Morgunblaðið - 17.02.2016, Blaðsíða 2
2 FRÉTTIRInnlent
MORGUNBLAÐIÐ MIÐVIKUDAGUR 17. FEBRÚAR 2016
Baldur Arnarson
baldura@mbl.is
Jens Árni Ingimundarson horfir til
himins og gantast með að hann sé
enn á lífi. Himnaríki verði að bíða
enn um sinn eftir komu hans.
Það vildi þannig til að þriðjudag-
inn í síðustu viku var Jens við dauð-
ans dyr eftir að æðar í maga hans
sprungu. Hárrétt viðbrögð sonar
hans, Sigurðar, urðu honum til lífs.
„Það var um sjöleytið um kvöldið
– þá var ég að horfa á sjónvarp –
sem ég stóð upp og ætlaði mér að
fara að horfa á leik uppi í Fylkis-
húsi,“ segir Jens, sem er einn dygg-
asti stuðningsmaður Fylkiskvenna í
handbolta. Missir helst ekki af leik.
Læknir sagði þetta ganga yfir
„Ég geng inn í svefnherbergi og á
leiðinni byrja mikil þyngsli í höfðinu.
Það endaði með því að ég setti kodda
á gólfið og lagðist svo á gólfið og með
fæturna upp í rúm. Lá þar í hálf-
tíma. Það hafði ósköp lítil áhrif. Það
endaði með því að ég hringdi í
Læknavaktina og spurði ráða. Þeir
sendu þá lækni til mín. Hann kom
fljótlega og skoðaði mig. Blóðþrýst-
ingurinn var allt of hár. Læknirinn
var þeirrar skoðunar að þetta myndi
jafna sig fljótlega. Svo fer hann.
Svona fjórum til fimm mínútum síð-
ar verð ég slæmur í maganum og
kasta upp blóði. Þá hringdi ég aftur í
Læknavaktina og hún sagði mér að
koma mér niður á bráðavakt. Sonur-
inn kom þá. Ég var þá þokkalegur
en með mikil þyngsli fyrir höfðinu.
Þegar ég geng frá útidyrunum að
bílnum fer mér að versna og ég rétt
komst í bílinn til hans. Svo get ég
ekki svarað meiru og var ég orðinn
rænulaus í Ártúnsbrekkunni þegar
ég ranka við mér. Hann barði á
brjóstið á mér með annarri hendinni
en hélt á símanum í hinni. Hann var
að tala við Neyðarlínuna og biðja um
sjúkrabíl. Þetta var við planið hjá
N1. Svona hélt hann í mér lífinu þar
til sjúkrabíllinn kom,“ segir Jens,
sem vill koma á framfæri þakklæti
til starfsfólks Landspítala.
Heilsuræktin mikilvæg
Jens, sem verður 84 ára í ágúst,
segir að ef ekki hefði verið fyrir að-
stoð Sigurðar væri hann sennilega
ekki lengur meðal okkar. Honum
hefði líklega blætt út í heimahúsi.
Jens fékk tvo lítra af blóði, en
magaspeglun leiddi í ljós að æðar í
maga höfðu sprungið. Voru þær
brenndar og lekinn stöðvaður.
Þrátt fyrir áfallið er Jens ekki af
baki dottinn. Hann var mættur til
æfinga í Árbæjarþreki í gærmorgun
en segist þó ekki hafa tekið jafn vel á
því og venjulega. Hann ætli sér að
fara rólega fyrst um sinn.
Jens æfir þar alla virka daga á
veturna og segir hann það eiga þátt í
hversu hraustur hann er. Þá skipti
miklu máli að hann skuli hafa drepið
í síðustu sígarettunni klukkan hálf
níu laugardagskvöldið 18. júlí 1992.
Hélt lífinu í föður sínum með
því að berja hjartað í gang
Jens Á. Ingimundarson segir son sinn hafa drýgt hetjudáð í Ártúnsbrekkunni
Morgunblaðið/Golli
Hraustur Jens er ættaður frá Djúpavogi og stundaði sjóinn á unglingsárum.
Hann starfaði síðan m.a. fyrir Hampiðjuna og Sláturfélag Suðurlands.
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is Smartland Marta María Jónasdóttir smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Vinnustöðvun þeirra sem tilheyra
flutningasveit Rio Tinto Alcan í
Straumsvík og starfa á hafnar- og
vinnusvæði fyrirtækisins við út-
skipun á áli er fordæmalaus, að
sögn Gylfa Ingvarssonar, tals-
manns samninganefndar starfs-
manna. Hún beinist eingöngu að
þessum verkþætti starfseminnar.
