Fréttatíminn - 01.04.2016, Blaðsíða 4

www.husgagnahollin.is
558 1100
TAXFREE
LA-Z-BOY
Allir LA-Z-BOY stólar og sófar á taxfree tilboði*
* Taxfree tilboðið gildir bara á LA-Z-BOY og jafngildir 19,35% afslætti.
Að sjálfsögðu fær ríkissjóður viðisaukaskatt af söluverði. Afslátturinn
er alfarið á kostnað Húsgagnahallarinnar og gildir til 31. mars 2016
EMPIRE
Grátt eða brúnt slitsterkt áklæði. Stærð: 80 × 70 × 102 cm
72.573 kr. 89.990 kr.
LOKAHELGIN
Komdu og nýttu tækifærið
Margþættar ástæður eru að baki þess að kon-
ur flytja aftur til ofbeldis manns síns eftir dvöl
í Kvennaathvarfinu.
Mynd | NordicPhotos/GettyImages
Skattaundanskot Einar Sveinsson reyndi að nota breskt skattaskjól
Reyndu að koma
100 milljónum undan
Það er ekki hægt að halda
því fram að íslensk skatta­
yfirvöld hafi gengið fram af
hörku gagnvart því auðfólki
sem hefur reynt að nota af­
landsfélög til að lækka skatt­
greiðslur. Skýrasta dæmi
þess er líklega mál Einars
Sveinssonar, föðurbróður
fjármálaráðherra, og Birnu
Hrólfsdóttur, eiginkonu
hans.
Gunnar Smári Egilsson
gunnarsmari@frettatiminn.is
Þau hjónin seldu hlutabréf í Glitni
um páskana 2007 fyrir rúma 3
milljarða króna. Bréfin höfðu
hækkað mjög í verði árin á undan
og söluhagnaður hjónanna var
um 2 milljarðar króna. Undir
eðlilegum kringumstæðum hefðu
þau þurft að borga um 200 millj-
ónir króna í fjármagnstekjuskatt
en fjármagnstekjuskattur var á
þessum tíma aðeins 10 prósent
þótt tekjuskattur launatekna hafi
verið nálægt 40 prósentum.
Í stað þess að greiða þennan
hlutfallslega litla skatt keyptu þau
Einar og Birna hlutabréf í bresku
félagi, Melrose Place, fyrir um
einn milljarð króna skömmu fyrir
ráðgerða arðútgreiðslu þess félags.
Melrose PLC hafði kynnt áætlun
um myndarlega útgreiðslu arðs til
hluthafa vegna uppsafnaðs sölu-
hagnaðar innan félagsins og skipti
á hlutabréfum. Hluthöfum stóð
til boða að fá hámarks arð ef þeir
sættust á að fá áhrifalítil og nánast
verðlaus hlutabréf í skiptum fyrir
upprunalegu bréfin.
Seldu bréfin á 10 pund
Þann kost tóku hjónin Einar
og Birna. Þau keyptu hlutabréf
fyrir um milljarð króna og fengu
skömmu síðar útgreiddan arð fyrir
næstum sömu upphæð, auk verð-
lítilla hlutabréfa sem þau seldu
fyrir 10 sterlingspund daginn
eftir. Í félagi þeirra myndaðist við
það milljarðs króna tap sem þau
drógu frá tveggja milljarða króna
hagnaði. Þau borguðu því aðeins
10 prósent fjármagnstekjuskatt af
einum milljarði en ekki tveimur.
Ef Melrose Place hefði verið
skráð á Íslandi hefðu þau hjónin
þurft að greiða fjármagnstekju-
skatt af arðinum út úr félaginu, en
samkvæmt breskum skattalögum
þurftu þau engan skatt að greiða.
Með þessari leikfléttu lækkuðu
Einar og Birna skattgreiðslur sínar
því um um það bil 100 milljónir
króna. Þau borguðu 100 milljónir
króna í stað 200 milljóna.
Íslenski skatturinn sætti sig ekki
við þetta, mat kaupin á hlutabréf-
unum í Melrose PLC sem sýndar-
gjörning til að komast hjá skatt-
greiðslum og lagði 100 milljóna
króna skatt á arðgreiðslurnar með
25 prósent álagi vegna rangra
skattaskila. Þau hjónin sættu sig
ekki við þetta og höfðuðu mál
gegn skattinum en töpuðu því
bæði í héraði og fyrir hæstarétti.
Sektir margfalt hærri en álagið
Ef íslensk stjórnvöld vildu beita sér
af hörku gegn skattaundanskotum
og skattahliðrun efnafólks hefði
verið kjörið að láta á það reyna
hvort í þessu máli hafi ekki verið
svo einbeittur brotavilji að höfða
hefði mátt refsimál. Sum Hrun-
málanna svokölluðu eru alla vega
höfðuð á veikari grunni.
Hámarssekt vegna skattaundan-
skota er tífaldur sá hagnaður
sem brotaþoli hafði af svikunum.
Það er gæfi hærri upphæð af 100
milljón króna ávinningi þeirra
Einars og Birnu af kaupunum í
Melrose Place en þau 25 prósent
sem þau þurftu að borga í álag.
Annars vegar erum við að tala um
25 milljónir króna og hins vegar
1000 milljónir króna.
Þótt 1000 milljónir króna hljómi
sem gríðarlega há upphæð er hún
samt ekki svo ýkja mikið hærri en
sú upphæð sem þau hjónin hefðu
greitt til ríkissjóðs ef fjármagns-
tekjur væru skattlagðar á sama
hátt og launatekjur.
