Fréttatíminn - 01.04.2016, Page 30

þau einkenni. Það var orðið mjög
erfitt að vera heima, alltaf rifrildi.
Þannig að ég hélt mig aðallega hjá
vinkonu minni þar sem ég borð-
aði og gisti. Vinkona mín var mjög
hjálpleg og hefur góða innsýn inn í
þunglyndi og skildi vel hvað ég var
að ganga í gegnum.“
Á BUGL í fjóra mánuði
„Þegar ég var 16 að verða 17 ára
lenti ég í slagsmálum við mann-
inn hennar mömmu og í fram-
haldi af því þá komst ég loksins
inn á BUGL. En við slógumst og ég
meiddist á hnefanum og var færður
upp á slysó. Þá fékk ég að tala við
geðlækni og daginn eftir var ég
kominn inn á BUGL. Ég var lagður
inn í fjóra mánuði og það hjálpaði
mér mikið, sérstaklega þarna í
fyrsta sinn en ég var svo viðloðandi
deildina til 18 ára aldurs. Ég var
skilgreindur með alvarlegt þung-
lyndi og kvíða og fékk kvíðatöflur
og lyfið Fluoxedin mylan við því.
Lyfið hafði þær aukaverkanir að
ég fékk ofsjónir og ofheyrnir. En
ég komst í rútínu og fékk sálfræð-
ing og ráðgjöf og mér leið allavega
mikið skár.“
Eftirfylgni hjá BUGL
„Ég var í eftirfylgni hjá BUGL fram
til 18 ára aldurs og hitti ráðgjafa
þar reglulega sem tóku stöðuna á
mér. Þau hjá BUGL kipptu mér inn
nokkrum sinnum af því að ég var
með stöðugar sjálfsmorðshugsanir
og reyndar gleypti ég fullt af töflum
og labbaði af stað eitthvað út í móa,
en það gerðist ekkert nema að ég
varð dálítið valtur á löppunum.“
Mamma setti mig út
„Mamma mætti á fundi á BUGL og
sagðist ekki vilja fá mig heim aftur.
Ég flutti til ömmu þegar ég út-
skrifaðist þannig að barnaverndar-
nefnd kom aldrei að málinu. Þá var
ég nýorðinn sautján ára. Ég held
að ég hafi átt afmæli inn á BUGL,
annars man ég það ekki. Ég er með
mjög slæmt tímaskyn. Ég man ekki
alveg hvað ég bjó lengi hjá ömmu
minni áður en hún missti íbúðina í
Hamraborg en ég held að það hafi
verið tveir eða þrír mánuðir. Amma
hafði ekki efni á íbúðinni sinni og
flutti inn til dóttur sinnar og fjöl-
skyldu hennar. Þá fór ég á götuna.“
Flutti inn til verkstjórans
„Eftir að ég flutti frá ömmu hef ég
ekki átt fastan samastað. Það komst
óregla á allt, ég hætti að taka lyfin
en þau fóru með dótinu hennar
ömmu. Ég vann þá hjá Bortækni og
fékk að búa hjá vini bróður eigand-
ans. Það gekk alveg vel til að byrja
með. Ég átti peninga og pantaði
mér tíma hjá sálfræðingi sem ég
hitti nokkrum sinnum. En svo fékk
ég botnlangakast, varð mjög veikur
og kvíðinn og missti svefn, en ég á
það til að vaka allt upp í þrjá daga
án þess að sofa ef ég er ekki með
nein lyf og allt fer í rugl. Á end-
anum læddist ég út af því að mér
var farið að finnast mjög þrúgandi
að búa hjá þeim og mæta ekki í
vinnuna á morgnana. Mér leið ekki
vel og fannst ég vera að misnota að-
stöðu mína.“
Labbaði alla nóttina um Kópavog
„Ég vissi ekkert hvert ég átti að
fara, ég labbaði alla nóttina og beið
eftir því að einhver myndi vakna
sem ég gæti hangið með. Vinir
mínir búa flestir í Kópavoginum og
ég beið eftir því að komast inn eða
fá þá út á rúntinn. Við erum flestir
alltaf blankir og stundum gengur
allt út á það að ná í bensínpeninga
til þess að keyra á milli Hafnar-
fjarðar og Reykjavíkur og hlusta á
músík. En ég er sjálfur ekki ennþá
búinn að fá mér bílpróf.“
Ég komst ekki lengur á lappir
Næst flutti Egill inn á Ottó, vin
sinn í Engihjalla, og mömmu hans,
sem er öryrki. Egill bjó hjá þeim
í nokkra mánuði eða þangað til
honum var skilað aftur út á götuna.
