Morgunblaðið - 17.02.2016, Blaðsíða 15

FRÉTTIR 15Innlent
MORGUNBLAÐIÐ MIÐVIKUDAGUR 17. FEBRÚAR 2016
Morgunblaðið/Sverrir
Eftirsótt Reynivallakirkja í Kjós.
Einn umsækjandi var um embætti
prests í Mosfellsprestakalli í Kjalar-
nessprófastsdæmi. Embættið veitist
frá 1. mars nk. Umsækjandinn er
séra Arndís G. Bernhardsdóttir
Linn.
Biskup Íslands skipar í embættið
að fenginni niðurstöðu almennra
prestskosninga í prestakallinu, en
rúmlega þriðjungur sóknarbarna
óskaði eftir almennri kosningu og
verður kosningin og framkvæmd
hennar auglýst síðar. Í Mosfells-
prestakalli er ein sókn, Lágafells-
sókn, með um níu þúsund íbúa og
tvær kirkjur. Mosfellsprestakall er
á samstarfssvæði með Reynivalla-
prestakalli.
Hins vegar voru ellefu umsækj-
endur eru um embætti sóknar-
prests í Reynivallaprestakalli í
Kjalarnessprófastsdæmi. Embættið
veitist frá 1. mars nk.
Umsækjendurnir eru; Anna Þóra
Paulsdóttir, guðfræðingur, séra
Arna Grétarsdóttir, dr. Grétar
Halldór Gunnarsson, dr. Haukur
Ingi Jónasson, Kristinn Snævar
Jónsson, guðfræðingur, séra Krist-
ín Pálsdóttir, María Rut Baldurs-
dóttir, guðfræðingur, séra Stefán
Már Gunnlaugsson, séra Úrsúla
Árnadóttir, Viðar Stefánsson, guð-
fræðingur og séra Þórhallur Heim-
isson. Biskup Íslands skipar í emb-
ættið að fenginni umsögn
valnefndar. Valnefnd skipa níu
manns úr prestakallinu auk pró-
fasts. Í Reynivallaprestakalli eru
tvær sóknir, Brautarholtssókn og
Reynivallasókn. Fjöldi íbúa í
prestakallinu eru rúmlega eitt þús-
und. Embættinu fylgja sérstakar
starfsskyldur, allt að 50% starfs-
hlutfall, við prófastsdæmið, Bisk-
upsstofu, eða annan kirkjulegan að-
ila, segir í frétt á heimasíðu
Biskupsstofu. sisi@mbl.is
Ellefu sóttu um Reynivelli í Kjós
 Kosið verður um eina umsækjandann um prestsembætti í Lágafellssókn
Biskup Íslands
hefur auglýst
laust til umsókn-
ar embætti
prests í Nes-
prestakalli,
Reykjavíkur-
prófastsdæmi
vestra, frá 1. apr-
íl næstkomandi.
Biskup skipar í
embætti prests
til fimm ára. Í Nesprestakalli er ein
sókn, Nessókn, með rúmlega ellefu
þúsund íbúa og eina kirkju, Nes-
kirkju.
Nesprestakall er á samstarfs-
svæði með Hallgrímsprestakalli,
Dómkirkjuprestakalli, Háteigs-
prestakalli og Seltjarnarnes-
prestakalli. Umsóknarfrestur renn-
ur út 14. mars nk.
Hinu auglýsta pretsembætti
gegndi áður séra Skúli Sigurður
Ólafsson en hann hefur verið skip-
aður í embætti sóknarprests í Nes-
prestakalli. Hann var eini umsækj-
andinn um það embætti.
Biskup auglýsir
embætti prests í
Nessókn laust
Skúli Sigurður
Ólafsson
Á Hrafnaþingi í
dag, miðvikudag-
inn 17. febrúar
kl. 15:15, mun
Borgþór Magn-
ússon plöntuvist-
fræðingur flytja
erindið: Á fýla-
slóðum í Rang-
árþingi 2015.
Í erindinu mun
Borgþór rifja upp skráningu og
kortlagningu á fýlabyggðum í
Rangárvallasýslu og Vestur-
Skaftafellssýslu, sem framkvæmd-
ar voru árin 1980 og 1981 og skýra
frá niðurstöðum rannsókna sem
gerðar voru sumarið 2015.
Hrafnaþing er haldið í húsakynn-
um Náttúrufræðistofnunar að Urr-
iðaholtsstræti 6-8 í Garðabæ, í
Krummasölum á 3. hæð.
Allir eru velkomnir.
Á fýlaslóðum í
Rangárþingi
Borgþór Magnússon
Fimmtudaginn 18. febrúar kl. 15
verður haldinn opinn fundur í
fyrirlestrarsal Þjóðminjasafns Ís-
lands undir heitinu „Þróunar-
skýrsla Sameinuðu þjóðanna
2015.“
Dr. Selim Jahan, aðalritstjóri
Þróunarskýrslu Sameinuðu þjóð-
anna kynnir helstu niðurstöður
skýrslunnar. Eygló Harðardóttir,
félags- og húsnæðismálaráðherra,
flytur opnunarávarp.
Síðan verða pallborðsumræður
um íslenskan vinnumarkað. Þát-
takendur verða Katrín Ólafsdóttir,
lektor við viðskiptadeild Háskól-
ans í Reykjavík, Drífa Snædal,
framkvæmdastjóri
Starfsgreinasambandsins og Kol-
beinn Stefánsson, sérfræðingur á
Hagstofu Íslands. Fundurinn fer
fram á ensku og er öllum opinn.
Fundur um
Þróunarskýrslu SÞ