Morgunblaðið - 17.02.2016, Blaðsíða 11
Ljósmyndir/Víðir Björnsson
Í ölduróti Víðir fremst á myndinni og Gummi vinur hans í briminu á Óseyrarnesi.
þegar hann var strákur og að það
hafi nú vaknað á ný.
„Ég stunda sjósund með félög-
um mínum og ég er í raun háður
sjónum, hann togar í mig. Ég bók-
staflega verð að ganga í fjöruborðinu
í hverri viku við Óseyrarnes á
bernskuslóðunum. Þegar ég fer í
fjallgöngur reyni ég að velja leið og
stað sem ég veit að er fallegur og tek
myndir í leiðinni. En ég fer líka
stundum gagngert eitthvert út til
þess eins að taka myndir,“ segir
Víðir, sem hefur tekið þó nokkuð af
fuglamyndum, enda er hann alinn
upp við sjávarsíðuna á Eyrarbakka
þar sem fuglalífið er fjölbreytt.
„Amma og mamma hafa gefið
krumma matarafganga allt sitt líf og
þar sem foreldrar mínir búa á Eyrar-
bakka veit krummi alveg hvert hann
á að koma í matinn. Mig langaði að
ná mynd af þessum merkilega fugli
og ég faldi myndavélina rétt við góð-
gætið og skildi hana þar eftir, því að
hrafninn er var um sig. Úr þessu
komu margar góðar myndir, ekki að-
eins af krumma, heldur líka af öðrum
fuglum. Þessar myndir hafa vakið
lukku og mynd af starra að næla sér í
bita var birt í The Telegraph, en
ástæðan fyrir því að ég átti greiða
leið í erlenda miðla með myndir mín-
ar er sú að síðastliðið haust náði ég
góðri mynd af svokölluðum njólu-
baug (e. moonbow), sem er nætur-
regnbogi, en njóla er skáldamál og
merkir nótt. Njólubaugur er sjald-
gæfur en getur myndast þegar fer
saman mjög bjart tunglskin og súld
eða skúraveður ásamt dreifðum
skýjum. BBC hafði samband við mig
út af þessari njólubaugsmynd og tók
við mig viðtal, og í framhaldinu fór
myndin út um allan heim. Nætur-
regnboginn er því brú mín út í heim;
eftir þetta var ég kominn með fullt af
tengiliðum úti um víða veröld sem
vildu fá myndir frá mér. Núna sendi
ég myndir til konu í London hjá
fyrirtækinu Rex ShutterStock og
hún reynir að selja þær áfram fyrir
mig til fjölmiðla og fleiri aðila, en
myndir þaðan birtast í hinum ýmsu
miðlum hvar sem er í heiminum.“
Ljósmyndun og útivist
er fullkomin blanda
Ljósmyndunin er ástríða hjá
Víði en honum er fleira til lista lagt,
hann er meðal annars meðlimur í
hljómsveitinni Kiriyama Family og
leikur þar á bassagítar og hljóm-
borð.
„Framtíðarplönin eru enn að
gerjast með mér, kannski fer ég og
læri ljósmyndun, kannski ekki, því
að flestir þeirra ljósmyndara sem ég
dáist að eru sjálfmenntaðir.
Ég stefni að því að vinna við
eitthvað tengt ljósmyndun og verk-
efnin eru nú þegar byrjuð að tínast
inn. Fólk hefur hvatt mig mjög mikið
áfram og það er frábært. Ég hef al-
gerlega fundið mig í þessu og ég
varð útivistarmaður á sama tíma,
þetta er fullkomin blanda.“
Júlía Víðir fór með Júlíu Bjarneyju systur sinni í fjörugöngu á Eyrarbakka í
miklu roki og rigningu á 17. júní. Þau voru svo heppin að fá þessa þrjá svani
fljúgandi akkúrat yfir á þessari mynd. Myndin er tekin í fyrra.
Árás Hér sést ofan í kok á gargandi önd áður en hún beit Víði í höndina.
Sveppur Íslensk náttúra býður upp á fjölbreytt myndefni.
Hægt er að skoða myndirnar
hans Víðis á slóðinni:
www.vidirbjornsson.com
og á instagram: vidirb
DAGLEGT LÍF 11
MORGUNBLAÐIÐ MIÐVIKUDAGUR 17. FEBRÚAR 2016
VANT
AR
ÞIG
ORKU
?
Koffein Apofri - 100% hreinar koffíntöflur
Fæst í apótekum, Hagkaupum og Fjarðarkaupum. balsam.is
ÁN ALLRA AUKAEFNA
ÞÆGILEG ORKA
ÞEGAR ÞÚ ÞARFT
Á HENNI AÐ HALDA
Á morgnana
Í vinnuna
Í skólann og prófalesturinn
Fyrir æfinuna
Bóka- og bíóhátíð barnanna stendur
sem hæst í Hafnarfirði þessa dagana.
Sérstök áhersla er lögð á bækur og
kvikmyndir og skapandi og skemmti-
leg verkefni sem tengjast hvoru
tveggja. Tilgangur hátíðarinnar er að
efla áhuga barna á lestri og læsi í víð-
um skilningi og styður hátíðin við læs-
isverkefni leik- og grunnskóla bæj-
arins sem í gangi hefur verið síðustu
misseri.
Fléttun við skólastarf, frístunda-
starf og fjölskyldulíf, segir á Face-
book-síðu hátíðarinnar þar sem fjöl-
breyttri dagskránni eru gerð skil. T.d
býður Byggðasafn skólahópum á sér-
staka sýningu virka daga um sögu
kvikmyndahúsanna í Hafnarfirði. Í
Bókasafni Hafnarfjarðar er lands-
keppni 4. – 10. bekkinga í ljóðaskrif-
um, efnt til SMS örsögukeppni með
þemanu „lestur“ og börnin fá tækifæri
til að semja saman sögu á umbúða-
pappír. Í dag og á morgun kl. 9.30 og
10.30 eru bíósýningar í Bæjarbíói fyrir
4 – 5 ára börn í leikskólum bæjarins.
Síðasti dagur hátíðarinnar er sunnu-
daginn 21. febrúar.
Skóla- og frístundastarfi fléttað í fjölskyldulífið
Hátíð í bæ Sögur og kvikmyndir eru í hávegum hafðar á hátíðinni í Hafnarfirði.
Bóka- og bíóhátíð barnanna
stendur sem hæst í Hafnarfirði