Morgunblaðið - 02.01.2016, Blaðsíða 22

22 MORGUNBLAÐIÐ TÍMAMÓT 2.1. 2016
New York | Rétt fyrir utan Diyarbakir í suð-
austurhluta Tyrklands eru flóttamannabúðir
þar sem rúmlega 2.700 jasídar láta fyrirberast
í tjöldum, sem hróflað hefur verið upp. Rúmt
ár er síðan íslamskir öfgamenn hröktu þá
brott frá Norður-Írak. Ég var þarna nýlega,
spjallaði við par, sem sýndi mér í farsímanum
mynd af manni, sem var hálshöggvinn í þorp-
inu þeirra. „Þeir eru slátrarar,“ sagði Anter
Halef, stoltur maður, sem hefur verið sviptur
voninni. Úti í horni sat 16 ára dóttir hans og
grét. Ég spurði hana hvers vegna. „Við flúð-
um bara stríðið og …“ Stjórnlaus ekki gleypti
restina af setningunni. Ég hef sjaldan séð jafn
ómengaða sorg greypta í ungt andlit. Lífið
hafði verið rifið frá henni áður en hún var
byrjuð að lifa.
Miðaldatúlkun á Kóraninum
Jasídarnir eru trúarlegur minnihlutahópur,
sem að mati Ríkis íslams eru djöfladýrk-
endur. Þeir eru aðeins lítið brot af þeim 2,2
milljónum flóttamanna, sem hafa flúið stríðið í
Sýrlandi og átökin vegna þess í Írak til Tyrk-
lands. Í Minningarsafninu um helförina í
Bandaríkjunum er morðinu á jasídunum lýst
sem þjóðarmorði. Samtökin Ríki íslams hafa
hrint í framkvæmd nihílískri dauðadýrkun
sinni, sem byggist á miðaldatúlkun á Kór-
aninum, á stórum svæðum undir stjórn þeirra
í Sýrlandi og Írak. Þeir skera fólk á háls í af-
tökum á almannafæri, slátra í hópum sam-
félögum „trúvillinga“ á borð við jasída og gera
konur og börn að kynlífsþrælum um leið og
þeir koma á kalífati eftir sínum hugmyndum í
krafti olíutekna, alræðis, trúarofsa og staf-
rænnar útsjónarsemi. Af og til flytja samtökin
út ógnina, sem þau fjármagna með olíutekjum
frá víðfeðmu yfirráðasvæði sínu. Þegar rúss-
neskri farþegaþotu með 224 manns um borð
var grandað og 130 manns, sem voru að
skemmta sér á föstudagskvöldi, slátrað af
handahófi í París var endi bundinn á þá hug-
mynd, sem við værukær höfðum talið okkur
trú um, að Ríki íslams væri staðbundin ógn.
Enginn getur slökkt á stórmyndinni Ríki
íslams. Aðdráttarafli þess verður ekki neitað.
Samtökin dreifa kvikmyndum, sem grípa og
slæva. Í vestrænum samfélögum er hnífsblað
á hálsi eða kalasnikov-rifflar, sem beint er að
ungu fólki úti á lífinu í París, frekar eins og
það sé tekið úr James Bond-mynd en raun-
veruleikanum. Kominn er fram heill hópur af-
stæðissinna, sem hefur tilhneigingu til að gera
lítið úr vígamönnunum og segir að þeir séu
bara fámennur hópur af bullum, sem kunni á
netið, og við gerum bara meira úr þeim ef við
notum sömu meðöl gegn þeim og þeir nota
gegn vestrinu – það er allsherjar stríð. Sam-
kvæmt þessum skóla eru umfangsmiklar
gagnaðgerðir einmitt það sem djíhadistarnir
vilja; við það muni fjölga í röðum þeirra. Því
sé betra að fylgja stefnu Obama að halda aft-
ur af sér. „Ég segi við bandarísku þjóðina:
Engin tilvistarógn steðjar að Bandaríkjunum.
Ekkert sem ISIS gerir getur velt stjórninni,
ógnað því hvernig við lifum,“ sagði Joe Biden,
varaforseti Bandaríkjanna, eftir morðin í Par-
ís.
Einmana rödd
Reynið að segja það við íbúa Belgíu, banda-
manns í NATO. Lífið þar fór á hvolf eftir
árásirnar í París og Brussel var nánast lokað
svo dögum skipti. Spurningin hvort Ríki ísl-
ams sé tilvistarógn við vestræn samfélög – og
í framhaldi af því hvort það eigi að fá að halda
í það landsvæði sem það notar til að kynda
undir þeirri ógn – mun setja mark sitt á árið,
sem fer í hönd. François Hollande, forseti
Frakklands, hefur tekið af öll tvímæli um að
Frakkland eigi í stríði við Ríki íslams og setja
þurfi mun meiri kraft í átökin. En honum líð-
ur um þessar mundir eins og einmana rödd.
Ríki íslams stundar þrælahald og réttlætir kerfisbundnar nauðganir með guðfræði. 12 ára gömul jasídastúlka í flóttamannabúðum í Qadiya í Írak segir að íslamskur vígamaður hafi nauðgað sér.
Mauricio Lima/The New York Times
SKYLDA TIL AÐ
SKERAST Í LEIKINN
Spurningin hvort Ríki íslams
sé tilvistarógn við vestræn
samfélög er lykilmálið sem
blasir við á komandi ári.
ROGER COHEN
er dálkahöfundur hjá The
New York Times. Nýjasta
bók hans heitir „The Girl
from Human Street: Ghosts
of Memory in a Jewish Fa-
mily“.
Spurningin hvort
Ríki íslams sé til-
vistarógn við vest-
ræn samfélög – og í framhaldi
af því hvort það eigi að fá að
halda í það landsvæði sem
það notar til að kynda undir
þeirri ógn – mun setja mark
sitt á árið, sem fer í hönd.
”
TÍMAMÓT: ISIS LÆTUR TIL SKARAR SKRÍÐA Í PARÍS OG FÆRIR HERNAÐ SINN TIL VESTURLANDA
ıTU
RN
IN TS ı 2014ı TU
P
O
INTSı20RNIN
G
PO
IN
14
TU
RNIN
G POINTS|TÍM
AM
Ó
T|2016|TURNINGPOI
TS
|T
ÍM
AM
Ó
T|
20
16
|