Morgunblaðið - 10.09.2016, Side 48
48 ÍSLENDINGAR
MORGUNBLAÐIÐ LAUGARDAGUR 10. SEPTEMBER 2016
Það á að halda afmælis-veislu í dag, við hjóninerum bæði fimmtug á
árinu en maðurinn átti afmæli í
janúar,“ segir Guðlaug
Sigurðardóttir, framkvæmda-
stjóri fjármála hjá Landsneti og
staðgengill forstjóra. „Við tök-
um þetta alla leið, leigjum sal og
bjóðum 150 manns, fjölskyldu,
vinum og samferðafólki.“
Guðlaug er búin að vera hjá
Landsneti í átta ár. „Verkefnum
fjármálasviðs hafði áður verið
útvistað og ég byrjaði á að
byggja upp sviðið. Seinni árin
hafa verkefnin að mestu snúist
að rekstarumhverfi fyrirtæk-
isins. Stærsta verkefnið núna er
endurfjármögnun fyrirtækisins.
Það er stundum gert grín að
því heima að ég sé alltaf að, ég
eigi svo mörg áhugamál. Það er
samt hjá mér eins og mörgum öðrum að fjölskyldan er númer eitt og
mér finnst gaman að hóa fólki saman og gera eitthvað skemmtilegt. Ég
hef gaman af söng og hef verið í kórum en ekki haft tíma í það undan-
farið. Við ferðumst mikið bæði erlendis og innanlands og bestu stund-
irnar eru þegar ég er komin út í íslenska náttúru í rólegheitunum. Ég
hef gaman af að veiða og njóta þess sem náttúran gefur og svo hef ég
gaman af öllu handverki.
Við hjónin fórum til Mallorca og Barcelona í sumar í sameiginlega af-
mælisferð með tengdaforeldrum mínum en þau verða bæði sjötug á
árinu. Í október fer ég til Orlando með frænku minni og einni af mínum
bestu vinkonum mínum til að halda upp á fimmtugsafmæli hennar.
Annars hef ég ferðast bara innanlands. Fjölskyldan er með lítinn reit
undir Eyjafjöllum, rétt hjá Seljalandsfossi, þaðan er pabbi ættaður.
Þetta er félagsskapur sem ég er formaður í, systkini pabba og afkom-
endur, og erum að rækta landið.“ Guðlaug er einnig mikill safnari. „Ég
hef gaman af því og safna frímerkjum. Það er gömul hefð og ég er að
dunda mér við það. Ég er alltaf að reyna að byrja að spila golf en það er
svolítið erfitt að finna tíma í það en við fjölskyldan byrjuðum að fara á
skíði fyrir tveim árum og það á að taka það fyrir í vetur og stefnt á að
fara til Austurríkis í febrúar.“
Eiginmaður Guðlaugar er Björgvin Jón Bjarnason ráðgjafi sem og á
og rekur svínabú og er formaður Svínaræktarfélagsins. Börn þeirra
eru Kristín Arna, 22 ára, Bjarni Berg, 18 ára, og Ragna Sara, 12 ára.
Í París Guðlaug, Björgvin og börnin.
Ræktar fjölskyld-
una og garðinn
Guðlaug Sigurðardóttir er fimmtug í dag
E
ggert fæddist í Reykja-
vík 10.9. 1941 og bjó í
foreldrahúsum við
Barónsstíg til tvítugs.
Hann var í Austurbæj-
arskóla, fór í sveit á sumrin, á
Suðureyri við Súgandafjörð og í
Húnavatnssýslu, en á unglingsárun-
um var hann sendill á sumrin,
byggingaverkamaður, vann í síldar-
bræðslu og var viðvaningur á varð-
skipi og lenti þá í þorskastríði við
Breta haustið 1958.
