Fréttatíminn - 13.05.2016, Blaðsíða 42

Við suðurvegg verk-fræðistofunnar Verkís, þar sem sólin varpar geislum sínum liðlangan daginn hefur gæs komið sér upp hreiðri og verpt
eggjum. Hreiðrið er staðsett í beði
við starfsmannainngang Verkís og
er mikill umgangur þaðan og út á
bílastæðið. Varp gæsarinnar gekk
ekki áfallalaust fyrir sig en það stóð
yfir í fimm daga og verpti hún alls
fimm eggjum. Á því tímabili hélt
gæsin verndarhendi yfir hreiðri sínu
og gerðist óvenju árásargjörn þegar
henni stóð ógn af vegfarendum.
Þegar Már Hallgrímsson, starfs-
maður Verkís var á heimleið í lok
dags og átti leið hjá gæsinni, réðst
hún til atlögu. „Ég var á leiðinni út
í bíl og sá nokkrar gæsir þarna út-
undan mér. Ég sýndi þeim enga sér-
staka athygli né reyndi að nálgast
þær,“ segir Már sem bjóst ekki við
árásinni. „Ein þeirra ræðst síðan að
mér svo að ég hrökklast afturábak.
Mér brá svo að ég datt á rassinn og
setti vinstri hendina undir mig eins
og maður gerir ósjálfrátt. Ég stóð
rakleiðis upp aftur og kom mér út í
bíl, þótti það nú ekki mikið tjón að
detta aðeins á rassinn. Daginn eft-
ir varð ég hins vegar svo bólginn á
hendinni að ég kíkti á slysó og það
kom í ljós að ég var lítilsháttar brot-
inn.“
Már og gæsin hafa grafið stríðs-
öxina og lifa góðu samlífi hjá Verkís,
hún er orðin hluti af vinnustaðnum.
„Ég heiti Már og er því einnig fugl,
maður getur ekki verið fúll út í sína.
Hún er dauðspök núna eftir að hún
lagðist á eggin og hefur varla hreyft
sig. Við erum góðir vinir og ég losna
úr gifsinu á sama tíma og ungarnir
koma.“
Már er ekki sá eini sem lenti í
gæsinni en annar starfsmaður Ver-
kís, fuglafræðingurinn Arnór Sig-
fússon, varð einnig fyrir árás og
náði atvikinu á myndband. „Borg-
argæsir eða Tjarnargæsir eins og
þær kallast eru sérstaklega gæfar
og óhræddar við að verpa í borg-
um. Ég fylgist með fuglalífinu hér í
kring og hafði séð hana á vappi um
bílastæðið og á grasblettinum fyr-
ir utan,“ segir Arnór sem ákvað að
heilsa upp á gæsina þegar hún byrj-
aði að verpa í beðið.
„Gæsir eru vanar að verja eggin
sín en sjaldan ráðast þær að stór-
um mönnum. Ég gekk til henn-
ar og vildi mynda hana eins og ég
geri með aðra fugla hér í kring. Þær
hvæsa stundum, elta menn og gera
sig líklegar til þess að vernda hreiðr-
ið sitt. Þessi flaug hins vegar á mig
og sló símann úr höndunum á mér
eins og sést í myndbandinu.“
Frá því gæsin lauk varpinu hefur
hún verið sú rólegasta samkvæmt
Arnóri. Ungarnir eru væntanlegir í
lok mánaðar og hefur umferðarkeil-
um verið raðað í kringum hreiðr-
ið til þess að girða svæðið af. „Hún
þarf sinn frið til að liggja á eggjun-
um í 28 daga.“ Aðspurður hvort
það megi búast við slíku varnareðli
móðurinnar þegar ungarnir klekj-
ast, segir Arnór erfitt að spá fyrir
um það. „Hún mun líklegast hvæsa
og gera allt til þess að vernda þá.
Líklegast þykir mér þó að hún forði
sér og komi ungunum sínum ann-
að.“
 Sjá myndband á
frettatiminn.is
Mynd | Hari
Árásargjörn gæs
handleggsbraut mann
Gæs réðst á tvo starfsmenn Verkís á meðan hún kom sér upp hreiðri
við starfsmannainngang fyrirtækisins. Annar handleggsbrotnaði og
hinn missti símann sinn á meðan á upptöku stóð svo atvikið náðist á
myndband. Svæðið hefur verið girt af til þess að veita gæsinni frið.
