Morgunblaðið - 02.01.2016, Side 32

32 MORGUNBLAÐIÐ TÍMAMÓT 2.1. 2016
FRÉTTAMYNDIR AF ERLENDUM VETTVANGI
Yfirvöld í Taílandi létu til skarar skríða gegn mansali eftir að
fjöldagröf fannst skammt frá landamærum Malasíu 1. maí.
Það hafði þær afleiðingar, án þess að það væri ætlunin, að
smyglarar, sem óttuðust að verða sóttir til saka, skildu á milli
sjö og átta þúsund manns eftir á bátum undan ströndum
Malaísu, Indónesíu og Taílands. Farþegarnir voru flestir músl-
imar úr röðum rohingja í Búrma sem eiga yfir höfði sér trúar-
legar ofsóknir af hálfu róttækra búddista. Í rúma viku ýttu
stjórnvöld landanna þriggja bátunum flestum aftur á haf út, en
þegar alþjóðlegur þrýstingur fór vaxandi samþykktu þau að
veita fólkinu athvarf til bráðabirgða. Hér sjást rohingjar safna
vistum sem varpað var úr þyrlu taílenska hersins.
FLÓTTAMENN FRÁ
BÚRMA LÁTNIR REKA
Á REIÐANUM
Tony Appleton, óopinber borgarkynnir í London, gerir heyrinkunnugt fyrir utan Buck-
ingham-höll 9. september að Elísabet II. drottning hafi náð þeim merka áfanga 89 ára
gömul að hafa verið lengur handhafi bresku krúnunnar en nokkur annar með því að sitja
lengur en 23.226 daga. Með metinu kviknaði aldagömul deila um hvort að leggja eigi nið-
ur bresku krúnuna. Stuðningsmenn þess eru hins vegar í minnhluta, meðal annars vegna
vinsælda drottningarinnar og stöðugleika. Þar sem pólitískt vald krúnunnar er lítið eru
flestir á því máli að halda í hefðina.
Justin Tallis/Agence France-Presse/AFP Photo
LENGI LIFI DROTTNINGIN
Eftir 54 ára þögn hófu stjórnvöld í Bandaríkjunum og á Kúbu opinberar viðræður í janúar
um að koma á stjórnmálasambandi að nýju milli landanna. Þótt viðskiptabannið sé enn í
gildi mótmæltu gagnrýnendur úr röðum repúblikana þessum breytingum þar sem þær
myndu þjóna stjórn Castros. Í hugum sumra Kúbana virtust fyrirheit um ný viðskipti og
ferðamenn slíkum efasemdum yfirsterkari og ber þessi götumynd frá Havana því vitni.
Sumum bandarískum fyrirtækjum var leyft að færa út kvíarnar til Kúbu og í júlí opnaði
Kúba sendiráð í Washington og Bandaríkin sendiráð í Havana.
The New York Times
LANGÞRÁÐ ÞÍÐA Á KÚBU