Morgunblaðið - 12.12.2015, Blaðsíða 46

46 FRÉTTIRErlent
MORGUNBLAÐIÐ LAUGARDAGUR 12. DESEMBER 2015
Á VETTVANGI
Anna Lilja Þórisdóttir
annalilja@mbl.is
Við innkeyrsluna að íþróttahúsi í Or-
ange-sýslu í Flórída stendur vopn-
aður vörður sem ábúðarfullur til-
kynnir þeim sem þangað vilja komast
að þeir megi ekki hafa meðferðis
stórar töskur eða glerflöskur. Tals-
verð röð er fyrir framan húsið og hún
lengist sífellt. Það er von á Hillary
Rodham Clinton á kosningafund sem
haldinn er af stuðningsfólki hennar í
sýslunni.
„Fer hann mér ekki vel?“ spyr
roskinn, stuttbuxnaklæddur karl
konu á svipuðum aldri eftir að hann
hefur klætt sig í aðsniðinn stutt-
ermabol með áletruninni Hillary sem
hann keypti af sölumanni sem geng-
ur meðfram röðinni. „Þú ert fínn,
Hefðir samt kannski átt að taka
extra-large,“ svarar konan.
Þetta var fyrir rúmri viku, nánar
tiltekið þann 2. desember. Clinton
var á ferð í Flórída og hitti þar m.a.
fjársterka stuðningsmenn og kom
fram á nokkrum samkomum. Þetta
var í þriðja skiptið sem hún hélt fundi
í ríkinu sem frambjóðandi til forseta-
framboðs Demókrataflokksins
Eftir tvo og hálfan tíma verður
byrjað að hleypa inn. Röðin lengist,
það er steikjandi hiti og tveir menn
koma með vagn með vatnsbrúsa og
pappaglösum. „Endilega fáið ykkur
að drekka, það verður ekki hægt að
fá neitt þarna inni,“ segir annar
þeirra.
Dúkkulísa og klappstýrur
Kona kemur með skráningarblöð,
þau þarf að fylla út og skila við inn-
ganginn til að komast inn á fundinn.
„Mikið er heitt,“ dæsir hún og brosir
vingjarnlega. „Vonandi verður frú
Clinton ekki of hlýlega klædd,“ bætir
hún áhyggjufull við. Af og til stekkur
fólk úr röðinni til að fara á sölubás
sem selur Hillary-merki, Hillary-boli
og Hillary-fána. Maður stillir upp
stóru pappaspjaldi með mynd af
Clinton í fullri stærð og um leið
myndast örtröð í kringum það; marg-
ir vilja láta taka mynd af sér með
Hillary-dúkkulísunni.
Enn lengist röðin og nú kemur
hópur ungs fólks aðvífandi. Þau eru í
miklu stuði, dansa meðfram röðinni
eins og klappstýrur og hefja upp
raust sína: „I say: Madam – You say:
President! Ég segi; frú – þið segið:
forseti.“ Og viðstaddir taka við sér,
Hillary-klappstýrurnar kalla Madam
og fólkið í röðinni kallar President.
Madam President! Madam Presi-
dent! Fólk byrjar að dilla sér og
klappa í takt. Miðaldra kona tekur
nokkur breikspor.
Þetta er býsna skemmtilegt; skyldi
hafa verið svipuð stemning í kosn-
ingabaráttunni fyrir forsetakosning-
arnar á Íslandi 1980 þegar Vigdís var
kosin?
Hollustueiður og þjóðsöngur
Loks er byrjað að hleypa inn.
Lausamuni á að leggja á borð þar
sem hópur sjálfboðaliða og örygg-
isvarða fer yfir þá. Töskur eru opn-
aðar og síðan rennt í gegnum gegn-
um lýsingarvél. Eins og á flugvelli.
Allir þurfa að ganga í gegnum málm-
leitarhlið og síma þarf að opna og
leggja á borð þar sem gengið er úr
skugga um að ekki leynist í þeim
sprengibúnaður eða þvíumlíkt.
Svo tekur aftur við eins og hálfs
tíma bið. Sem betur fer er þráðlaust
net í húsinu og hægt að láta alheim-
inn vita í gegnum Facebook og Twitt-
er að maður sé nú á kosningafundi
með Hillary.
Fundurinn á að byrja klukkan eitt
og þegar ekkert bólar á Hillary né
nokkrum öðrum korteri síðar fer
mannskapurinn að ókyrrast. Loks
kemur kona upp á svið, leggur hægri
hönd á hjarta og sver Bandaríkj-
unum hollustueið og salurinn tekur
undir. Ung kona stígur á stokk og
syngur þjóðsönginn og viðstaddir
láta ekki sitt eftir liggja. Alveg er það
magnað hversu hátt hlutfall Banda-
ríkjamanna virðist kunna þjóðsöng-
inn sinn. Síðan tekur til máls ýmist
framáfólk í Demókrataflokknum í
Flórída, meðal þeirra er Linda Chap-
in, fyrrverandi borgarstjóri í Orange-
sýslu. „Ég braut glerþak þegar ég
var kosin,“ segir Chapin. „En frú
Clinton er í þann mund að brjóta
þykkasta glerþak í heimi – þakið yfir
Hvíta húsinu.“
Áhersla á innflytjendur
Næst stígur ungur maður á svið og
lýsir yfir þakklæti sínu og ánægju yf-
ir því að hlotnast sá heiður að kynna
Hillary Clinton – næsta forseta
Bandaríkjanna og salurinn æpir af
fögnuði. Hún gengur rösklega á svið,
klædd í flöskugræna buxnadragt,
tekur sér stöðu við púltið, býður góð-
an dag og lýsir yfir ánægju sinni með
að vera á staðnum.
