Morgunblaðið - 01.10.2015, Blaðsíða 14

14 FRÉTTIRInnlent
MORGUNBLAÐIÐ FIMMTUDAGUR 1. OKTÓBER 2015
ÁBYRGÐAR- OG ÞJÓNUSTUAÐILAR:
Optical Studio Smáralind og Optical Studio Keflavík
OPTICAL STUDIO
FRÍHÖFN LEIFSSTÖÐ
Allt að 50% ódýrari
en sambærileg
vara á meginlandi Evrópu*
KAUPAUKI
Með öllum margskiptum glerjum*
fylgir annað par FRÍTT með í sama
styrkleika. Tilvalið sem sólgleraugu
eða aukagleraugu.
*Margskipt gler á við Varilux, Multifocal, Progressive og tvískipt gler.
GLERAUGU Á HAGSTÆÐARA VERÐI
* Lindberg-umgjörð m/ Hoya Progressive glerjum, 1.6 Index.
BAKSVIÐ
Baldur Arnarson
baldura@mbl.is
Ríkisskattstjóri hefur heimsótt 1.109
fyrirtæki í ár til að kanna skattskil,
einkum á staðgreiðslu og virðis-
aukaskatti. Mörg þessara fyrirtækja
eru í ferðaþjónustu og hafa hjá sér
innflutt vinnuafl.
Skúli Eggert Þórðarson, ríkis-
skattstjóri, segir þetta fleiri heim-
sóknir en allt árið í fyrra. Embættið
sé í samstarfi við Vinnumálastofnun
og Vinnueftirlitið vegna samræmdra
eftirlitsaðgerða þessara stofnana.
„Við höfum hert allt eftirlit á þessu
ári og erum í raun stöðugt að herða
það. Það hefur verið settur aukinn
kraftur í heimsóknir í fyrirtæki og oft
í samstarfi og samvinnu við fulltrúa
stéttarfélaga. Þess er þó auðvitað
gætt að þeir aðilar sjái ekki skatta-
upplýsingar, enda er þá verið að
kanna afdregin lífeyrisgjöld og þess
háttar,“ segir Skúli Eggert og bætir
við að 2.720 einstaklingar hafi verið
athugaðir sérstaklega í ár og hvort
þeir væru á „duldum launum“.
Fá frest til að gera úrbætur
Fyrsta skrefið sé þó að kanna
ástandið hjá fyrirtækjum. Ef eitthvað
athugavert finnst er þeim gefinn
frestur til að koma hlutunum í lag.
Þegar grunur vaknar um alvarleg
undanskot er málum vísað til skatt-
rannsóknarstjóra.
„Tilgangurinn með heimsóknunum
er ekki að loka fyrirtækjunum heldur
að ganga úr skugga um að farið sé að
lögum,“ segir Skúli Eggert. Ef ekki
sé farið eftir fyrirmælum sé gripið til
lokunarrúrræða. Tveimur fyrir-
tækjum hefur verið lokað eftir heim-
sóknir ríkisskattstjóra í ár og hefur
12 málum til viðbótar verið vísað til
annarra yfirvalda. Þá eru sjö önnur
mál í vinnslu.
Skúli Eggert segir vísbendingar
um að kennitöluflakk í ferðaþjónustu
og mannvirkjagerð hafi aukist.
„Í þessum greinum er farið að bera
á hlutum sem við höfum ekki séð í
miklum mæli til þessa. Til dæmis að
reikningar gangi kaupum og sölum;
reikningseyðublöð, tilbúin sala á
vörum eða þjónustu sem síðan eru
færð til bókar. Mál af þessum toga
enda í rannsókn og kann þess vegna
að verða vísað til lögreglu.“
Sá síðasti greiðir ekki gjöld
Skúli Eggert heldur áfram og út-
skýrir hvernig dæmi séu um að fyrir-
tæki í þessum greinum hafi undir sér
röð undirverktaka, þar sem sá síðasti
stendur ekki straum af sköttum og
gjöldum. „Það geta vaknað spurn-
ingar hvort fyrirtækin hafi fyrirfram
ákveðið að gera þetta svona, með það
fyrir augum að koma sér hjá skatt-
greiðslum. Það getur auðvitað verið
erfitt að sanna slíkt.
