Ritröð Guðfræðistofnunar - 01.09.2013, Page 192
sjálft sem standi að því og þessir aðilar hafi oftlega mjög mismunandi mæli-
kvarða á hæfni. Inn í ráðningarferlið blandist stundum köllunin, þ.e. í þeirri
merkingu að söfnuðurinn kallar ákveðinn prest til starfa. I þeim tilvikum
velur söfnuðurinn ákveðinn prest og býður honum starfið án þess að gefa
öðrum tækifæri til að sanna hæfni sína. Þetta ferli, bendir Camenisch á, er
mjög ólíkt því sem tíðkist hjá flestum starfsgreinum.22
I þriðja lagi nefnir Camenisch markmið starfsins - eða frumskuldbindingu
þess, með orðum Sigurðar Kristinssonar - en um það segir hann enga einingu
ríkja meðal kristinna safnaða í heiminum. Skoðanir á því séu breytilegar
og fari eftir guðfræðilegum áherslum safnaða sem oft séu mismunandi.23
Dæmi um markmið geti verið að boða trú á Jesú Krist, vinna að frelsun
syndugra manna, auka kærleika Guðs í veröldinni, viðhalda kirkjunni og
söfnuðinum eða vinna að félagslegu réttlæti í samfélaginu. Allt þetta og
mun fleira megi finna á meðal þess sem guðfræðingar nefni sem markmið
starfs vígðra þjóna kirkjunnar.24 Síðasta atriðið sem Camenisch bendir á
varðar þjónustuna sem veitt er í kirkjunni og afstöðuna til hennar. Hana
telur hann engan veginn hægt að bera saman við þjónustu þeirra starfsgreina
sem líta á einstaklinga sem til þeirra leita sem skjólstæðinga eða sjúklinga.
Þjónustan í sérhverjum söfnuði sé fyrst og fremst í þágu Guðs og þar skilji
fullkomlega á milli veraldlegrar þjónustu og þeirrar sem kirkjan veitir. Þessi
munur styrkir Camenisch í þeirri trú að starf þjóna kirkjunnar, þrátt fyrir að
hafa heilmikil líkindi við störf annarra starfsgreina, sé einstakt. Lokaályktun
hans er því sú að það sé réttlætanlegt að halda fram skýrri aðgreiningu milli
starfs vígðra þjóna kirkjunnar og annarra starfsstétta. Þetta merkir þó ekki
að vígðir þjónar kirkjunnar lúti ekki sömu skuldbindingum og aðrar starfs-
stéttir samfélagsins. Það gera þær, en þær njóta ekki sams konar ávinnings:
Frumskuldbinding starfs þeirra er ólík öðrum starfsgreinum sem hefur áhrif
á þjónustuna sem veitt er. Guð en ekki starfsgreinin, segir Camenisch, er
grundvöllur og yfirvald allrar þjónustu sem vígðir þjónar kirkjunnar veita.
Almenn fagmennskusiðfræði annarra starfsstétta er góðra gjalda verð en
hún getur aðeins gilt sem grunnur fyrir vígða þjóna kirkjunnar en þakið
er mun hærra fyrir þá. Til þeirra eru gerðar ríkari siðferðilegar kröfur en
22 Paul M. Camenisch, „Clergy Ethics and the Professional Ethics Model“, bls. 123-124.
23 Hér má auðveldlega gera samanburð og spyrja aðrar starfsgreinar um þeirra markmið - og
fá svipaða niðurstöðu og Camenisch. Mjög trúlega munu t.d. læknar og lögfræðingar svara
spurningunni á ólíkan hátt, rétt eins og prestar og djáknar.
24 Paul M. Camenisch, „Clergy Ethics and the Professional Ethics Model“, bls. 124-125.
190