Morgunblaðið - Sunnudagur - 06.09.2015, Blaðsíða 51
6.9. 2015 MORGUNBLAÐIÐ SUNNUDAGUR 51
Barnabókin Flata kanínan segir frá því er hundur
rekst á flata kanínu á leið sinni um borgina – kanínu
sem orðið hefur fyrir bíl svo hún er bókstaflega flöt.
Hundurinn veit í fyrstu ekki hvernig hann á að bregð-
ast við en fær síðan snjalla hugmynd sem rottan
hjálpar honum við að útfæra.
Bárður Óskarsson er höfundur bókarinnar, skrifar
textann og teiknar myndir, en þetta er fjórða bók
hans.
Heiðrún Hödd Guðmundsdóttir þýddi bókina úr
færeysku. Bókaormurinn gefur út.
Flata kanínan
Þess var minnst í Bretlandi að
enski rithöfundurinn Agatha
Christie hefði orðið 125 ára á
árinu ef hún hefði lifað, en hún
lést 1976, þá 85 ára gömul. Hún
var í senn gríðarlega afkastamikill
höfundur og mjög vinsæll – skrif-
aði 66 skáldsögur og 153 smá-
sögur og bækur hennar hafa
selst í milljörðum eintaka um all-
an heim.
Í tiefni af væntanlegu 125 ára
afmæli, sem verður 15. sept-
ember næstkomandi, var efnt til
vals á bestu bók hennar sem
hægt var að kjósa um á netinu.
Fyrir valinu varð einmitt sú bók
hennar sem selst hefur best til
þessa, And Then There Were
None, sem kom út í íslenskri
þýðingu í sögusafni Bergmáls
1949 undir titlinum Blámannsey.
Hún kom síðan út á vegum
Skjaldborgar 1992 sem Tíu litlir
negrastrákar, en bókin hét Ten
little Niggers í upprunalegri út-
gáfu 1939.
And Then There Were None
hefur selst í um 100 milljónum
eintaka til þessa en breska ríkis-
útvarpið, BBC, vinnur nú að
sjónvarpsþáttaröð sem byggist á
bókinni. Næstar í valinu urðu
Murder on the Orient Express
og The Murder of Roger
Ackroyd.
BESTA BÓK
AGÖTHU
CHRISTIE
Jochum M. Eggertsson (1896-
1966) var búfræðingur, mjólkur-
fræðingur, sjómaður, bóndi og
skógræktarfrömuður, en hann
ræktaði til að mynda skóg á jörð-
inni Skógum í Þorskafirði þaðan
sem hann var ættaður.
Jochum átti sér líka aukasjálf
sem hann kallaði Skugga og not-
aði við útgáfu á fjölda bóka um
fjölbreytt efni, ritgerðir, ljóð og ljóðaþýðingar, þjóð-
fræðirannsóknir, skáldsögur og smásögur. Þar á með-
al var Skuggi skrifaður fyrir tímaritinu „Jólagjöfinni“
sem Jochum gaf út á árunum 1937 til 1944. Í Jólagjöf-
inni 1940 birti hann lýsingar á um 200 göldrum og
galdra- og rúnastafróf og kallaði Galdraskræðu.
Galdraskræðan var fjölrituð á ódýran pappír og gefin út í
takmörkuðu upplagi og segja má að verkið hafi verið illfáanlegt frá því það kom út eða
þar til það var gefið út að nýju í viðhafnarbúningi á vegum Lesstofunnar fyrir tveimur ár-
um, en galdrastafir- og stafróf voru teiknuð upp á nýtt og efnisskipan breytt til að gera
kverið sem læsilegast. Nú hefur þessari útgáfu Lesstofunnar verið snúið á ensku og kom
út fyrir stuttu undir heitinu Sorcerer’s Screed, en þýðari er Philip Roughton. Í formála að
bókinni er gerð grein fyrir fræðimanninum Jochum / Skugga og sérkennilegum kenn-
ingum hans í stuttu máli.
Jochum M. Eggertsson
Galdraskræða Skugga á ensku
Tröll - Grufl og góð ráð heitir bók eftir Brian Pilk-
ington þar sem hann myndskreytir ýmis hollráð
og ábendingar frá tröllum. Tröllin hans Brians eru
vissulega stórskorin en í inngangi að bókinni segist
hann hafa áttað sig á því smám saman að tröll séu
ekki eins og þeim sé lýst í þjóðsögun, heldur séu
þau „orðvarar, alvörugefnar og stórgáfaðar verur
sem lifa í sátt og samlyndi við náttúruna“.
Bókin kom fyrst út á ensku og hefur einnig ver-
ið gefin út á fleiri tungumálum. Guðmundur Andri
Thorsson íslenskaði og Mál og menning gefur út.
Tröllsleg heilræði
BÓKSALA 26. - 31. ÁGÚST
Allar bækur
Listinn er tekinn saman af Félagi íslenskra bókaútgefenda
1 LeynigarðurJohanna Basford
2 Stúlkan í trénu
Jussi Adler-Olsen
3 Konan í lestinni
Paula Hawkins
4 Iceland Small World- lítilSigurgeir Sigurjónsson
5 Krakkaskrattar
Anne Cathrine Riebnitzsky
6 Framúrskarandi vinkona
Elena Ferrante
7 Grillréttir HagkaupsHrefna Rósa Sætran
8 Veisluréttir HagkaupsFriðrika Hjördís Geirsdóttir
9 Risaeðlur í ReykjavíkÆvar Þór Benediktsson
10 Brauð- og kökubók
Hagkaups
Jói Fel
Kiljur
1 Stúlkan í trénu
Jussi Adler-Olsen
2 Konan í lestinni
Paula Hawkins
3 Krakkaskrattar
Anne Cathrine Riebnitzsky
4 Framúrskarandi vinkona
Elena Ferrante
5 Jójó
Steinunn Sigurðardóttir
6 Blóð í snjónum
Jo Nesbø
7 Dauðamenn
Njörður P. Njarðvík
8 Hamingjuvegur
Liza Marklund
9 Sjálfstætt fólk
Halldór Laxness
10 Davíðsstjörnur
Kristina Ohlsson
Allar upplýsingar á skrifstofu
Félags íslenskra bókaútgefenda.
Net fang: f ibut@fibut . is
Til bókaútgefenda:
Bókatíðindi 2015
Skráning nýrra bóka í Bókatíðindi
2015 er hafin.
Útgefendur eru hvattir til að skrá bækur
sínar sem allra fyrst en lokaskil vegna
kynninga eru 14. október.
Bókatíðindum verður sem fyrr
dreift á öll heimili á Íslandi.
Hægt er að leggja fram bækur til
Íslensku bókmenntaverðlaunanna
2015 til 14. október nk.
www.f ibut . is
Íslensku
bókmenntaverðlaunin