Einars Sveinsson keypti hlut í
bresku félagi stuttu fyrir mikla út-
greiðslu arðs til að komast undan
fjármagnstekjuskatti á Íslandi.
Heimilisofbeldi 4% kvenna flytja úr landi eftir dvöl í kvennaatkvarfinu
21% kvenna fer aftur til ofbeldismanns
Í nýrri ársskýrslu Kvenna athvarfs­
ins kemur fram að af þeim 126
konum sem þar dvöldu á síðasta
ári fer stór hluti kvennanna aftur
heim til ofbeldismanns síns, 21%.
Sigþrúður Guðmundsdóttir, fram-
kvæmdastýra Kvennaathvarfsins, segir
ástæður þess að konur flytji aftur til of-
beldismanns síns vera margþættar. „Þar
skiptir nándin á milli aðila máli en oft lof-
ar ofbeldismaðurinn öllu fögru og það er
freistandi að trúa því, ekki síst þegar þau
eiga saman börn, eignir og heimili. Það er
erfitt að fara út á leigumarkaðinn og um
leið ganga í gegnum langt skilnaðarferli.
Þetta er blanda af tilfinningalegum og
hagkvæmum ástæðum.“
Í skýrslunni kemur einnig fram að 16%
kvennanna fara aftur á sitt gamla heimili
þaðan sem ofbeldismaðurinn er farinn og
að 10% þeirra fara aftur heim þaðan sem
ofbeldismaðurinn hafði verið farinn áður
en konan flúði í athvarfið. Sigþrúður segir
ánægjulegt að sjá að hlutfall kvenna sem
geti snúið aftur heim, þaðan sem ofbeldis-
maðurinn er farinn, hafi hækkað í 16%.
„Þetta þýðir að konur geta farið heim þeg-
ar búið er að beita „austurrísku leiðinni“
sem er nálgunarbann, eða þá að tekist
hafa samningar við ofbeldismanninn.“
Hún segir einnig merkilegt að sjá að
10% kvennanna sem leita í Kvennaat-
hvarfið voru að flýja heimili þar sem
ofbeldismaðurinn á ekki heima. „Þetta
eru oftast konur sem höfðu slitið ofbeldis-
sambandi en ekki fengið frið á nýjum stað
og svarar spurningunni sem við fáum
svo oft: „Af hverju fara þær ekki bara?“
Svarið við því er að þær fara yfirleitt á
endanum, og skilnaðartíðni er há í of-
beldissamböndum, en það þýðir alls ekki
að ofbeldinu linni.“
Einnig kom fram að 19% flytja til ætt-
ingja og vina, 10% fara í nýtt húsnæði,
11% er ekki vitað hvert þær fara, 4%
flytja úr landi og önnur 4% fara á sjúkra-
stofnun. | hh
Gamla herstöðin á Miðnesheiði Tæpir þrír milljarðar í endurbætur
„Peningunum er vel varið“
Á dögunum greindi The
Christian Science Monitor
frá því að varnarmálaráðu­
neyti Bandaríkjanna hefði
tekið þá ákvörðun að verja
2,7 milljörðum íslenskra
króna til endurbóta á að­
stöðu hersins á Keflavíkur­
flugvelli. Sá fyrirvari er á
málinu að fjárlögin verða
samþykkt í haust.
Þóra Tómasdóttir
thora@frettatiminn.is
Fréttatíminn leitaði til utanríkis-
ráðuneytisins um hvort ljóst sé að
framkvæmdir á vegum varnar-
málaráðuneytisins séu bundnar
við árið 2017. Urður Gunnarsdóttir,
upplýsingafulltrúi ráðuneytisins,
sagði: „Verði af framkvæmdunum
er gert ráð fyrir að þær hefjist síðla
árs 2016 og nái til ársins 2018. Ekki
eru aðrar framkvæmdir fyrirhug-
aðar.“
Fram hefur komið að Banda-
ríkjamenn vilji gera breytingar
á flugskýli til þess að hægt verði
að koma fyrir P-8 kafbátaleitar-
vélum sem eigi að vera staðsettar
á vellinum. Þær eru stærri en P-3
Orion vélarnar sem herinn hafði
þar áður og þess vegna á að breyta
dyrum skýlisins.
Aðspurð um hvort Íslendingar
séu með í ráðum við mat á þörf-
inni fyrir aukin umsvif hersins á
Íslandi segir hún svo vera. „Við-
haldsþörfin hefur ítrekað verið
rædd og athuganir hafa verið gerð-
ar í samstarfi við íslensk stjórn-
völd.“
Samtök hernaðarandstæðinga
eru ekki par ánægð. „Mér finnst
tæplega þrír milljarðar vera mikill
peningur fyrir viðgerð á flugskýli,“
segir Stefán Pálsson, ritari sam-
takanna.
Í The Christian Monitor er rætt
við fyrrverandi yfirmann í banda-
ríska flotanum sem segir að Banda-
ríkjamenn hefðu aldrei átt að yfir-
gefa herstöðina á Miðnesheiði.
„Það er augljóst að utanríkis-
ráðherra, Gunnar Bragi Sveinsson,
vill smygla hernum til Íslands en
hann vill ekki taka umræðuna um
það. Hann veit það er ekki pólitísk
eftirspurn eftir aukinni viðveru
Bandaríkjahers á Íslandi,“ segir
Stefán Pálsson.
Gunnar Bragi Sveinsson.
4 | FRÉTTATÍMINN | HELGIN 1. APRÍL–3. APRÍL 2016