Morgunblaðið - 17.02.2016, Qupperneq 28

28 DÆGRADVÖL
MORGUNBLAÐIÐ MIÐVIKUDAGUR 17. FEBRÚAR 2016
Stjörnuspá
21. mars - 19. apríl 
Hrútur Er leiðin sem þú ferð í vinnuna laus
við streitu? Ef ekki er vinnudegi þínum líklega
spillt með slæmri byrjun og enn verri endi.
Þetta getur tætt sálina svo þú skalt reyna að
fara réttu megin framúr. Einbeittu þér að því
að standa við gefin loforð.
20. apríl - 20. maí 
Naut Sjaldan veldur einn þá tveir deila. En þú
þarft ekkert að óttast, þú ert í fínu formi og
þolir áskorun.
21. maí - 20. júní 
Tvíburar Ef þú pælir í því, þá hefurðu ástæðu
til að fagna. Dyttaðu að heima og lagfærðu
það sem bilað er. Kvenkyns vinnufélagar geta
reynst sérstaklega hjálplegir.
21. júní - 22. júlí 
Krabbi Þið saknið gömlu skóladaganna og
ykkur langar til þess að mennta ykkur frekar.
Leyfðu öllu að hafa sinn gang.
23. júlí - 22. ágúst 
Ljón Þið þurfið að huga að því hvernig þið
getið bætt samskipti ykkar við aðra í fjöl-
skyldunni. Reyndu að virkja aðra með mann-
úð þinni.
23. ágúst - 22. sept. 
Meyja Gefðu einhverjum sem á það ekki skil-
ið annað tækifæri. Þú átt það til að láta skap-
ið hlaupa með þig í gönur en þú ert ekki einn
um þetta. Láttu ekkert hindra þig í því að
framkvæma það sem þú veist að er rétt.
23. sept. - 22. okt. 
Vog Vertu skarpskyggn og mundu lexíu síð-
asta mánaðar. Samskipti eru auðveld og í
góðu jafnvægi, sama hvort um er að ræða
nána vini, maka eða ókunnuga.
23. okt. - 21. nóv.
Sporðdreki Þér lætur vel að leiða aðra í
starfi. En varastu að gera vandamál annarra
að þínum. En ef þú bara heldur ró þinni, þá
fer allt vel.
22. nóv. - 21. des.

Bogmaður Margar hugsanir sem skjóta upp í
kollinum á þér enda sem vangaveltur. Líttu á
þetta sem tækifæri til að þroska með sér þol-
inmæði og gera aðra glaða.
22. des. - 19. janúar 
Steingeit Þú munt rekast á einhver ummæli,
sem hafa mikil áhrif á þig. Taktu frumkvæðið
og hafðu forystu um að leiða verkið til lykta.
20. jan. - 18. febr. 
Vatnsberi Þú finnur fyrir viðvæmni þessa
dagana og þarft að vita af sterkum stuðningi.
Láttu ekki tækifæri til góðverka fram hjá þér
fara.
19. feb. - 20. mars

