Morgunblaðið - 22.10.2015, Blaðsíða 56

Árin segja sitt1979-2015
Hjónin Ragnar Guðmundsson, matreiðslu-meistari og kona hans
Bára Sigurðardóttir, stofnendur og eigendur Lauga-ás.
Laugarásvegi 1
104 Reykjavík • laugaas.is
)553 1620
Verið velkominn
Lauga-ás hefur frá 1979
boðið viðskiptavinum
sínum uppá úrval af
réttum þar sem hráefni,
þekking og íslenskar
hefðir hafa verið hafðar
að leiðarljósi.
JÓLAbakstur
Þegar piparkökur bakast, og annað
góðgæti til jólanna, er vissara fyrir
kökugerðarmann að hafa hveiti við
höndina enda er mjöl í einhverri
mynd uppistaðan í flestum upp-
skriftum að jólabakstri. Þar kemur
Kornax til skjalanna, eins og mark-
aðsstjórinn Emilía Sjöfn Kristins-
dóttir segir frá. Hún bendir á að
mismunandi litaðir hveitipokarnir
gefi til kynna innihaldið.
„Við seljum hveiti, heilhveiti og
rúgmjöl sem við framleiðum sjálf og
svo flytjum við inn glútenlaust mjöl
frá Finax,“ útskýrir Emilía. „Auð-
velt er að þekkja muninn á tegund-
unum því pokarnir eru mismunandi
að lit. Heilhveitið okkar er í grænum
poka, er trefjaríkt og hentar í bakst-
ur á grófu brauði. Heilhveitið er góð-
ur kostur fyrir þá sem vilja hugsa
um heilsuna. Rúgmjölið er í brúnum
poka og er til dæmis notað í rúg-
brauð og sláturgerð. Svo eru tvær
tegundir af fínu hveiti í rauðum og
bláum poka. Munurinn á hveitinu er
sá að í rauðu pokunum er hveiti sem
innheldur u.þ.b. 11% prótein sem er
kjörið í alhliða heimilisbakstur t.d.
til að baka kökur og sætabrauð. Það
má einnig nota til hvers konar mat-
seldar. Í bláu pokunum er hveiti með
hærra próteininnihaldi, eða 13%.
Það er betur fallið til brauð- og
pitsubaksturs, hvort sem er á hefð-
bundinn hátt eða í brauðvél.“ Emilía
bætir því við að hjá Kornax sé rann-
sóknarstofa þar sem reglulega séu
framkvæmdar gæðaprófanir. „Þá
fylgjumst við með styrk glútensins
og sjáum til þess að ensímvirknin í
hveitinu sé hæfileg til að hámarka
baksturseiginleika hveitisins.“
Aðspurð hvort framleiðslan taki
mið af árstíðunum segir Emilía að
svo sé vissulega.
„Í sláturtíðinni eykst framleiðsla á
rúgmjölinu okkar enda hentar það
mjög vel til sláturgerðar og í flat-
köku- og rúgbrauðsbakstur. Þegar
nær dregur jólum framleiðum við
svo töluvert meira af rauða hveitinu
okkar sem flestir þekkja.
Emilía bendir á að „rauða“ hveitið
henti best í alhliða bakstur en fyrir
þá sem þjást af glútenóþoli þá sé fína
Finax-mjölið góður kostur í jóla-
baksturinn,“ segir Emilía að end-
ingu.
Súkkulaðibitasmákökur
frá Ömmu Sjöfn
1 bolli + 2 msk. hveiti
½ tsk. salt
½ tsk. matarsódi
½ bolli smjör (ca. 100 g)
6 msk. púðursykur (dökkur)
6 msk. sykur (eða ljós púðursykur)
½ tsk. vanilludropar
¼ tsk. heitt vatn
1 egg
1 bolli ca. saxaðar hnetur og súkku-
laðibitar (má vera meira eftir smekk)
Hræra saman smjör og sykur, svo
vanillu, vatn og egg. Bæta svo þurr-
efnum hægt út í og síðast með sleif
hnetur og súkkulaði.
