Morgunblaðið - 17.02.2016, Blaðsíða 6

6 FRÉTTIRInnlent
MORGUNBLAÐIÐ MIÐVIKUDAGUR 17. FEBRÚAR 2016
Ágúst Ingi Jónsson
aij@mbl.is
Garðabær hefur auglýst hug-
myndasamkeppni um gerð ramma-
skipulags á Lyngássvæði og við
Hafnarfjarðarveg og er reiknað
með að skipulagi svæðisins verði
breytt verulega. Ein meginfor-
senda samkeppninnar er breytt
landnotkun á
iðnaðar- og at-
hafnalóðum inn-
an skipulags-
svæðisins. Horft
er til þess að
vinna raunhæfa
áætlun um upp-
byggingu hverf-
is í miðju Garða-
bæjar, sem taki
mið af þörfum
ungs fjölskyldufólks. Skólar, leik-
skólar og íþróttaaðstaða eru þegar
fyrir hendi í nágrenni svæðisins.
Í framtíðinni fari
Hafnarfjarðarvegur í stokk
Á umræddu svæði er eldra hverfi
með blandaðri byggð, bæði iðn-
aðar- og þjónustustarfsemi, en
einnig íbúðarbyggð. Hafnarfjarðar-
vegur liggur að Lyngássvæðinu og
segir Gunnar Einarsson, bæjar-
stjóri í Garðabæ, að sveitarfélagið
hafi lagt áherslu á að Hafnar-
fjarðarvegur fari í stokk á milli Víf-
ilsstaðavegar og Lyngáss.
Ekki sé líklegt að af því verði á
næstunni miðað við aðstæður, en
nauðsynlegt sé að horfa til fram-
tíðar og út fyrir boxið. Ef af því
yrði að vegurinn færi í stokk yrðu
íbúðargötur og tengingar við
miðbæinn ofanjarðar og einhverjir
möguleikar sköpuðust á bygging-
um nær núverandi Hafnarfjarðar-
vegi.
Gunnar segir að á Lyngássvæð-
inu sé þegar hafin uppbygging; þar
sé búið að samþykkja 119 íbúðir og
hluti þeirra sé risinn á svæði við
Hafnarfjarðarveginn sem kennt
var við Frigg. Einkaaðilar eigi
gamla Héðinsreitinn, bærinn eigi
þarna lóð undir áhaldahús og margir
fleiri eigi þarna lóðir og hafi hags-
muna að gæta. Að samkeppninni
lokinni og gerð rammaskipulags sé
hægt að horfa til einstakra svæða og
vinna deiliskipulag.
„Með heildarskipulagi í þessu
hverfi í miðbæ Garðabæjar er verið
að horfa til þess að þétta byggð og
að þarna verði fyrst og fremst íbúð-
arbyggð en í hæfilegri blöndu við
verslun, þjónustu og skrifstofubygg-
ingar. Við sjáum hvað kemur út úr
samkeppninni,“ segir Gunnar.
Stuðli að lægra íbúðaverði
Svæðið sem hugmyndasamkeppn-
in tekur til er alls um 30 hektarar og
er stefnt að því að skilgreina það
sem þróunarsvæði til 15 ára. Í sam-
keppnislýsingu er tekið fram að við
mótun tillögunnar skuli horft til
þess að stuðla að lægra íbúðaverði
fyrir unga kaupendur og leigjendur.
Svæðinu hallar til norðausturs með
útsýni út á Arnarnesvog. Hrauns-
holtslækur, sem er á náttúruminja-
skrá, rennur um svæðið. Við skil-
greiningu á hæð bygginga skal taka
tillit til aðliggjandi byggðar.
Í forsendum dómnefndar segir að
við mótun tillögunnar skuli horft til
þess að markmið rammaskipulags-
ins verði að stuðla að lægra íbúða-
verði fyrir unga kaupendur og leigj-
endur. Sérstök áhersla er lögð á
nýja sýn á búsetuform sem gæti gef-
ið af sér fjölbreyttari valkosti í
skipulagi byggðar sem séu sér-
sniðnir að þörfum ungra fjölskyldna.
Hverfi lagað að þörfum ungs fólks
 Auglýsa hugmyndasamkeppni um gerð rammaskipulags á 30 hekturum í hjarta Garðabæjar
 Á svæðinu er eldra hverfi með iðnaðar- og þjónustustarfsemi en einnig íbúðarbyggð
Í útjaðri Lyngássvæðisins Á svæðinu er iðnaðar- og þjónustustarfsemi en einnig er þar skipulögð íbúðarbyggð.
Hugmyndasamkeppni um nýja byggð
IÐNAÐUR/
ÞJÓNUSTA MIÐBÆR
Gunnar
Einarsson
Björn Jóhann Björnsson
bjb@mbl.is
Samkvæmt bráðabirgðatölum fyrir
árið 2015 varð nærri 4% aukning á
flutningum um hafnir Faxaflóahafna
miðað við árið 2014. Aukningin er að-
allega tilkomin vegna meiri innflutn-
ings, en eingöngu árið 2007 sýnir
meiri flutninga hjá Faxaflóahöfnum.
