Iðjuþjálfinn - 01.05.2005, Blaðsíða 30

Ágrip úr B.Sc. verkefnum útskriftar-
nema í iðjuþjálfun frá Háskólanum
á Akureyri 2005
30 – IÐJUÞJÁLFINN 1 / 2005
Sálfélagslegir þættir í vinnu tann-
lækna og vinnuumhverfi þeirra
Höfundar: Björg Hreinsdóttir, Margrét Ís-
leifsdóttir og Valdís Brá Þorsteinsdóttir.
Leiðbeinandi: Valerie J. Harris.
Markmið rannsóknarinnar er að afla upp-
lýsinga um sálfélagslega þætti í vinnu tann-
lækna og vinnuumhverfi þeirra, en það hefur
ekki áður verið gert á Íslandi.
Vinnueftirlit ríkisins hefur gert svipaðar
rannsóknir á kennurum, hjúkrunarfræðingum
og flugfreyjum í samstarfi við Rannsóknar-
stofnun í hjúkrunarfræði við Háskóla Íslands.
Þýðið eru allir tannlæknar sem skráðir eru í
Tannlæknafélag Íslands, alls 317 talsins en úr-
takið er 100 tannlæknar sem valdir voru með
kerfisbundnu slembiúrtaki.
Spurningalistar og kynningarbréf voru send
til þátttakenda. Spurningalistarnir voru tveir,
Norræni spurningarlistinn um sálfélagslega
þætti í vinnunni og Vinnuumhverfislistinn.
Norræni spurningalistinn var saminn af Nor-
rænu ráðherranefndinni.
Niðurstöður verða unnar úr innsendum
spurningarlistum og skoðað hvort samband sé
á milli vinnuumhverfis og sálfélagslegra þátta
tannlækna.
Mikilvægt er að kanna tengsl milli daglegr-
ar iðju fólks og heilsu þess og þessi rannsókn er
liður í að bæta við þann þekkingargrunn.
Iðjuþjálfun í heilsugæslu á Íslandi
Höfundar: Ester Halldórsdóttir, Karen
Björg Gunnarsdóttir og Thelma Hrund Sigur-
björnsdóttir.
Leiðbeinandi: Dr. Hermann Óskarsson
dósent.
Samkvæmt lögum um heilbrigðiðsþjónustu
frá árinu 1990 í 19. gr er kveðið á um að veita
eigi þjónustu iðjuþjálfa í heilsugæslu. Það var
ekki fyrr en árið 1997 sem það var fyrst gert og
þá sem tilraunaverkefni.
Iðjuþjálfum fjölgaði hægt í heilsugæslunni
fyrst eftir tilraunaverkefnið en alls starfa nú níu
iðjuþjálfar í henni. Tekið skal fram að sumar
heilsugæslustöðvar nýta iðjuþjálfa sem verk-
taka í ýmis verkefni.
Þar sem ekki hefur áður verið gerð rann-
sókn á starfseminni þ.e. fyrir utan tilraunaverk-
efnið eru upplýsingar um iðjuþjálfun í heilsu-
gæslu af skornum skammti.
Tilgangurinn með rannsókninni er að fá
upplýsingar um iðjuþjálfun í heilsugæslu á Ís-
landi. Vísindalegt gildi rannsóknarinnar er að
til verður ritað efni um iðjuþjálfun í heilsu-
gæslu.
Úrtak rannsóknarinnar eru sex iðjuþjálfar
starfandi í heilsugæslunni og er um tilgangsúr-
tak að ræða. Aðferðarfræðin er eigindleg (qu-
alitative) þar sem viðtöl verða tekin upp og af-
rituð. Efnið verður greint niður í þemu sem síð-
an eru greind enn frekar, að því loknu verður
verkefninu gefið nafn með hliðsjón af niður-
stöðum úr þemunum.
Viðhorf skjólstæðinga til þjónustu
iðjuþjálfa
Höfundar: Helga Kristín Gestsdóttir,
Jóhanna Hreinsdóttir, Sigrún Líndal Þrastar-
dóttir.
Leiðbeinandi: Sigrún Garðarsdóttir.
Markmið verkefnisins er að kanna viðhorf
skjólstæðinga í endurhæfingu til þjónustu iðju-
þjálfa með tilliti til þess hvort þjónustan sé
skjólstæðingsmiðuð, en á síðastliðnum árum
hefur mikil áhersla verið lögð á skjólstæðings-
miðaða þjónustu innan iðjuþjálfunar. Mikil-
vægt er að kanna viðhorf skjólstæðinga til að
geta fengið upplýsingar um hvað í þjónustu
iðjuþjálfa er fullnægjandi og hvað er ábótavant.
Spurningalisti sem útbúinn var í tengslum við
lokaverkefni árið 2004 um viðhorf foreldra
barna með sérþarfir var notaður en hann var
aðlagaður að verkefni höfunda, endurbættur,
þróaður áfram og að lokum forprófaður.
Spurningalistinn byggir á skjólstæðingsmiðaðri
nálgun og er upprunninn frá kanadíska iðjulík-
aninu (CMOP).
Hann skiptist í fimm hluta; bakgrunnsupp-
lýsingar, þjónustu iðjuþjálfa á Landspítala há-
skólasjúkrahúsi (LSH) Grensási, árangur