Morgunblaðið - Sunnudagur - 24.01.2016, Síða 10

Katrín Jakobsdóttir
21,8%
Ólafur Jóhann Ólafsson
8,8%
Andri Snær Magnason
8,4%
Stefán Jón Hafstein
6,8%
Þorgrímur Þráinsson
6,4%
Jón Gnarr
6,4%
Bergþór Pálsson
5,5%
Þóra Arnórsdóttir
4,9%
Halla Tómasdóttir
3,7%
*Í flokknum Aðrir eru þeir sem nefndir voru í um og undir 1% tilvika, alls 68 einstaklingar.
Hver vilt þú að verði
næsti forseti Íslands?
Aðrir* 27,3%
R
úmlega fimmtungur
þátttakenda í könnun
sem Félagsvís-
indastofnun gerði dag-
ana 5.-16. janúar vill
að Katrín Jakobsdóttir verði næsti
forseti Íslands. Katrín nýtur frekar
stuðnings kvenna (27%) en karla
(17%) og fylgi við hana er meira
meðal yngra fólks en þeirra sem
eldri eru. Háskólamenntaðir vilja
fremur að hún verði forseti (28%)
en þátttakendur með annars konar
menntun (18-21%). Katrín hefur
talsverða sérstöðu í könnuninni þar
sem enginn annar en hún nær upp
í tveggja stafa prósentutölu. Ólafur
Jóhann Ólafsson kemur næstur á
eftir Katrínu í könnuninni. Hvorugt
þeirra er þó formlega í framboði til
embættis forseta Íslands.
Nú þegar 22 vikur eru til kosn-
inga er enn ekki farið að draga
verulega til tíðinda. Þótt nokkrir
frambjóðendur séu þegar komnir
fram má telja víst að mun fleiri
liggi undir feldi og kanni landslagið.
Könnun Félagsvísindastofnunar
gefur einhverjar vísbendingar um
hverjir njóta mestra vinsælda, þótt
ólíklega sé hægt að lesa mikið um
líklega niðurstöðu kosninga á þessu
stigi.
Tvíþætt könnun
Niðurstöður könnunarinnar byggj-
ast á svörum þátttakenda við
tveimur spurningum, samkvæmt
upplýsingum frá Félagsvís-
indastofnun. Fyrst voru þátttak-
endur beðnir að svara því hver þeir
vildu að yrði næsti forseti Íslands.
Ekki var birtur listi með nöfnum
heldur skráðu svarendur nafn þess
einstaklings sem þeir vilja að verði
næsti forseti landsins.
Niðurstöður þessarar fyrri
spurningar sýna að um tveir af
hverjum þremur (65%) eru óá-
kveðnir um það hvern þeir vilja sjá
sem næsta forseta Íslands.
Þvínæst voru óákveðnir svar-
endur spurðir áfram að því hvern
þeir teldu líklegast að þeir myndu
vilja kjósa sem næsta forseta Ís-
lands. Í þeim hluta könnunarinnar
var birtur listi með nöfnum 15 ein-
staklinga sem nefndir hafa verið í
umræðunni um næsta forseta
landsins. Gátu svarendur hakað við
þann einstakling sem þeir töldu lík-
legast að þeir myndu vilja kjósa
sem næsta forseta landsins eða val-
ið að skrá nafn annars einstaklings
í opnum svarmöguleika.
Í töflu má sjá niðurstöður þar
sem búið er að leggja saman nið-
urstöður þessara tveggja spurn-
inga.
Könnunin er netkönnun og fór
þannig fram að tekið var 2001
manns lagskipt tilviljunarúrtak úr
svokölluðum netpanel Fé-
lagsvísindastofnunar. Úrtakið var
lagskipt eftir kyni, aldri og búsetu
til þess að það endurspeglaði sem
best samsetningu landsmanna.
Gagnaöflun hófst 5. janúar 2016 og
lauk 16. janúar. Alls svöruðu 1.188
könnuninni og var nettó svarhlut-
fall 61% að teknu tilliti til brott-
falls.