„Mamma hans Ottós sagði að hún
væri hrædd um að hún gæti aldrei
náð mér á lappir aftur. Ég var
búinn að reyna fá mér vinnu, var
búinn að vinna í tvær vikur. En
ég komst ekki á lappir því ég var í
svo mikilli niðursveiflu. Hafði mig
ekki í það að fara á fætur, engin lyf,
engin sálfræðingur, ekki neitt. Ég
er bara inni, sef og borða nánast
ekkert. Ég hef lést um 20 kíló á
tveimur árum. Af því að ég hef ekki
átt peninga og borðað óreglulega.“
Allt er þegar þrennt er
Þegar Egill flutti frá Ottó, vini
sínum, var hann veikur með flensu
og mjög máttfarinn. Þetta var í des-
ember og hann þvældist nokkrar
nætur peningalaus og allslaus um
Kópavoginn og læddi sér inn til
vina sinna þegar líf vaknaði í kunn-
uglegum gluggum. Þannig liðu
nokkrir dagar þangað til vinir hans
voru ráðþrota með hann fárveikan
á rúntinum í aftursætinu og fóru að
lokum með Egil upp í Kríuhóla til
Rósu, mömmu vinar hans.
Rósa er öryrki og býr með tvo
drengi á tvítugsaldri í Kríuhólum.
Annar þeirra er Markús, besti vinur
Egils. Rósa bjó um Egil í kompuher-
berginu í íbúðinni þeirra sem hún
er reyndar búin að setja á sölu af
því hún hefur ekki efni á því að búa
í Reykjavík og ætlar að flytja út á
land þar sem leigan er viðráðanleg.
Egill lagðist fyrir í úlpunni sinni í
nokkra daga þangað til sóttin rjátl-
aðist af honum og Rósa gat tekið
hann tali. Hún benti honum á Féló
og hjálpaði honum að panta viðtal
sem hann fékk í upphafi árs „Ég
er alltaf að reyna að segja honum
Agli að fyrst verði hann að koma
heilsunni í lag áður en hann fer að
vinna, en ekki öfugt.“ Egill fékk
130 þúsund króna í styrk hjá Féló í
febrúar og bíður eftir því að fá svar
hvort að hann komist að hjá VIRK í
endurhæfingu.
Samtalsmeðferð
Egill vill komast í samtalsmeðferð
sem hann telur vera lykilatriði fyrir
bata sinn. Hann fór til heimilis-
læknisins síns til þess að fá vottorð
upp á tíma hjá sálfræðingi. Læknir-
inn ráðlagði Agli að fara aftur á
gömlu lyfin og sjá svo til. Á Íslandi
er samtalsmeðferð hjá sálfræðingi,
geðlækni eða öðrum fagaðila ekki
niðurgreidd eins og í nágranna-
ríkum okkar. Í mörgum ríkjum
Bandaríkjanna er samtalsmeð-
ferð jafnvel hluti af almannatrygg-
ingakerfinu og jafn aðgengileg og
heimilislæknar eða jafnvel betur.