Fiskar Þér líður ekki vel og sjálfstraust þitt er
ekki með besta móti. Einbeittu þér að því að
efla það, annars áttu á hættu að staðna og
stífna í hvívetna. Hlýddu þinni innri rödd.
Aldrei verður fullort um fer-skeytluna og spreyta hagyrð-
ingar sig á því yrkisefni af engu
minni ákefð nú en á dögum Andrés-
ar Björnssonar, Jóns Bergmanns
eða Páls. Kristján Runólfsson setti
þessar vísur á Leirinn á sunnudag:
Opni snáðinn óðarport,
út vill háðið renna.
Býsna gráðugt oft er ort,
orðin skráð af penna
Staka glettin stuðlahrein,
stöðugt léttir pínu.
Stundum dettur ein og ein,
út úr smetti mínu.
Ört úr penna leka ljóð,
ljúft þar kenni gaman,
þegar ég nenni að yrkja óð,
orðin renna saman.
Upp ég kreisti lipurt ljóð,
læt þar freisting toga,
lítill neisti og gömul glóð,
getur breyst í loga.
Aldrei þagnar augnablik,
úldinn doðapjakkur,
klæmist magnað kjánaprik,
kjaftafroðusnakkur.
Sigmundur Benediktsson lét ekki
sitt eftir liggja og svaraði fyrir mið-
nætti með bestu þökkum fyrir
skemmtilegar vísur:
Stefjaþelið stuðlahert
stöku- elur -geðið.
Þráfalt tel ég þakkavert
þegar vel er kveðið.
Virkjar huga, léttir lund,
leiða bugað getur.
Vísnadug með stökustund
stemmuflugið vekur.
Vel á óðarsund skal sótt,
seiða ljóðin fögur.
Dátt vil bjóða dýrðarnótt,
dreymum góðar bögur.
Og Kristján Runólfsson þakkaði
fyrir sig og enn er hringhent!
Þegar hlýnar loft og láð,
lengjast mínar vökur,
linnir pínu í lengd og bráð,
lifna fínar stökur.
Rósberg G. Snædal hélt upp á
hringhenduna og gaf út lítinn pésa,
– 101 hringhenda. „Maðurinn er
alltaf einn“ heitir þessi og er raun-
ar oddhenda:
Valt ef gerist gengi mér
gleymast sérhver kynni.
Maður er því oftast hér
einn í veröldinni.
Halldór Blöndal
halldorblondal@simnet.is
Vísnahorn
Hringhendan er síungt
viðfangsefni hagyrðinga
Í klípu
„ÉG GERI ALLTAF ÚLFALDA ÚR MÝFLUGU.“
eftir Mike Baldwin eftir Jim Unger
„FJÓRIR MÁNUÐIR, ÁTTA DAGAR, FIMM KLUKKUTÍMAR
OG TUTTUGU MÍNÚTUR. FJÓRIR MÁNUÐIR, ÁTTA
DAGAR, FIMM KLUKKUTÍMAR OG NÍTJÁN MÍNÚTUR.“
Hermann
Ferdinand
Hrólfur hræðilegi
Grettir
... tvær flísar af sömu
spýtunni.
ÉG KLIFRA EKKI Í TRJÁM NEMA
ÞAU SÉU ORÐIN NÓGU HÁ
ERTU AÐ
LÆKKA?
UUU…
KANNSKI
SONUR, EF ÞÚ ERT
GÓÐUR, HEIÐAR-
LEGUR, DUGMIKILL
EINSTAKLINGUR…
…MUNTU FÁ ÞAÐ
SEM ÞÚ ÁTT
SKILIÐ!
EN EF ÞÚ ERT
VÍKINGUR… …MUNTU FÁ MUN
MEIRA EN ÞÚ
ÁTT SKILIÐ!
Víkverji furðar sig iðulega á þvíhvað hægt er að draga miklar
ályktanir út frá erfðaefni mannsins,
nú síðast út af frétt um afdrifarík
ástarævintýri homo sapiens og
Neandertalsmannsins. Rannsóknir
vísindamanna við Vanderbilt-
háskóla í Nashville í Bandaríkjunum
hafa leitt í ljós að þessi ævintýri
leiddu til blöndunar litninga.
x x x
Ekki skildi Neandertalsmaðurinnmikið eftir sig í erfðamenginu
þegar leiðir hans lágu saman við nú-
tímamanninn, sem var á flandri frá
Afríku fyrir 50 þúsund árum eða svo
og er þessi tilvik einkum að finna í
Evrópubúum og þeim, sem þangað
eiga upruna sinn að rekja. Mun
mega rekja 1-4% erfðaefnis Evr-
ópubúa okkar tíma til Neandertals-
mannsins. Þá hefur þessi blöndun ef
til vill haft einhverja kosti og jafnvel
flýtt fyrir aðlögun að nýjum að-
stæðum, en nú mun einkum vera um
ókosti að ræða.
x x x
Samkvæmt niðurstöðum vísinda-mannanna leiða genin úr Nean-
dertalsmanninum til þess að þeir,
sem þau bera eru veikari fyrir
nikotínfíkn og eiga frekar á hættu að
verða þunglyndir. Erfðaefnið úr
Neandertalsmanninum gerir að
verkum að blóð storknar fyrr. Það
kann að hafa komið í góðar þarfir í
árdaga þegar æskilegt var að sár
lokuðust fljótt og minni hætta væri á
að illt hlypi í þau. Nú eykur það hins
vegar líkurnar á hjartaáföllum, blóð-
tappa og vandamálum á meðgöngu.
Við rannsóknina var erfðaefni 28
þúsund sjúklinga af evrópskum upp-
runa í Bandaríkjunum rannsakað.
Bent hefur verið á að til að fá afger-
andi niðurstöður um áhættuþættina,
sem fylgja erfðaefni Neandertals-
mannins, þurfi að kanna tíðni sömu
sjúkdóma hjá þeim, sem ekki eru
með erfðaefnið, það er Afríkubúum.
Þar séu hins vegar ekki til jafn góð
gögn og notuð voru fyrir rannsókn-
ina í Bandaríkjunum.
x x x
Hins vegar er of seint að koma íveg fyrir ástarævintýrið fyrir
50 þúsund árum. víkverji@mbl.is
Víkverji
Eins og himinninn er hátt yfir jörð-
inni eru mínir vegir hærri yðar veg-
um og mínar hugsanir hærri yðar
hugsunum. Jesaja 55:9