Á eftir Katrínu Jakobsdóttur
kemur Ólafur Jóhann Ólafsson rit-
höfundur með 8,8% fylgi en hann
hefur ekkert gefið út um mögulegt
framboð, þótt nafn hans sé eitt
þeirra sem lengi hafa verið nefnd í
samhengi við Bessastaði.
Andri Snær Magnason er einnig
meðal þeirra sem skorað hefur ver-
ið á að bjóða sig fram, en ekkert
gefið út. Hann nýtur samkvæmt
þessu fylgis 8,4% en næst á eftir
kemur Stefán Jón Hafstein með
6,8%.
Aðeins einn af níu efstu
hefur lýst yfir framboði
Aðeins einn af þeim tíu efstu á
blaði miðað við könnunina hefur
formlega sagst vera í framboði, en
það er Þorgrímur Þráinsson sem
nýtur samkvæmt þessu fylgis 6,4%
og er fimmti á þessum lista.
Fast á hæla honum fylgir síðan
Jón Gnarr, en hann hefur tilkynnt
það formlega að hann muni ekki
bjóða sig fram. Sú tilkynning kom
þó ekki fyrr en þessi könnun var
hafin.
Bergþór Pálsson nýtur stuðnings
5,5% þeirra sem svara en á hann
hefur verið skorað að fara í fram-
boð. Sérstök áskorendasíða er
starfrækt á Facebook en sjálfur
hefur hann sagt að hann fari ekki
að hugsa málið fyrr en yfir 10 þús-
und manns hafi líkað við síðuna.
Þóra Arnórsdóttir fær 4,9% at-
kvæða samkvæmt könnuninni en
hún bauð sig sem kunnugt er fram
í forsetakosningunum 2012 og hlaut
næstflest atkvæði á eftir Ólafi
Ragnari Grímssyni. Hún hefur í
millitíðinni sagt í viðtölum að hún
hyggist ekki fara fram aftur.
Halla Tómasdóttir er einnig
meðal þeirra sem flestir nefna, með
3,7%. Stuðningsmenn Höllu stofn-
uðu facebookhóp til að skora á
hana í framboð strax í desember
en sjálf hefur hún sagst þurfa tíma
til að hugsa málið og ræða við sína
nánustu.
Í flokknum Aðrir eru þeir sem
svarendur nefndu í um og undir
1% tilvika, alls 68 einstaklingar.
Flestir eru enn óákveðnir
TVEIR AF HVERJUM ÞREMUR
ERU ÓÁKVEÐNIR UM
HVERN ÞEIR VILJA HELST SJÁ
SEM NÆSTA FORSETA ÍS-
LANDS SAMKVÆMT NÝRRI
KÖNNUN FÉLAGSVÍS-
INDASTOFNUNAR HÁ-
SKÓLA ÍSLANDS. KATRÍN
JAKOBSDÓTTIR NÝTUR
MESTRA VINSÆLDA ÞÓTT
HÚN HAFI EKKI GEFIÐ KOST
Á SÉR TIL EMBÆTTISINS.
Eyrún Magnúsdóttir eyrun@mbl.is
Ómögulegt er að spá fyrir um hvað kemur upp úr kjörkössunum í forsetakosningunum í sumar, enda enn ekki ljóst hverjir verða í kjöri. Kannanir gætu
þó ef til vill hjálpað einhverjum, jafnvel bæði kjósendum og þeim sem liggja undir feldi vegna mögulegs framboðs, að gera upp hug sinn.
Morgunblaðið/Eggert
Forsetavaktin
10 MORGUNBLAÐIÐ SUNNUDAGUR 24.1. 2016
Fyrri spurning könnunarinnar
var opin en í þeirri síðari var
óákveðnum svarendum birt-
ur listi yfir eftirfarandi 15 ein-
staklinga í stafrófsröð:
Andri Snær Magnason
Ástþór Magnússon
Bergþór Pálsson
Elísabet Jökulsdóttir
Halla Tómasdóttir
Hrannar Pétursson
Hildur Þórðardóttir
Jón Gnarr
Katrín Jakobsdóttir
Ólafur Jóhann Ólafsson
Pawel Bartoszek
Stefán Jón Hafstein
Sturla Jónsson
Þorgrímur Þráinsson
LISTINN SEM SVAR-
ENDUR FENGU Í
KÖNNUNINNI