Í um hálftíma ræðu sinni kemur
Clinton víða við og áhersla á ýmis fé-
lags- og velferðarmál er talsverð.
Hún segist m.a. vilja bæta aðgengi að
háskólamenntun með því að beita sér
fyrir lækkun skólagjalda og hún ver
drjúgum tíma í að ræða málefni inn-
flytjenda, einkum fólks frá Púertó
Ríkó, enda býr meira en ein milljón
Púertó Ríkana í Flórídaríki og því
mikilvægt að hljóta brautargengi
meðal þeirra. Hertar reglur um eign
og meðferð skotvopna voru henni
líka hugleikin, enda höfðu fyrr um
daginn borist fregnir af mann-
skæðum skotárásum í San Bernand-
ino í Kaliforníu,
Hún kynnti hugmyndir sínar um
275 milljarða bandaríkjadollara sjóð
sem er ætlað að byggja upp sam-
göngur og samgöngumannvirki eins
og t.d. vegi, brýr og flugvelli víða í
Bandaríkjunum, m.a. í Flórída og á
að fjármagna hann með skattabreyt-
ingum á fyrirtæki.
Að trompa Trump
Þá var nokkru púðri varið í þá sem
keppa um forsetaútnefninguna í
Repúblikanaflokknum. „Þeir virðast
hafa mestan áhuga á því hver getur
komið með dónalegustu og mest
móðgandi athugasemdirnar,“ sagði
Clinton. „Þið hafið heyrt hvað þeir
segja: þeir hafa móðgað spænsku-
mælandi Bandaríkjamenn, konur,
múslíma… þeir eru á góðri leið með
að trompa [Donald] Trump.“
„Þetta verður ekki þriðja kjör-
tímabil mannsins míns [sem er Bill
Clinton fyrrverandi forseti Banda-
ríkjanna]. Ég mun heldur ekki sitja í
skugga Obama. Þetta verður fyrsta
kjörtímabilið mitt,“ sagði Hillary
Clinton, sem gæti orðið fyrsti kven-
kyns forseti Bandaríkjanna, og lauk
þannig máli sínu undir dynjandi lófa-
klappi, stappi og fagnaðarópum.
Ég segi: Frú! Þið segið: Forseti!
 Á kosningafundi með Hillary Clinton í Flórída  Brýtur hún þykkasta glerþakið?  „Þetta verður
ekki þriðja kjörtímabil mannsins míns heldur fyrsta kjörtímabilið mitt!“  Áhersla á velferðarmál
AFP
Verður hún forseti? Hillary Clinton gæti orðið fyrsti kvenkynsforsetaframbjóðandinn í Bandaríkjunum fyrir ann-
an hvorn stóru flokkana tvo, demókrata og repúblikana. Áður hafa tvær konur verið í framboði til varaforsetaem-
bættis, Geraldine Ferraro árið 1984 fyrir Demókrataflokkinn og Sarah Palin 2008 fyrir Repúblikanaflokkinn.
Ljósmynd/Anna Lilja Þórisdóttir
Fundur Hillary Clinton í ræðustól á kosningafundi í Orange-sýslu í Flórída 2. desember síðastliðinn. Á spjöldum
stuðningsmanna hennar má m.a. lesa Fighting for us – eða „Barist fyrir okkur“ á ýmsum tungumálum.
Stemning Hópur ungs fólks dans-
aði og söng hvatningarorð í röðinni.
Fleiri hafa hug á að verða forsetaframbjóðandi Demókrataflokksins en Hillary
Clinton. Nú berjast þrjú um tilnefninguna; auk hennar eru það öldungadeild-
arþingmaðurinn Bernie Sanders frá Vermontríki og Martin O’Malley sem er fyrr-
verandi ríkisstjóri í Maryland. Ólíklegt er talið að fleiri bætist í hópinn áður en
kemur að fyrstu forkosningunum sem verða 1. febrúar.
Nýjustu kannanir sýna að Clinton er með töluvert forskot á keppinauta sína,
t.d. nýtur hún stuðnings 52% demókrata á landsvísu samkvæmt skoðanakönnun
sem gerð var um miðja vikuna af sjónvarpsstöðinni CBS, Sanders er með 32%
stuðning og 2% styðja O’Malley. Í gær var Clinton með 55,4% fylgi meðal demó-
krata og Sanders 30,8% samkvæmt vefsíðunni Real Clear Politics. Þegar fylgi
frambjóðendanna þriggja er kannað í einstökum ríkjum Bandaríkjanna og spurt:
Hvern myndirðu kjósa í forkosningum? er Clinton oftast með vinninginn.
Clinton er með langmest fylgi
ÞRJÚ VILJA VERÐA FRAMBJÓÐANDI DEMÓKRATAFLOKKSINS
Bernie Sanders Martin O’Malley