Fréttatíminn - 13.05.2016, Blaðsíða 32
Austurstræti 16 Sími 551 0011 apotek.isAPOTEK KITCHEN+BAR
SUNNUDAGS
LAMBALÆRI
SUNNUDAGSSTEIKIN
SVÍKUR EKKI!
HÆGELDAÐ LAMBALÆRI
MEÐ RÓSMARÍN OG HVÍTLAUK
Sykurbrúnaðar kartöflur
„Crispy“ kartöfluteningar
með rósmarín og hvítlauk
Heimalagað rauðkál
Pönnusteiktir blandaðir sveppir
Ofnbakaðar gulrætur
Grænar baunir með myntu
Maís
Bjór- hollandaisesósa
Sveppasósa
2.900 kr. á mann
Aðeins framreitt fyrir allt borðið.
með öllu tilheyrandi
ALLA SUNNUDAGA
FRÁ 12–14.30
Í heimaborg Marinu
Lazareva, Krasnodar við
Svartahaf, mætast matar-
hefðir Rússlands, Suður-
Evrópu og Mið-Austurlanda.
Marina er matráður hjá
Styrktarfélaginu Ási þar
sem hún eldar allan mat frá
grunni eftir uppskriftum
formæðra sinna og hefur
orðspor hennar sem galdra-
konu í eldhúsinu farið víða.
Halla Harðardóttir
halla@frettatiminn.is
„Ég ólst upp í stórborginni Krasn-
odar sem er hafnarborg við Svarta-
hafið. Þegar ég var ung dreymdi mig
um að komast eitthvað langt í burtu
með einu þessara stóru skipa sem
sigla um hafið og þar sem ég hafði
líka gaman af því að elda langaði
mig til að verða kokkur á skipi.“
„En svo höguðu örlögin því
þannig að ég giftist ung og flutti til
Þýskalands með manninum mín-
um. Og svo fluttum við hingað,“ seg-
ir Marina Lazareva brosandi. Mar-
ina flutti til Íslands frá rússnesku
borginni Sotchi árið 1999 þegar eig-
inmaður hennar, sem er atvinnu-
maður í handbolta, fékk samning
á Íslandi. Marina vinnur sem mat-
ráður hjá styrktarfélaginu Ási, sem
er vinnustaður fyrir fólk með skerta
vinnugetu, en áður hafði hún unnið
sem matráður í þremur leikskólum.
Eldar allan mat frá grunni
„Að elda í leikskóla hentaði mér
ekki vel því það er svo mikil rútína.
Manni eru settar svo fastar skorð-
ur því það þarf að fylgja ákveðnum
matseðli, maður hefur því engin
tækifæri til að vera mjög skapandi
í vinnunni. Það sem mér líkar svo
vel hér á Ási er að ég ræð öllu sjálf.
Ég þarf auðvitað að vinna eftir
ákveðinni upphæð, sem er töluvert
lægri en í leikskólum, en innan þess
ramma sem ég hef get ég búið til
matseðilinn sjálf og get verið skap-
andi, segir Marina sem eldar fyrir
um 40 manns í hverju hádegi auk
þess að halda utan um öll matarinn-
kaup. Hún er víst algjör galdrakona
þegar kemur að því að töfra fram
dýrindismat innan þess ramma sem
henni er settur og það þarf ekki að
eyða löngum tíma á vinnustofunni
til að sjá að hún er dáð og dýrkuð
af öllum, hún eldar víst besta mat í
heimi. Hver er galdurinn? „Að elda
matinn frá grunni,“ svarar Marina
án þess að hugsa sig um.
Hrár hvítlaukur, súrkál og kefír
„Þaðan sem ég kem eru allir með
sinn eigin grænmetisgarð, líka þeir
sem búa í stórborgum. Þeir sem
eiga ekki garð leigja garð rétt fyr-
ir utan borgina. Amma mín var
með stóran garð og vann við að
rækta og selja grænmeti. Mamma
erfði svo garðinn hennar og rækt-
ar enn allt sitt grænmeti sjálf. Þetta
er eitthvað sem ég ólst upp við og
heimili mitt hér á Íslandi er fullt af
grænmeti og jurtum í pottum því
ég á ekki garð. Ég byrjaði ung að
elda súpur úr grænmeti og komst
snemma að því hvað það er gam-
an að gleðja fólk með góðum mat,“
segir Marina en í heimaborg hennar
við Svartahafið mætast matarhefðir
Rússlands, Suður-Evrópu og Mið-
-Austurlanda. Maturinn byggist að
mestu leyti upp á grænmeti, baun-
um og ferskum kryddjurtum á borð
við kóríander, steinselju, hvítlauk,
kúmín og dilli. Þar eru líka sýrðar
mjólkurvörur og sýrt grænmeti ein
helsta uppistaðan í matnum sem,
að sögn Marinu, hefur haldið fólk-
inu hraustu í gegnum kreppur og
erfiða tíma. Í Kákasusfjöllunum er
mikið um geita- og lambakjöt en við
hafið er meira um kjúkinga-, gæsa-
og kanínukjöt. „Þetta er bragðmik-
ill matur og heilsusamlegur. Rússar
eru alltaf með ferskan hvítlauk á
matarborðinu og borða hann hráan
með mat. Súrsaður matur og kefír-
sveppurinn eru algjör undrameðul.
Kefírinn heldur þörmunum góðum
sem er nauðsynlegt fyrir geðheils-
una því það er bein tenging á milli
þarmanna og hugans. Í Rússlandi er
kefír notaður við öllum kvillum og
þú getur alltaf nálgast sveppinn hjá
nágranna þínum.“
Góður matur gleður
„Hér eru litlir peningar til að spila
með en ég leysi það með því að hafa
ódýrar en kraftmiklar súpur suma
daga en dýrari rétti aðra daga. Til
að spara baka ég líka allt brauðið
sjálf og geri mikið af grænmetis- og
baunaréttum. Það eru ýmsar leið-
ir til að spara og vera með hollan
mat á sama tíma,“ segir Marina sem
eldaði bara íslenskan mat í upphafi
en fór svo smám saman að prófa sig
áfram með rússnesku áhrifin. „Ég
fór að gefa fólki að smakka hitt og
þetta og það voru allir mjög ánægð-
ir með nýjungarnar. Það gleður fólk
svo mikið að fá góðan mat og líka að
láta koma sér á óvart,“ segir Marina
brosandi. „Og þá finnst öllum gam-
an að koma í vinnuna.“
Hvítlaukur, súrkál og
kefír eru allra meina bót
Frá Svartahafi
til Reykjavíkur
„Rússar eru alltaf með
ferskan hvítlauk á
matarborðinu og borða
hann hráan með mat og
kefírsveppurinn er algjört
undrameðal. Hann heldur
þörmunum góðum sem er
nauðsynlegt fyrir geðheils-
una því það er bein tenging
á milli þarmanna og
hugans. Í Rússlandi er kefír
notaður við öllum kvillum
og þú getur alltaf nálgast
sveppinn hjá nágranna
þínum.“
32 | FRÉTTATÍMINN | FÖSTUDAGUR 13. MAÍ 2016