Svanhildur Gréta Kristjánsdóttir
svanhildur@frettatiminn.is
Starfsmenn Verkís hafa girt hreiðrið af með umferðarkeilum til að veita gæsinni frið. Ungarnir eru væntanlegir í lok mánaðar.
Myndir | Arnór Sigfússon Móðureðlið er sterkt hjá gæsinni en hún réðst á tvo starfsmenn Verkís á meðan hún kom upp hreiðri.
Halldóra Kristjánsdóttir
Larsen fór að sauma sín
eigin taubindi, fjölnota
dömubindi, þegar hún hafði
ekki efni á að kaupa þau. Í
dag framleiðir hún og selur
taubindi til íslenskra kvenna
og heldur námskeið í tau-
bindasaum.
„Ég fór að kynna mér taubinda-
saum þegar ég hætti að hafa efni
á að kaupa þau frá öðrum. Sem
einstæð móðir með lítið á milli
handanna snéri ég mér að sauma-
skapnum. Ég er sæmilega fær, þó
ég segi sjálf frá, og prófaði
mig áfram með efnum
sem ég komst í og
reyndi að framleiða
þau ódýrt,“ segir
Halldóra Krist-
jánsdóttir
Larsen sem
í dag selur
fjölnota
dömubindi til
kvenna um land
allt.
Halldóra leið-
ir námskeið í
taubindasaumi
um helgina. Þau
hafa notið vaxandi
vinsælda á Íslandi
sem umhverfisvænn og þægileg-
ur kostur. Á námskeiðinu verður
farið í grunninn á taubindasaumi,
hvaða efni er best að nota og hvar
þau fást. „Ég finn fyrir vaxandi
áhuga á þessum valkosti. Á Face-
book er taubindahópur þar sem
ég sýndi konunum afraksturinn.
Þeim þótti þetta ferlega flott svo
saumaskapurinn vatt upp á sig. Ég
tók að framleiða mín eigin bindi og
selja til kvenna. Þannig stofnaði ég
spjallþráð „taubindasaumaspjall“
þar sem konur geta deilt sniðum og
ráðum.“
Skráning á námskeiðið fer fram á
matrikastudio.com og má nálgast
taubindi Halldóru á Facebook
síðunni Touch of clouds.
Hvenær: 13. og 15. maí klukkan
18–22
Hvar: Matrika Studio í
Stangarhyl 7
Íslenskar konur
sækja í taubindi
Að meðaltali fer kona á
456
blæðingar á lífsleiðinni
í 38 ár. Það gera
2280
daga á blæðingum eða
6,25 ár. Ef miðað er við
2.000
krónur á mánuði í
túrtappa og dömubindi
gera það
912.000
krónur yfir ævina.
Halldóra Kristjánsdóttir Larsen leiðir
námskeið í taubindasaumi um helgina.
Vinnustofan Smíðar skó
frá grunni í heimahúsi
Guðrún Margrét er með vinnustofu sína heima hjá sér á Vesturvallagötu, þar sem hún vinn-
ur ýmist að skósmíði, myndlist eða saumar töskur. Þessa dagana er hún að sauma skó fyrir
tvítugan son sinn: „Þetta eru randsaumaðir skór, sem þýðir að ég bý til sauminn og geri allt
frá grunni.“
Guðrún gerir allt sjálf þegar kemur að skósmíðinni: Býr til listana, mælir fótinn sem setur
holurnar í sólann. Guðrún lærði skósmíði á Spáni og í London, en saumavélin sem hún notar
á vinnustofunni var einmitt í eigu Pítú, hennar gamla skósmíðameistara á Spáni.
Guðrún segir starfsheiti skósmiðsins misskilið í dag, enda séu þeir sem kalli sig skósmiði á
Íslandi í fæstum tilvikum skósmiðir heldur skóviðgerðarmenn. Nokkrir skósmiðir eru starf-
andi á Íslandi og vinna nær allir við að smíða sjúkraskó. Vegna þess hve lítil greinin er hér á
landi er aðgengi Guðrúnar að verkfærum til skógerðarinnar takmarkað. Hún sankar því að
sér verkfærum á Ebay, í gegnum vini og á ferðum sínum til Barcelona eða London.
Góður skógerðarmeistari segir Guðrún væri um 52 klukkustundir að sauma eitt vandað
skópar, en sjálf segist hún ekki viss hve lengi hún hafi þegar unnið í skóparinu fyrir son sinn,
enda geri hún það meðfram öðrum verkefnum.
42 | FRÉTTATÍMINN | FÖSTUDAGUR 13. MAÍ 2016