Dagblaðið Vísir - DV - 13.11.2015, Side 10

„Það á
ekki að
dæma
hana“
Þ
að á ekki að dæma hana,
það væri ljótt ef það væri
gert. Vegna þess að hún er
ekki sú seka, þetta eru að-
stæðurnar á spítalanum.
Það er spítalinn sem er sekur,“ segir
Ingveldur Sigurðardóttir, ekkja Guð-
mundar Más Bjarnasonar sem lést
á gjörgæsludeild Landspítalans á
Hringbraut þann 3. október 2012.
Hjúkrunarfræðingurinn Ásta Krist-
ín Andrésdóttir bíður nú dóms en
hún var ákærð fyrir manndráp af
gáleysi í starfi sem hafi leitt til þess
að Guðmundur lést. Ingveldur seg-
ir í samtali við DV að hún taki það
nærri sér hversu illa hafi verið far-
ið með Ástu í málinu enda hafi hún
aldrei kennt hjúkrunarfræðingn-
um um hvernig fór. Í samtali við
DV kveðst Ásta þakklát fyrir þann
stuðning sem hún hafi fundið fyrir
hjá Ingveldi.
Treysti sér ekki í dómsal
Aðalmeðferð í máli ríkissaksóknara
á hendur Ástu og Landspítalanum
fór fram í síðustu viku og lauk á
fimmtudag. Rúmum þremur árum
eftir að Guðmundur lést, rúmu
ári eftir að ljóst varð að Ásta yrði
ákærð fyrir manndráp af gáleysi
bíður hún nú dóms. Saksóknari fer
fram á fjögurra til sex mánaða skil-
orðsbundið fangelsi yfir Ástu, en að
Landspítalinn verði sektaður. Ásta
heldur fram sakleysi sínu í mál-
inu og ber því við að hún muni ekki
hvort henni hafi láðst að tæma loft
úr belg barkaraufarrennu þegar hún
tók Guðmund Má úr öndunarvél og
setti hann á svokallaðan talventil
þetta örlagaríka kvöld með þeim af-
leiðingum að hann kafnaði.
Aðspurð kveðst Ingveldur, sem
er 73 ára, hafa fylgst með málinu en
hún hafi ekki treyst sér til að vera
viðstödd aðalmeðferð málsins. „Úr
því að ég er ekki kölluð til sem vitni
þá hef ég sleppt því að vera þarna.
Ég bara gat þetta ekki. Ég hef reynt
að finna mér eitthvað annað að gera
til að dreifa huganum. Það er ekkert
grín þegar maður lendir í þessu.“
Langar að ræða við Ástu
Viðhorf og afstaða Ingveldar og
fjölskyldu Guðmundar hefur þótt
virðingarverð enda hefur allan tím-
ann komið skýrt fram af hálfu henn-
ar að þau bera engan kala til Ástu og
telja það afskaplega misráðið að höfð-
að hafi verið sakamál á hendur henni.
n Ingveldur vonar að Ásta Kristín Andrésdóttir verði sýknuð n Hefur aldrei kennt henni um að eiginmaður hennar lést
Sigurður Mikael Jónsson
mikael@dv.is „Mig langar
að sýna
henni að ég
sannarlega kenni
henni ekki um
þetta og hef aldrei
gert. Ég þarf að
ná sambandi við
þessa stúlku.
Helgarblað 13.–16. nóvember 201510 Fréttir