Hér á landi kostar tími hjá sálfræð-
ingi 8-15 þúsund krónur. Egill segist
þurfa allavega tvo tíma á viku til
þess að ná árangri, sem eru 32-60
þúsund krónur á mánuði. Mánaðar-
skammtur af lyfjum kostar 8000
krónur og viðtal við heimilislækni
kostar 3000 þúsund krónur. Þá
á Egill eftir að borga húsnæði og
uppihald.
Draumar Egils
„Þegar maður er þunglyndur þá
dettur manni ekkert í hug sem er
gott í lífinu. En mig langar í eigið
húsnæði eða stað þar sem ég get
búið og mig langar að læra bifvéla-
virkjun og vinna við það,“ segir
Egill í nýjum notuðum skóm sem
hann fékk gefins frá stóra bróður
Markúsar.
Egill fékk afnot af kompu heima hjá mömmu vinar
síns í Kríuhólum þangað til að hann ræður bót á hús-
næðismálum sínum.
Ég man ekki alveg
hvað ég bjó lengi hjá
ömmu minni áður en
hún missti íbúðina
í Hamraborg en ég
held að það hafi verið
tveir eða þrír mánuðir.
Amma hafði ekki efni á
íbúðinni sinni og flutti
inn til dóttur sinnar og
fjölskyldu hennar. Þá
fór ég á götuna.“
30 | FRÉTTATÍMINN | HELGIN 1. APRÍL–3. APRÍL 2016
byko.is
hvernig grilltýpa ERt þú?
Við gefum einum heppnum facebookvini okkar
eitt grill af þessum þremur. drögum út 4.apríl
Í LETTLANDI
RIGA
Riga er meira en 800 ára gömul borg
eða frá árinu 1201. Þar blandast saman
miðaldarmiðbær og nútímaborg. Gamli
borgarhlutinn með sinn sjarma og
hefðbundin nútimaborg í hraðri þróun.
Hvort sem það er menningin – söfn eða
fallegar byggingar, listviðburðir og
verslanir með allt það nýjasta á góðu
verði – þá finnur þú það í Riga. Í Riga
má finna eitt mesta samansafn af Art
Nouveau eða Jugend byggingarlist.
Þá er næturlíf Riga orðið þekkt fyrir
að vera fjörugt og dregur til sín fjölda
fólks víða að.
VERÐ FRÁ
94.800.-
WWW.TRANSATLANTIC.IS SÍMI: 588 8900
lÍs en ku
ALPARNIR
s
SWALLOW 250
Kuldaþol: -8
þyngd: 1,7 kg.
11.995 kr. 9.596 kr.
MONTANA, 3000mm vatnsheld
2. manna 16.995 kr. 12.796 kr.
3. manna 19.995 kr. 15.996 kr.
4. manna 26.995 kr. 21.596 kr.
30%
SNJÓBRETTAPAKKAR
Góðar
fermingargjafir
FAXAFENI 8, SÍMI 534 2727
alparnir.is
Tollalækkun Salomon skór á enn betra verði en áður!
Verð
áður 49.995 kr.
nú 39.995 kr.
Salomon Quest
Origin GTX
Stærðir 36-48
ÖFLUGRI EN HEFÐBUNDNAR OME
GA-3 OLÍUR
TM
Bioglan Calamari Healthy May V4.indd 1 23/05/2014 16:23
Rannsóknir sýna að Omega-3 olía:
• Stuðlar að heilbrigðari heilastarfsemi
• Bætir minni og einbeitingu
• Vinnur gegn elliglöpum
• Er nauðsynleg fyrir eðlilegan þroska
og starfsemi líkamans
Útsölustaðir: Fæst í öllum helstu apótekum,
Heilsuhúsinu, Fjarðarkaupum, Heimkaup.is
og Heilsutorgi Blómavals
www.balsam.is
Calamari Gold inniheldur einstaklega
mikið af Omega-3 (DHA):
• 5 x meira af omega-3 (DHA) en þorskalýsi
• 3 x meira af omega-3 (DHA) en fiskiolía