Morgunblaðið - 10.09.2016, Page 36
36 UMRÆÐAN
MORGUNBLAÐIÐ LAUGARDAGUR 10. SEPTEMBER 2016
Tveir af helstu
stuðningsmönnum að-
ildar Íslands að ESB
hafa sagt skilið við
flokk sinn, þegar
skammt er í kosn-
ingar. Þeir hafa geng-
ið til liðs við Viðreisn.
Sá flokkur var stofn-
aður af fáum sjálf-
stæðismönnum, sem
vildu fá að ráða
stefnu síns gamla flokks gegn vilja
meirihlutans og ganga í ESB. Hinir
nýju liðsmenn Viðreisnar segja, að
liðhlaup þeirra hafi ekkert með að-
ild að ESB að gera.
Annar hinn nýi flokksmaður Við-
reisnar hefur setið á hliðarlínunni í
nokkur ár og beðið færis að koma
höggi á forystu Sjálfstæðisflokks-
ins. Þessi nýi Viðreisnarmaður
hafði með fádæma stjórnheimsku
glutrað niður æðstu embættum í
stærsta stjórnmálaflokki Íslands.
Nú var færi á að ná hefndum á
gömlum félögum fyrir eigin
glópsku. Þegar fréttamaður RÚV
spurði hann þann 7. þ.m. um
ástæðu liðhlaupsins, hafði hann
ekkert að segja, sem hægt var að
skilja sem rök eða réttlætingu lið-
hlaupsins. Það þurfti ekki. Rökin
voru augljós, og allar málalengingar
urðu aðeins til að kasta ljósi á hans
„hugsjónir“.
Hinn nýi flokksmaður Viðreisnar
talaði hins vegar mikið í fréttatíma
RÚV og í Kastljósi. Ef til vill talaði
hún of mikið. Ef til vill
var hún ekki spurð rétt.
Þegar upp var staðið, lá
fyrir að hún studdi
Sjálfstæðisflokkinn í
öllum hans baráttu-
málum: Stjórnarskrár-
málinu, heilbrigð-
ismálum,
sjávarútvegsmálum,
landbúnaðarmálum,
jöfnun atkvæðisréttar
o.fl. Hún talaði fallega
um formann flokksins,
og sagði hann hafa skorað á sig að
taka þátt í prófkjöri flokksins nú.
Af hverju hljóp hún þá til liðs við
Viðreisn í stað þess að beita sér fyr-
ir samvinnu Sjálfstæðisflokksins og
Viðreisnar í þessum málum? Ekki
spurði spyrill Kastljóss, enda vond
spurning fyrir svaranda. Ekki þarf
ég að spyrja. Svarið liggur í augum
uppi án málalenginga og fagurgala.
Ég finn óþef af þessu liðhlaupi
nú. Sjálfstæðisflokkurinn þarf á öll-
um sínum styrk að halda til að
berja góð mál í gegnum andstöðu
athyglissjúkra en misviturra þing-
manna stjórnarandstöðu. Þeir þing-
menn vilja ekki, að sjálfstæðismenn
komi góðum málum í gegn nú. Þeir
höfðu sjálfir ekki manndóm til að
ljúka þeim, þegar þeir höfðu að-
stöðu til.
Pólitískur óþefur
Eftir Axel
Kristjánsson
Axel Kristjánsson
»Ég finn óþef af þessu
liðhlaupi nú.
Höfundur er lögmaður.
Mercedes Benz E200 árgerð 1982.
Rafdrifin sóllúga, samlæsing, höfuð- og armpúðar í aftursæti. Lakk yfirfarið
árið 2013, bremsur og kveikjubúnaður yfirfarin nýlega, óslitin dekk. Tveir
eigendur frá uppphafi, kom til Íslands árið 2001, ekinn aðeins 195.000.
Verð 1.290.000 og staðgreiðsluafsláttur.
Til sýnis og sölu hjá Öskju notaðir bílar að Kletthálsi 2, www.notadir.is
GLÆSILEGUR E BENZ
– EINSTAKT EINTAK, GOTT VERÐ!
Ármúla 21 • 108 Reykjavík • Sími 533 4040
kjoreign@kjoreign.is • www.kjoreign.is
Dan V. S. Wiium | hdl., lögg. fasteignasali. | s. 896 4013
Höfum úrval sérbýliseigna á skrá. Einbýlishús,
raðhús og sérhæðir. m.a.:
TIL SÖLU Sérbýliseignir
Upplýsingar gefa sölumenn Kjöreignar
í síma 533-4040
Fossvogur,
Kvíslarnar,
Vesturbær,
Grafavogur,
Seltjarnarnes,
Mosfellsbær,
Kópavogur
Það fróðlega við að
taka þátt í forvali VG
nú á síðustu vikum
sumars er að fara um
hið víðfeðma Norð-
vesturkjördæmi og
hitta fólk. Allt frá
Hvalfjarðarbotni um
Akranes, Borgarfjörð,
Snæfellsnes og Dali ,
um Vestfirði til Ísa-
fjarðar, um Strandir,
Hólmavík í Árneshrepp, um Húna-
vatns- og Skagafjarðasýslur, norð-
ur í Fljót að austan.
