið hefur mátt
út af bregða . Frásagnir Þórs af vopnasöfnun
og æfingum með vopn skýra ýmislegt í
æsku minningum þeirra, sem nú eru komnir
á efri ár . Sennilega hafa æfingar með vopn
verið stundaðar hér meira en vitað er alveg
fram á stríðsárin .
Eru einhverjir veikleikar í þessari bók?
Hið eina sem ég hef spurt sjálfan mig um
er hvort mjög afgerandi afstaða höfundar
bókarinnar til manna og málefna, sem
ég þekki vegna kynna minna af Þór frá
því að hann var 15 ára gamall, hafi haft
áhrif á ályktanir, sem hann dregur af
þeim upplýsingum, sem hann hefur verið
að vinna úr . En einmitt vegna þess, að
lesandinn hefur í texta bókarinnar sjálfur
aðgang að þeim upplýsingum er niðurstaða
mín að svo sé ekki .
Þetta verk markar þáttaskil . Það gerir
kröfu til að sú saga sem kennd er í grunnskól­
um, framhaldsskólum og háskólum verði
endurskoðuð í ljósi nýrra upplýsinga .
WikiLeaks – Assange
og Ísland
David Leigh og Luke Harding: WikiLeaks –
Stríðið gegn leyndarhyggju, þýðandi Arnar Matth­
ías son, Veröld, Reykjavík 2011, 251 bls .
Daniel Domscheit­Berg með Tinu Klopp:
Inside WikiLeaks – My Time with Julian Assange
at the World‘s Most Dangerous Website, Crown,
New York 2011, 282 bls .
Eftir Björn Bjarnason
Nýlega hafa komið út tvær bækur um veff yrirbrigðið WikiLeaks, annars
veg ar eftir tvo blaðamenn, David Leigh og
Luke Harding, á breska blaðinu The Guard-
ian, og heitir hún WikiLeaks, stríðið gegn
leyndarhyggju, í þýðingu Arnars Matthías­
sonar, og hins vegar eftir Daniel Domscheit­
Berg forritara og heitir hún á ensku: Inside
WikiLeaks. My time with Julian Assange
and the World‘s Most Dangerous Website –
Innan Wikileaks. Tími minn með Julian
Assange og hættulegustu vefsíðu heims. Eftir
lestur bókanna vekur undrun að hin fyrri
hafi komið út á íslensku en ekki hin síðari,
því að í henni er sagt ítarlegar og af meiri
nákvæmni frá tengslum Íslendinga við
WikiLeaks, enda hefur Domscheit­Berg
(DB) dvalist hér nokkrum sinnum frá því að
hann kom hingað fyrst í nóvember 2009 .
Báðar bækurnar snúast að verulegu leyti
um Ástralann Julian Assange en hann og
WikiLeaks verða ekki aðskilin í huga fólks .
Bækurnar sýna hins vegar að einn hefði
hann aldrei megnað að skapa WikiLeaks
þá frægð sem vefsíðan og hann sjálfur njóta
nú . Má færa að því rök að frægð Assange, að
sumu leyti að endemum, sé tekin að spilla
fyrir WikiLeaks .
DB starfaði við hlið Assange frá því að þeir
hittust árið 2007 á Chaos Computer Club
ráðstefnu tölvuhakkara í Berlín . Þeir slitu