Morgunblaðið - Sunnudagur - 24.01.2016, Qupperneq 16

16 MORGUNBLAÐIÐ SUNNUDAGUR 24.1. 2016
Heilsa og hreyfing
K
omið er á markað maga-
belti sem á að hjálpa fólki
að brenna kviðfitu og
minnka bumbuna. Beltið
heitir Celcius-brennslubelti og
fæst í Nettó um allt land. Ekki
eru neinir rafstraumar gefnir með
þessu belti, eins og var í tísku
fyrir einhverjum árum, heldur er
þetta einfalt teygjubelti með
frönskum rennilás. Fyrirtækið
Celcius auglýsir á vefsíðu, face-
book, instagram og twitter. Á
twitter-síðu fyrirtækisins má lesa:
„Þú notar brennslubeltið í rækt-
inni, vinnunni, göngu, golfi, jóga.
Vísun á 100% árangur. Sentímetr-
arnir fjúka.“
Verið að plata fólk
Sigríður Einarsdóttir íþróttakenn-
ari segir að eina leiðin til að
brenna kviðfitu sé með hreyfingu.
Hún hefur ekki mikla trú á þessu
nýja magabelti sem á að örva
brennslu á magasvæði. „Þarna er
verið að plata
fólk. Þú getur
ekki brennt fitu af
einhverju einu
svæði, fitan fer
jafnt af lík-
amanum við
brennslu. Það er
ekki hægt að
ákveða að brenna
bara kviðfitu. Auglýsingin er bara
það sem fólk vill heyra,“ segir
Sigríður. „Ég get ekki ímyndað
mér að þú getir sett á þig belti og
það byrji einhver brennsla, það
þarf súrefni í brunann, þú þarft
að fara í þolæfingar eða eitthvað.
En þeir segja að þetta virki best
með hreyfingu en þá ertu komin í
þolæfingar sem duga einar og sér.
Hvort beltið hjálpi? Mér finnst
það ólíklegt,“ segir hún.
Á að auka svitamyndun
Á vefsíðunni er einnig talað um að
það hjálpi við vökvalosun á maga-
svæði. Sigríður segir að vökvatap
jafngildi ekki að missa fitu og tek-
ur dæmi af vafningum sem hafa
verið notaðir og eiga að stuðla að
minna mittismáli. „Þá verður mikil
vökvalosun og fólk upplifir að það
sé að grennast, en maður tekur
enga fitu af sér með því að vera
með vafninga,“ segir hún og bend-
ir á að þótt beltið auki svitamynd-
un hafi það lítið að segja í sam-
bandi við fitubrennslu. „Þú getur
líka bara klætt þig í fullt af fötum
og farið út að labba ef þú vilt
auka svitamyndun!“ segir hún.
Beltið er sagt veita góðan
stuðning við neðra bak og segir
Sigríður það vel geta verið. „Þetta
veitir örugglega stuðning við
neðra bak, þú færð tilfinningu að
þetta styðji vel við þig. En maður
er líka hræddur við það að vera
háður slíkum stuðningi því þá
ferðu að slaka meira á þeim vöðv-
um sem þú átt að vera að nota til
að halda þér uppi, það er vara-
samt að vera háður einhverju
svona,“ segir Sigríður.
Klassísk fitubrennsluloforð
Fannar Karvel Steindórsson
íþróttafræðingur tekur í sama
streng og Sigríður. „Þetta eru
þessi klassísku loforð. Yfirleitt er
þetta bara bjánalegt, það er verið
að lofa einhverju sem stenst ekki
nánari skoðun. Að lofa fitu-
brennslu á ákveðnu svæði stenst
ekki,“ segir Fannar sem segir að
eina leiðin til að
losna við fitu af
einum stað sé
með fitusogi.