Ég hef farið víða um þessi
svæði á undanförnum árum starfs
míns vegna og þekkti því vega-
lengdirnar af eign raun. Það er
stundum sagt að stjórnmál snúist
um að tala – og það kann að vera
satt upp að ákveðnu marki. En að
mínu viti er oft mikilvægara að
hlusta. Er mér það fullljóst að til
þess að geta talað máli íbúanna í
vegabótum, flugsamgöngum, póst-
flutningum heilbrigðismálum eða
skólamálum verður maður að fara
til fólksins, aka vegina þar til þeir
enda. Og það hef ég reynt að
gera.
Holóttir og harðið malarvegir
Í Norðvesturkjördæmi er fyrsta
umræðuefnið ávallt samgöngur,
eða vegirnir öllu heldur. Þetta á
einkum við um þá sem búa fjarri
meginsamgönguæðunum – s.s.
eins og þjóðvegi 1,
eða hringveginum,
sem liggur í gegnum
kjördæmið.
Norðvesturkjör-
dæmið er víða strjál-
býlt og langt á milli
byggða. Og oftar en
ekki eru það mjóir
holóttir malarvegir
sem tengja fólk fram
með fjörðum, kring-
um fjöll inn til dala og
yfir heiðar. Þessum
vegum hefur lítt eða
ekki verið haldið við síðustu ár –
enda hafa framlög til vegamála að-
eins verið um helmingur þess sem
var t.d. fyrir árið 2008. Það gerist
þrátt fyrir að tekjustofnar ríkisins
af eldsneyti, bílum og umferð sem
renna eiga til samgöngumála sam-
kvæmt lögum hafi margfaldast.
Þeir peningar fara annað.
Þeir litlu fjármunir sem hefur
verið varið í vegakerfið hafa runn-
ið til stórra umferðamannvirkja en
ekki til hinna dreifðu byggða.
Mikil fjölgun ferðamanna hefur
einnig margfaldað umferðina á
þessum vegum og aukið slitið á
þeim. Þannig hafa þeir látið veru-
lega á sjá á síðustu árum, holóttir,
harðir malarvegir og stórhættu-
legir í sívaxandi umferð.
Vegirnir eru lífæðar
byggðanna
En þessir héraðs- eða sveitaveg-
ir eru jafnframt lífæðar heilu
byggðarlaganna, börnum ekið dag-
lega í skóla og fólk sækir vinnu til
næstu þéttbýlisstaða.
Viðmælendur mínir höfðu marg-
ir á orði að þingmenn eða fram-
bjóðendur sæjust sumir aldrei en
aðrir sjaldséðir. Það væri þá helst
fyrir kosningar. Þá væru þeir
ósparir á loforðin: Bundið slitlag
hér og bætt heilsugæsla annars
staðar og aukið framlag til skóla
þar. Síðan að loknum kosningum
er loforðið fyrnt eða því er svarað
til „að ekki hafi fengist stuðningur
til þess að koma því í fram-
kvæmd“. Einn viðmælandi orðaði
þetta svo að kosningar hefðu ekki
orðið til þess að bæta við neinum
malarhlössum á veginn heim til
hans. Svo mörg voru þau orð.
Ekki ætla ég að dæma um það.
„Ég segi fyrir mig“
Þar sem ég hef hlustað á þessi
orð hefur mér stundum orðið
hugsað til afa míns og nafna,
Bjarna Jónassonar bónda á Asp-
arvík á Ströndum og síðar á
Bjarnarhöfn á Snæfellsnesi. Það
var viðkvæði afa í samtölum við
fólk: „ég segi aðeins fyrir mig“.
Og trúr þessu viðhorfi byggði
hann brú yfir Fossá í Asparvík-
urdal árið 1950 eða um tíu árum
áður en vegur var lagður. Þetta
gerði hann að eigin frumkvæði og
brúin var í notkun allt fram á
þessa öld. Afa mínum fannst betra
að segja ekki meir en hann gæti
staðið við.
Það þarf stórátak í vegamálum,
tekjustofnar og peningar eru fyrir
hendi. Vilji og skilningur er allt
sem þarf.
Ég treysti mér ekki til þess að
byggja brýr með malarskóflu og
sementi einu saman. Hins vegar
„segi ég aðeins fyrir mig“ að ég
treysti mér til þess að bera fram
óskir fólks úr hinum dreifðu
byggðum um bætt vegakerfi við
fjárveitingarvaldið „fyrir sunnan“
og fylgja þeim eftir.
Vegina í forgang
Eftir Bjarna
Jónsson » Það þarf stórátak í
vegamálum, tekju-
stofnar og peningar eru
fyrir hendi.
Bjarni Jónsson
Er fiskifræðingur, sveitarstjórn-
arfulltrúi og formaður Vg í Skaga-
firði. Býður sig fram til að leiða lista
Vg í Norðvesturkjördæmi.
Móttaka aðsendra greina
Morgunblaðið er vettvangur lifandi umræðu í landinu og birtir aðsendar grein-
ar alla útgáfudaga.