Það virðast vera miklir vaxtar-
verkir í ferðaþjónustu. Bókhaldið er
ekki efst í huga hjá mörgum sem
spreyta sig á slíkum rekstri,“ segir
Skúli Eggert sem telur kennitölu-
flakkið mikla meinsemd í íslensku
samfélagi. Það rýri traust milli
manna í viðskiptum.
„Það er mjög brýnt að taka á þessu
með löggjöf og ég hef trú á því, af
þeim frumvörpum sem hafa verið til
meðferðar og kynningar, að það verði
gert. Þá meðal annars frumvarp hjá
iðnaðar- og viðskiptaráðuneytinu um
að herða kröfur um skil á ársreikn-
ingum. Það mun draga úr kennitölu-
flakki. Þá er enda hert á ársreikn-
ingaskilum og viðeigandi úrræðum
beitt, til dæmis að taka fyrirtækin af
skrá. Að mínu mati eru þau frumvörp
sem nú eru til kynningar mikill áfangi
í baráttunni við kennitöluflakkið og ef
þau verða að lögum er verið að taka á
því máli af þeirri festu sem nauðsyn-
legt er og af meiri krafti en áður eru
dæmi um,“ segir Skúli Eggert.
Samkvæmt upplýsingum frá at-
vinnuvega- og nýsköpunarráðuneyt-
inu fela frumvarpsdrögin m.a. í sér
hert viðurlög ef ársreikningi er ekki
skilað. Samkvæmt núverandi reglum
hefur ráðherra heimild til að slíta
rekstri fyrirtækis þremur árum eftir
að frestur til að skila inn ársreikningi
er liðinn. Nú er lagt til að ársreikn-
ingaskrá geti sent félag í slit ef átta
mánaða frestur til að skila ársreikn-
ingi er liðinn.
Breytt skil smærri aðila
Þá verður sú breyting að smærri
fyrirtæki munu ekki lengur þurfa að
útbúa sérstakan ársreikning, sam-
hliða skilum á opinberum gjöldum
eftir hvert rekstrarár, heldur geta
jafnhliða skilum á skattframtali óskað
eftir að kerfi RSK dragi upplýsingar
úr skattframtalinu, útbúi ársreiking
og sendi til ársreikningaskrár. Undir
þann flokk falla fyrirtæki þar sem
niðurstöðutala efnahagsreiknings er
20 milljónir, velta 40 milljónir og
starfsmenn þrír eða færri. Um 80%
fyrirtækja á Íslandi eru í þeim flokki.
Hvað stærri fyrirtækin varðar munu
þau undantekningalaust þurfa að
skila inn ársreikningi. Að öðrum kosti
er strax lögð á sekt og eftir atvikum
gripið til harðara aðgerða.
Hefur athugað 1.109 fyrirtæki í ár
 Embætti Ríkisskattstjóra eykur eftirlit  Ríkisskattstjóri fagnar frumvarpi um ársreikninga
 Með boðuðum breytingum á reglum verði tekið fastar á kennitöluflakki en dæmi séu um á Íslandi
Morgunblaðið/Golli
Horft úr Hallgrímskirkjuturni Kennitöluflakk felur gjarnan í sér að fyrir-
tæki eru stofnuð utan um rekstur til að selja þjónustu, án þess að nokkurn
tímann sé greitt fyrir aðföng eða staðið í skilum með opinber gjöld.
Slitið eftir 8 mánuði
» Með hertum kröfum um árs-
reikningaskil verður auðveld-
ara að finna óvirk fyrirtæki og
átta sig á umsvifum þeirra.
Mun vera algengt að félög sem
skila ekki ársreikningi séu svo-
nefnd „dauð félög“.
» Slík óvirk fyrirtæki hafa skv.
núverandi reglum ekki þurft að
skila inn ársreikningi, enda
liggi reksturinn niðri.
» Með nýja frumvarpinu mun
það breytast og auðveldar það
slit á svona félögum sé árs-
reikningi ekki skilað.