Eggert lauk stúdentsprófi 1961 og
fór til Árósa í stærðfræðinám sama
haust, ásamt vini sínum og skóla-
bróður, Guðmundi heitnum Magn-
ússyni, en síðustu þrjú árin í námi
bjó Eggert á stúdentagarði, var þar í
matarklúbbi og lærði að búa til mat:
„Kröfurnar voru einfaldar, góður
matur og ódýr.“
Að loknu cand. scient-prófi 1967,
kenndi Eggert og sinnti rann-
sóknum við Árósaháskóla til 1972,
en síðustu tvö árin við Kaliforníu-
háskóla í Los Angeles og við Edin-
borgarháskóla. Hann lauk Ph.D-
gráðu frá Árósaháskóla 1973.
Árið 1972 flutti Eggert til Íslands
ásamt eiginkonu sinni, Kirsten, og
börnum þeirra, en Kirsten lést 1993.
Við heimkomuna hóf Eggert störf
við HÍ og var skipaður prófessor í
stærðfræði 1976 en stærðfræðingar
við HÍ kenndu verkfræði- og nátt-
úruvísindanemum og fáeinum
stærðfræðinemum. Hann lét af
störfum fyrir aldurs sakir 2011.
„Ég kenndi stærðfræði í nær 40
ár við HÍ og hafði ánægju af. Von-
andi á það einnig við einhverja nem-
endur þótt ég viti að sumir kölluðu
mig „Ekkert Grín“.
Starf háskólakennara felst í
kennslu og rannsóknum en á sein-
ustu árum hefur tölvupóstur, forrit
eins og TEX og netið gjörbylt öllum
samskiptum og dreifingu niður-
staðna svo nú er eins og kollegi
manns, hvar sem er í heiminum, sé í
næsta herbergi.
Það eru forréttindi að stunda
rannsóknir. Því fylgir mikil gleði að
gera uppgötvun, finna eitthvað nýtt.
Þetta þekkja listamenn sem gera
hugmynd að veruleika og iðnaðar-
menn sem ljúka erfiðu verki.“
Eggert var m.a. deildarforseti
Raunvísindadeildar í tvö ár og sat þá
í háskólaráði og var formaður
stjórnar Raunvísindastofnunar
Háskólans í fjögur ár.
Árið 1996 kvæntist Eggert Ragn-
hildi Richter íslenskufræðingi.
„Við Ragnhildur eigum mörg
sameiginleg áhugamál, líkamsrækt,
tónlist, jóga, ferðalög um landið og
til Frakklands og Ítalíu. Á heimilinu
er verkaskipting sem ég get mælt
með. Ég sé um matinn og Ragnhild-
ur um þvottinn.
Ég er enn í tengslum við HÍ þar
sem ég hef aðstöðu til að grúska og
sinna stúdentum. Þá er ég í Menn-
ingarfélagi HÍ, þar sem stunduð er
leikfimi og blak þrisvar í viku, með
saunu og öli í lok föstudagstímans.
Eggert Briem, prófessor emeritus – 75 ára
Fjölskyldan Ragnhildur og Eggert með börnum, tengdabörnum og barnabörnunum á Tenerife er hann varð 70 ára.
„Ekkert grín“ nema í
Vínarbrauðsfélaginu
Gullbrúðkaup eiga í dag Ragnheiður Guðmundsdóttir og Jón Hjálmarsson, Ás-
felli 2, Hvalfjarðarsveit. Þau giftu sig í Innra-Hólmskirkju 10. september 1966 og
hafa síðan búið alla tíð að Ásfelli.
Árnað heilla
Gullbrúðkaup
Íslendingar Kjartan Gunnar Kjartansson,Pétur Atli Lárusson islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
Unnið í samvinnu við viðmælendur.
Margrét Jónína Guðmundsdóttir,
framhaldsskólakennari og grafík-
listakona í Hafnarfirði, varð áttræð 2.
september síðastliðinn. Margrét er
gift Gísla G. Engilbertssyni og þau
hjónin fagna afmæli Margrétar í faðmi
fjölskyldunnar á morgun, 11. sept-
ember.
80 ára
Frá
morgni
líkama
og sál
fyrir alla
fjölskylduna í
þínu
hverfi t i l kvölds
Sími: 411 5000 • www.itr.is
Fyrir
líkama
Laugarnar í Reykjavík