Morgunblaðið - Sunnudagur - 06.09.2015, Blaðsíða 35
6.9. 2015 MORGUNBLAÐIÐ SUNNUDAGUR 35
H
austið er að skella á með öllum sínum flottheitum og sparigugg-
urnar eru alveg að tryllast eins og lög gera ráð fyrir. Upp
vakna náttúrlega mjög mikilvægar spurningar um hvernig
þær eiga að taka á móti nýrri árstíð með glans? Bæði smáhest-
ar og arabískir veðhlaupahestar þurfa að finna út hvernig þeir ætla að
brokka þetta haustið.
Gullið hefur sjaldan verið meira áberandi. Spariguggurnar eru samt
ekki farnar að éta gull í staðinn fyrir chia-fræ – það er 2015, ekki 2007. Nýj-
ustu rannsóknir hafa heldur ekki leitt í ljós að gull
sem fæða sé sérstaklega grennandi. Svo má ekki
gleyma því í glundroða hversdagsins að hér varð
hrun. Smáhestinum fannst mikilvægt að minnast á
þetta því hann hafði á tilfinningunni að það væri
örlítið búið að fenna yfir farinn veg. Sérstaklega
þegar allir og amma þeirra, IceHot1 og allir vinir
hans flykktust til Hollands til þess að horfa á karla
sparka bolta sín á milli. Á meðan á þessum gjörn-
ingi stóð voru drukkin heilu höfin af bjór og þeir
allra villtustu létu mála sig í framan. Smáhestur-
inn velti því fyrir sér þegar hann horfði á hvert
Snapchatið á fætur öðru hvar þetta fólk
hefði fengið peninga … Eru bara allir
farnir að hella í sig fyrir allan peninginn
á yfirdrættinum? Varla keyrir 7% launa-
hækkun upp þessa stemningu eða hvað?
Hvað varð um allt fólkið sem gekk
sperrt um bæinn í lopapeysum og tók
slátur?
Það vill náttúrlega engin sparigugga
láta standa sig að því að vera eins og ný-
ríkur smáborgari til fara og heldur ekki
eins og uppgjafa rappari (eða starfs-
maður listdansklúbbs sem starfar eftir
miðnætti). Það er engin að fara að hlaða
á sig gullkeðjum og setja hringi á hvern
fingur og það er heldur engin að fara að
skreyta bílinn sinn með álímdum gull-
röndum. Það mætti samt setja þessar
gullrendur á einn vegg eða kannski tvo
ef spariguggan er í miklu stuði … mjög
miklu stuði!
Það þarf að stíga svolítið varlega til jarðar því að
skilin á milli vandaðs og óvandaðs eru óvenju
óskýr þegar gullið er annars vegar. Það er auðvelt
að falla í gryfju nýríka smáborgarans ef ekki er
farið nógu gætilega.
Gullið kemur inn með örlítið nýjum hætti núna.
Gullrennilásar á flíkum eins og leðurjökkum og á
uppháum stígvélum mega lifa. Það er líka í lagi að
kaupa sér tösku með gullfestingum og svo fara
vegleg gullarmbönd náttúrlega ekki úr tísku. Gulli
skreyttir fylgihlutir eins og símahulstur og sólgler-
augu geta keyrt upp stemninguna svona áður en
rútínan skellur á með öllum sínum hafragraut,
heimalærdómi og drunga.
Spariguggan sem hér skrifar gekk skrefinu lengra um daginn og keypti
gullhöldur á eldhúsinnréttinguna og svo tók hjartað aukaslag þegar hún
rakst á gulllitaða blómapotta í Lundúnum sem hún varð að eignast. Nú eru
þessir blómapottar fáanlegir á Íslandi og því ber að fagna. Þegar þessi
sparigugga ætlaði að fara að kaupa sér gullveggfóður var hún stoppuð af.
Arabíski veðhlaupahesturinn, vinkona hennar, sagði að gullveggfóðrið
myndi breyta ásýnd heimilisins í ódýran næturklúbb í vafasömum hverfum
stórborga. Þetta rugl yrði að stoppa og það strax. Spariguggan fór því tóm-
hent heim og er ennþá að reyna að finna veggfóður sem passar hennar
vandaða lífsstíl – eða þannig. martamaria@mbl.is
Það þarf að stíga varlega til jarð-
ar þegar gullið er annars vegar.
Gullfestingar á kápu
frá Michael Kors gefa
tóninn fyrir haustið.
IceHot1 mætti á leik-
inn í Amsterdam.
Gullfestingar á skóm og tösk-
um verða mjög heitar í haust.
Gull fer ekki
vel í maga …
Þessir gullblómapottar
fást í netversluninni
Winston Living og hafa
verið að slá í gegn.
Nú er komið að fjórða bílnum sem við gefum
á þessu ári í áskriftarleik Morgunblaðsins.
Þann 22. október drögum við út stálheppinn áskrifanda
sem eignast sjálfskiptan Suzuki Vitara GLX
sportjeppa að verðmæti 5.440.000 kr.
Sjáðu meira á mbl.is/askriftarleikur
Sjáðu meira á mbl.is/askriftarleikur