Fannar segir
þessi belti ekki ný
af nálinni. „Svipuð
belti hafa verið til
mjög lengi en
hafa verið seld
fyrir fólk með bakvandamál. Það
veitir stuðning og eykur hitann á
bakinu. En ef þú vilt auka svita-
myndun geturðu bara klætt þig í
kuldagalla. Þetta er ósköp einfalt,
þetta snýst um mataræði og
hreyfingu. Ef það er verið að lofa
einhverju svona stóru þá er það
yfirleitt kjaftæði. Ég er búinn að
vera 16 ár í bransanum og hef
ekki ennþá séð svona nýjungar
sem standast,“ segir Fannar.
Fannar segir að það sé útilokað
að beltið hjálpi til við fitubrennslu.
„Hreyfingin er aðalatriðið, þú færð
alveg sama árangur þótt þú notir
ekki beltið og hreyfir þig bara,“
segir hann. „Þetta hjálpar mögu-
lega bakinu en fitubrennsla? Þú
getur alveg gleymt því,“ segir
Fannar að lokum.
AUGLÝST AÐ NÝTT MAGABELTI ÖRVI BRENNSLU
„Það er ekki hægt að
ákveða að brenna bara
kviðfitu. Auglýsingin er bara
það sem fólk vill heyra.“
Getty Images/iStockphoto
„BUMBUNA BURT“ ER LOFAÐ Á HEIMASÍÐU
CELCIUSPORT.COM SEM SELJA MAGABELTI Á
TÆPAR ÁTTA ÞÚSUND KRÓNUR. SÉRFRÆÐ-
INGAR TELJA SLÍKT EKKI BERA ÁRANGUR OG AÐ
VERIÐ SÉ AÐ PLATA FÓLK TIL AÐ KAUPA SÉR
SKYNDILAUSN SEM EKKI VIRKI. MARKAÐSSTJÓRI
CELCIUS HEFUR FULLA TRÚ Á VÖRUNNI.
Ásdís Ásgeirsdóttir asdis@mbl.is
Celcius-brennslubeltin eiga að vinna á kviðfitu.
Fannar Karvel
Steindórsson
Sigríður
Einarsdóttir
Bumban
burt?
Oft er lögð mikil áhersla á að teygja vel eftir æfingar til að koma í veg fyrir harðsperrur.
Rannsóknir hafa ekki staðfest með afgerandi hætti að það sé tilfellið. Harðsperrur eru merki
um að vöðvinn hafi tekið vel á. Teygjur eftir æfingu eru hins vegar góð leið til að fá slökun í
vöðvann eftir átök og þær hleypa þannig blóðflæði að vöðvanum.
Koma teygjur í veg fyrir harðsperrur?
Ellý Ármannsdóttir er markaðs-
stjóri hjá Celsíus sem flytur inn
brennslubeltin. Hún segir að
beltið virki vel við fitubrennslu
og sé víða
notað af
íþróttafólki
erlendis. Ellý
segir að þetta
sé ný vara og
ekki sambæri-
leg við eldri
tegundir belta.
Hún segir
beltin mjúk og herði ekki að lík-
amanum en þau eru gerð úr
Neoprene-efni. „Beltið hitar
svæðið og hægt er að nota það
við æfingar og í vinnuna. Þá hitn-
ar vöðvinn og þú ert rennandi
sveitt og þá verður brennslan
enn meiri. Það er mjög gott að
nota þetta í ræktinni, jóga eða
golfi,“ segir hún. „Þetta er vin-
sælt í Ameríku og fólk hefur náð
gríðarlega miklum árangri af að
nota þetta. Ég persónulega hef
prófað þetta og 10 sentimetrar
eru farnir af mér,“ segir Ellý sem
hefur notað þetta í vinnuna og
göngutúra. Ellý segir að öll gagn-
rýni eigi rétt á sér en að hún hafi
fulla trú á vörunni. „Þetta er al-
veg magnað og þetta er líka á
viðráðanlegu verði,“ segir hún.
„Það rennur af þessu svæði.
Þetta er að virka.“
Virkar
ótrúlega vel
Ellý
Ármannsdóttir