Þeir sem vilja senda Morgunblaðinu greinar eru vinsamlega beðnir að nota
innsendikerfi blaðsins. Kerfið er auðvelt í notkun og tryggir öryggi í sam-
skiptum milli starfsfólks Morgunblaðsins og höfunda. Morgunblaðið birtir
ekki greinar sem einnig eru sendar á aðra miðla.
Að senda grein
Kerfið er aðgengilegt undir Morgunblaðslógóinu efst í hægra horni forsíðu
mbl.is. Þegar smellt er á lógóið birtist felligluggi þar sem liðurinn „Senda inn
grein“ er valinn.
Í fyrsta skipti sem innsendikerfið er notað þarf notandinn að nýskrá sig inn
í kerfið. Ítarlegar leiðbeiningar fylgja hverju þrepi í skráningarferlinu. Eftir að
viðkomandi hefur skráð sig sem notanda í kerfið er nóg að slá inn kennitölu
notanda og lykilorð til að opna svæðið. Hægt er að senda greinar allan sólar-
hringinn.
Nánari upplýsingar veitir starfsfólk Morgunblaðsins alla virka daga í síma
569-1100 frá kl. 8-18.
Málefni eldri borg-
ara er nokkuð sem ég
tel nauðsynlegt að við
stjórnmálamenn tök-
um þétt utan um á
næstu árum. Eldri
borgarar eru mjög
margþættur hópur
fólks á 30 ára aldurs-
bili og þarfirnar eru
margvíslegar með til-
liti til heilsufars og
efnahags. Það er
ánægjulegt að sjá þau góðu lífsgæði
sem margir hinna eldri búa við í
dag; meira starfsþrek, lífsorku og
virkni til að taka fullan þátt í sam-
félaginu. En á sama tíma er það
einnig staðreynd að margir eldri
borgarar eru ekki svo heppnir og
búa við veikindi og skert lífsgæði.
Nú er í undirbúningi breytt bóta-
kerfi almannatrygginga í samræmi
við þá stefnu stjórnvalda að styðja
aldraða til sjálfsbjargar og hvetja
til atvinnuþátttöku. Stefnt er að því
að einfalda almannatryggingakerfið
og bæta samspil þess við lífeyr-
issjóðakerfið ásamt því að auka
stuðning við þann hóp aldraðra sem
hefur mjög lágar eða engar tekjur
sér til framfærslu aðrar en bætur
almannatrygginga.
Markmið nýja kerfisins er að
bregðast við þeim
áskorunum sem sam-
félagið stendur
frammi fyrir vegna
hækkandi hlutfalls
eldri borgara af mann-
fjölda og lengingar
meðalævinnar. Lagt er
til að auka sveigj-
anleika við starfslok
og upphaf lífeyristöku
og skapaður hvati fyr-
ir aldraða til áfram-
haldandi atvinnuþátt-
töku eftir vilja og getu
hvers og eins auk þess að lífeyr-
istökualdur verður hækkaður í
skrefum um þrjú ár yfir 24 ára
tímabil. Ég sé afar margt mjög já-
kvætt við þessar fyrirhuguðu breyt-
ingar.
Sterkur þrýstihópur
Samtakamáttur eldri borgara er
mikill og þeir verða stöðugt sterk-
Eftir Elínu Hirst
»Eldra fólk hefur
kannski ekki verk-
fallsrétt sem hópur, en
það hefur samtakamátt
og kosningarétt. Kraft-
ur þess í sinni baráttu er
aðdáunarverður.
Elín Hirst
Höfundur er þingmaður og gefur kost
á sér í 2.-3. sæti í prófkjöri Sjálfstæð-
isflokksins í Suðvesturkjördæmi 10.
september nk.
ari þrýstihópur sem er gott. Félag
eldri borgara í Reykjavík og ná-
grenni eru öflug samtök en auk
þess má nefna Gráa herinn, sem er
baráttuhópur innan Félags eldri
borgara í Reykjavík og nágrenni.
Verkefni hans er að leita nýrra
leiða til að vekja athygli á kjörum
eldra fólks og stuðla að hugarfars-
breytingu þegar kemur að mál-
efnum þeirra sem eldri eru. Grái
herinn leggur áherslu á þver-
pólitískt starf. Hann vill vinna með
öllum sem berjast fyrir sömu mál-
efnum, hvar í flokki sem þeir
standa.
Við eigum að sýna eldra fólki
virðingu og hlusta og læra af þeim
sem reynsluna hafa. Eldra fólk er
síður en svo baggi á þjóðfélaginu og
það er afar eftirsóknarvert að mín-
um dómi að börn og unglingar nú
sem alast upp í hverfulum heimi,
fái tækifæri til þess að umgangast
þá sem eldri eru og læra af þeim og
fá hjá þeim skjól. Eldra fólk hefur
kannski ekki verkfallsrétt sem hóp-
ur, en það hefur samtakamátt og
kosningarétt. Kraftur þeirra eldri í
sinni baráttu er aðdáunarverður.
Ég hlakka til að starfa áfram með
og fyrir eldri borgara þessa lands.
Lífsgæði eldri borgara