Móta litlar kökur með 2 tsk. og
baka í miðjum ofni við ca. 200°C í 10-
12 mín.
Konfektkökur
250 g KORNAX-hveiti
250 g smjör
250 g sykur
1 tsk. salt
1 egg
400 g Odense-marsípan
Rifsberjahlaup, eða önnur sulta eftir
smekk hvers og eins
400 g Síríus Konsum súkkulaði
Valhnetukjarnar til að skreyta með
Hitið ofninn í 150°C. Myljið smjör-
ið í hveitið. Blandið sykri og salti
saman við. Bætið eggi út í og hnoðið
í samfellt deig. Kælið deigið vel.
Fletjið deigið þunnt út og stingið út
litlar kökur. Raðið þeim á bökunar-
pappír á ofnplötu og bakið í 20 mín.
eða þar til þær eru farnar að taka lit.
Kælið botnana. Fletjið marsípanið
út. Fallegast er að hafa það álíka
þykkt og botnarnir eru. Stingið það
út í sömu stærð og botnarnir eru.
Leggið köku og marsípan saman
með þunnu lagi af sultu á milli.
Bræðið súkkulaði yfir vatnsbaði.
Hjúpið hverja köku með súkkulaði
og skreytið með ½ -¼ hluta úr val-
hnetu. Raðið kökunum á sléttan flöt,
t.d. bökunarplötu sem er klædd ál-
pappír. Geymið kökurnar í lokuðu
íláti í ísskáp.
Góð ráð:
Til að fá nákvæmlega sömu stærð
á köku og marsípani má skerpa út-
línur á kökunni, þegar hún er nýbök-
uð, með því að nota sama mót og þær
voru stungnir úr með. Ef þið gerið
þetta þurfið þið að hafa hraðar hend-
ur því þær þurfa að vera heitar.
Gott er að nota tvo gaffla við að
hjúpa. Dýfið köku í súkkulaðið.
Haldið henni með öðrum gafflinum
en notið hinn gaffalinn til að setja
súkkulaðið yfir hana. Gott er að
halda kökunni smástund á gafflinum
og strjúka jafnóðum súkkulaðið und-
an sem lekur niður. Á þennan hátt
næst að fá sem minnstan stall á kök-
una áður en súkkulaðið storknar.
Pekanhnetukökur
Deig:
220 g smjör
80 g rjómaostur
75 g sykur
2½ dl KORNAX-hveiti
1 tsk. möndludropar
100 g hvítir súkkulaðidropar frá Nóa
Siríus
Stillið ofn á 180°C. Hrærið vel
saman smjör, rjómaost og sykur.
Bætið hveiti, möndludropum og
hvítu súkkulaðidropunum saman við
og hrærið þar til allt er vel sam-
lagað. Setjið deigið í kæli í u.þ.b. 15
mín. (þá er auðveldara að vinna með
deigið). Búið til litlar kúlur (á stærð
við teskeið) úr deiginu og setjið í lítið
múffuform. Þrýstið deiginu vel niður
í formið og upp með hliðunum þann-
ig að það myndi einskonar skál fyrir
fyllinguna. Setjið fyllingu ofan í hol-
una og bakið í 15 mín., til skrauts má
bræða afganginn af súkku-
laðidropunum og sprauta yfir kök-
urnar. Látið kökurnar kólna og takið
þær þá úr múffuforminu. Geymið
gjarnan í frysti.
Fylling:
2½ dl púðursykur
1 egg
1 msk. brætt smjör, kælt lítillega
1 tsk. vanilludropar
100 g pekanhnetur
Setjið púðursykur, egg, smjör,
vanilludropa og pekanhnetur saman
í skál og hrærið saman.
Af pokunum skuluð þér þekkja það
 Allrahanda mjöl til jólabaksturs  Heilhveitið er heilsusamlegur kostur  Töluverð framleiðsluaukning fyrir jólin
Morgunblaðið/Styrmir Kári
Emilía Sjöfn Krist-
insdóttir, markaðstjóri
hjá Lífland/Kornax.