Felur vinnustöðvunin í sér að engu
áli verði skipað um borð í skip í
Straumsvíkurhöfn, þ.e. ótímabund-
ið útskipunarbann á áli frá mið-
nætti 24. febrúar nk. Tólf starfs-
menn starfa við útskipunina og
tilheyra þeir verkalýðsfélaginu
Hlíf. Aðgerðin er engu að síður
studd af öllum þeim verkalýðs-
félögum sem starfsfólk fyrirtæk-
isins tilheyrir. „Eftir að búið var
að taka ákvörðun um að fara þessa
leið var farið yfir lögfræðilegt álit
um það hvernig standa ætti að
þessu og úr varð þessi niðurstaða,“
segir Gylfi en vonast er til þess að
fá samninganefnd Rio Tinto að
samningaborðinu með þessum að-
gerðum. Eins og fram hefur komið
hefur þegar verið beitt allsherjar-
verkfalli og yfirvinnubanni í deil-
unni. vidar@mbl.is
Fordæmalaus aðgerð
Verkfallsaðgerðin beinist að afmörkuðum verkþætti
Morgunblaðið/Ómar
Straumsvík Engu áli verður skipað um borð eftir 24 febrúar.
Eiríkur Fannar Traustason var í gær
dæmdur í fangelsi í fjögur ár og sex
mánuði fyrir að hafa nauðgað 17 ára
gamalli stúlku þar sem hún lá sofandi í
tjaldi á tjaldsvæði í Hrísey. Eiríkur
játaði fyrir dómi sakargiftir og sam-
þykkti bótaskyldu gagnvart stúlkunni.
Í dómnum kemur fram að Eiríkur
hafi þann 25. júlí 2015 farið inn í tjald
stúlkunnar, sem er frönsk og hafði
verið á hjólaferðalagi um landið. Var
stúlkan þá sofandi en Eiríkur greip
um munn hennar, hélt henni niðri og
sló hana hnefahöggi í andlitið. Því
næst sneri hann stúlkunni á magann
og ýtti höfði hennar niður í svefnpok-
ann og hótaði henni ítrekað að drepa
hana ef hún þegði ekki. Þá sló hann
hana ítrekað í höfuð og líkama og
reyndi að hafa við hana samfarir.
Því næst fróaði hann sér yfir stúlk-
una og hafði á hana sáðlát. Aftur
reyndi Eiríkur svo að hafa við hana
samfarir og þrýsti henni á ný niður og
setti svefnpokann yfir höfuð hennar.
Áður en hann fór úr tjaldinu hótaði
hann henni á ný. Af þessu hlaut stúlk-
an stórt mar á andliti og eymsli í
kjálkalið.
Auk fangelsisvistar var Eiríkur
dæmdur til að greiða stúlkunni 1,7
milljónir í miskabætur og 2,5 milljónir
í sakarkostnað.
Fjögurra
og hálfs
árs dómur
Nauðgaði 17 ára
stúlku í Hrísey
Vandaðar gjafavörur og silkiblóm
Listhúsinu við Engjateig, 105 Reykjavík, sími 551 2050 Opið 11-18, lau 11-16.
Frábærum árangri blaðbera Morgunblaðsins á
síðasta ári var fagnað í prentsmiðju blaðsins í
gær. Af því tilefni voru dregnir út vinningar í
happdrætti. Alls voru það 76 blaðberar sem
unnu meira en 250 daga af 306 og náðu að vera
með kvartanafjölda innan settra gæðamarka, en
sjö blaðberar unnu alla 306 útgáfudagana á síð-
asta ári og fjórir blaðberar af 76 báru út kvart-
analaust á síðasta ári.
Frábærum árangri blaðbera Morgunblaðsins fagnað
Morgunblaðið/Eggert
Sjö blaðberar unnu alla 306 útgáfudagana á síðasta ári
Íbúasamtök Háa-
leitis og stjórn
foreldrafélags
Háaleitisskóla
gera alvarlega
athugasemd við
stöðu barna í
Háaleitishverf-
inu. Segir í at-
hugasemd sem
send var borgarfulltrúum o.fl. í
gærkvöldi að borgin sýni stöðu
barna skeytingarleysi. Gildi þá einu
hvort um sé að ræða umferðarör-
yggi í hverfinu, aðstöðu til útiveru,
ástand skólalóða eða þá ákvörðun
að skipta ekki út dekkjakurli á
gervigrasvelli á Framsvæðinu.
„Mælirinn er fullur og gott betur
vegna nýjusta frétta af úrgangs-
dekkjakurlinu á Framvellinum... Á
sama tíma er áætlað að bregðast við
á öðrum íþróttavöllum borgar-
innar,“ segir þar. vidar@mbl.is
Saddir á skeyting-
arleysi borgarinnar
Háleiti Umferðar-
öryggi þykir ónógt.