Langmestur flutningur er um
Sundahöfn, en einnig nær þetta yfir
Grundartangahöfn og höfnina á
Akranesi.
11% minna frá stóriðjunni
Innflutningur um hafnirnar jókst
um 8,3% en útflutningur dróst sam-
an um tæp 4%. Vegur þar þyngst
minni útflutningur á vörum frá stór-
iðjufyrirtækjum, sem var nærri 11%
minni árið 2015 en árið þar áður.
Vöruflutningar voru tæplega 3,4
milljónir tonna í fyrra en heildar-
flutningar voru nærri 3,8 milljónir
tonna. Þar af var útflutningur upp á
842 þúsund tonn og landaður afli upp
á 146.618 tonn, sem er 4,3% minna en
árið 2014. Sjávarafurðir til útflutn-
ings námu um 266 þúsund tonnum,
1,4% meira en árið áður.
Samkvæmt vefsíðu Faxaflóa-
hafna, þar sem tölurnar eru birtar,
má sjá að af einstökum tegundum
innflutnings varð mest aukning á
innfluttum bifreiðum, byggingarvör-
um og eldsneyti.
Þannig voru 392 þúsund tonn af ol-
íu flutt inn, 11% meira en 2014, og
bifreiðainnflutningur nam ríflega 31
þúsund tonnum, en hafði verið
20.633 tonn árið áður. Vörur til stór-
iðju voru um 1,2 milljónir tonna, ívið
meira en 2014.
Innfluttar byggingavörur voru
tæp 90 þúsund tonn, sem er 13%
aukning frá 2014 og 34% meira magn
en árið 2009.
Töluvert minna magn af lausu
korni fór um Faxaflóahafnir í fyrra,
eða tæp 54 þúsund tonn, borið saman
við 82 þúsund tonn 2014.
Vöruflutningar um Faxaflóa-
hafnir ekki meiri frá 2007
 3,4 milljónir tonna  Tæplega 4% aukning frá árinu 2014
Vöruflutningar um Faxaflóahafnir 2005-2015
(þ
ús
un
di
rt
on
na
)
Heimild: Faxaflóahafnir.
4.000.000
3.500.000
3.000.000
2.500.000
2.000.000
1.500.000
1.000.000
500.000
0
20
05
20
10
20
06 20
11
20
07
20
12
20
08
20
13
20
09
20
14
20
15
Alls Innflutningur Útflutningur Aðrir flutningar
Auglýst hefur verið eftir áhuga-
sömum aðilum til að byggja og
starfrækja veitingahús á lóð við
Arnarnesvog. Lóðin er rúmlega
fjögur þúsund fermetrar og er
gert ráð fyrir allt að 500 fer-
metra veitingahúsi. Í auglýsingu
Garðabæjar kemur fram að verð
fyrir byggingarrétt er rúmlega
19 milljónir, að 9,6 milljóna
króna gatnagerðargjöldum
meðtöldum.
Gunnar Einarsson, bæjar-
stjóri í Garðabæ, segir að lóðin
sé á fallegum stað við Ránar-
grund við Arnarnesvog og lengi
hafi verið horft til þessarar lóð-
ar. Góðar tengingar séu við úti-
vistarsvæði Sjálandshverfis og
Arnarneslækjar og við hjóla- og
göngustígahverfi milli sveitarfé-
laga. Gunnar segir að þarna rísi
vonandi glæsilegt veitingahús,
nokkurs konar Nauthóll, sem er
við Fossvoginn.
Gunnar segir að veitingastöð-
um hafi fjölgað í Garðabæ síð-
ustu misseri og ekki síst síð-
ustu vikur. Í sveitarfélaginu sé
einn stærsti veitingastaður
landsins í IKEA. Í miðbænum sé
verið að opna veitingahús á
Garðatorgi undir heitinu Mat-
stofa Garðabæjar og í gærmorg-
un hafi bæjarráð samþykkt fyrir
sitt leyti rekstrarleyfi fyrir
starfsemina. Staðurinn verði
rekinn af sömu aðilum og reka
Vegamót í miðbæ Reykjavíkur.
Þá hafi NP Kaffi nýlega tekið til
starfa, einnig á Garðatorgi.
Á Hliði á Álftanesi sé verið að
stækka veitingastaðinn og
fjölga herbergjum. Þá hafi Kaffi
Bessi nýlega verið opnað við
sundlaugina á Álftanesi.
Nýr staður við
Arnarnesvog
VEITINGASTÖÐUM FJÖLGAR
Sími 412 2500 - sala@murbudin.is - www.murbudin.is
Kletthálsi Reykjavík
Reykjanesbæ
Á MÚRBÚÐARVERÐI
INNIMÁLNING
Deka Projekt 10,
10 lítrar (stofn A)
6.990
Deka Projekt 05,
10 lítrar (stofn A)
6.195
Deka Projekt 02,
10 lítrar (stofn A)
5.390