Fréttatíminn - 23.09.2016, Side 30

30 | FRÉTTATÍMINN | Föstudagur 23. september 2016
og aðsvifið 11. september óræk
sönnun hennar.
Þó ekkert bendi til þess að sam-
særiskenningar um heilsufar Clinton
eigi við rök að styðjast og þær séu
engu merkilegri en bollaleggingar
um fæðingarstað Obama (kona
eða blökkumaður geti ekki verið
kjörgeng til forseta Bandaríkjanna)
og angi þar að auki af kvenfyrirlitn-
ingu (69 ára kona geti ekki ráðið
við álagið sem fylgi því að vera for-
seti Bandaríkjanna á meðan 70 ára
karl hljóti að geta það), hefur fjöl-
miðlaumfjöllun um þær skilað sér í
neikvæðri athygli.
Rót vandans: Óvinsældir Clinton
Líkt og Matt Yglesias á Vox bendir
á er rót vandans einfaldlega sú að
Hillary Clinton er gríðarlega óvin-
sæl. Ekki aðeins meðal pólitískra
andstæðinga, heldur líka meðal
margra á bandaríska vinstri vængn-
um. Fréttir síðustu vikna og fjar-
vera hennar í ágúst hafa líklega
orðið til þess að minna marga kjós-
endur, sem höfðu sannfærst um að
hún væri ekkert svo slæm eða í það
minnsta skárri kostur en Trump, á
að þeir voru aldrei neitt sérstaklega
hrifnir af henni.
Eitt af helstu vandamálum Clinton
hefur verið að laða til sín unga kjós-
endur. Aldamótakynslóðin, sem á
ensku er kölluð „millennials“, fólk
sem komst til vits og ára í kringum
aldamótin eða á fyrstu árum þessar-
ar aldar, og er nú 18-35 ára, var einn
mikilvægasti hluti kosningabanda-
lags Barack Obama. Þó yfirgnæf-
andi meirihluta yngri kjósenda
styðji ennþá Obama og séu ánægðir
með árangur hans í embætti, hef-
ur Hillary gengið mjög illa að sann-
færa þá um að hún sé eðlilegur arf-
taki hans í embætti. Ef Clinton vill
eiga möguleika á að sigra í nóvem-
ber verður hún að virkja kosninga-
bandalag Obama: Minnihlutahópa,
konur og unga kjósendur.
Þriðjuflokksframbjóðendur
Vandi Clinton er sérstaklega alvar-
legur meðal háskólanema. Sam-
kvæmt niðurstöðum könnunar Sur-
veyMonkey, sem FiveThirtyEight.
com birti, styður 41% kjósenda
yngri en 25 ára Clinton og 27%
Trump en forskot Obama með-
al þessa kjósendahóps var tvisvar
sinnum stærra. Ástæða þess að
Clinton nær ekki betri árangri er
að meira en fjórðungur yngri kjós-
enda styður þriðjaflokksframbjóð-
endur: Gary Johnson, frambjóðandi
Frjálshyggjuflokksins, nýtur stuðn-
ings 17% og Jill Stein, frambjóðandi
Græningja, nýtur stuðnings 10%.
Á FiveThirtyEight er þessi niður-
staða sögð þeim mun merkilegri
fyrir þær sakir að kannanir sýni
að yngstu kjósendurnir séu frjáls-
lyndari og vinstrisinnaðri en aðr-
ir kjósendahópar og ættu því öðru
fremur að styðja Clinton. Það má
þó spyrja sig hvort skýringin á efa-
semdum þessara kjósenda um Clint-
on sé ekki einmitt að leita í þessu:
Þeim þyki hún einfaldlega ekki nógu
róttæk. Þriðja leiðin og svokölluð
„triangulation“ Clintonáranna á
ekki upp á pallborðið hjá ungu fólki
sem studdu sósíalistann Bernie
Sanders.
Bandalag Bush og Clinton
Meðan tilraunir Clinton til að sækja
inn á miðjuna og höfða til óánægðra
Repúblikana hafa ekki orðið til þess
að auka áhuga róttækari yngri kjós-
enda á að styðja hana hafa þær þó
borið annan nokkuð magnaðan
ávöxt, því samkvæmt heimildum
politico.com ætlar George H.W. Bush
eldri að kjósa Hillary. Það er auð-
velt að líta á stuðning Bush eldri við
Clinton sem súrrealíska fullkomnun
á þeirri „aftur til framtíðar“ stem-
ingu sem er farin að einkenna kosn-
ingabaráttuna:
Newt Gingrich, fyrrum leiðtogi
Repúblikana í Bandaríkjaþingi sem
og krossferðarinnar gegn Bill Clint-
on, vinnur nú hörðum höndum
að því að endurvekja allar gömlu
Clinton-samsæriskenningarnar,
„morðið“ á Vince Foster er aftur til
umræðu á AM-Talk Radio og loks
ríður ættfaðir Bush-fjölskyldunnar
inn á sviðið til að styðja Clinton.
Það er kannski ekki skrýtið að
ungt fólk ætli að kjósa eitthvað ann-
að en endurtekið efni eða að ungt
fólk muni einfaldlega sitja heima,
eins og margir ráðgjafar Clinton
óttast.
Þjóðaratkvæði um hatur
Clinton hefur reynt að biðla til
yngri kjósenda með kosningalof-
orðum um aðgerðir til að ná tökum
á námslánaskuldum, aðgerðir til að
jafna launamun kynjanna og hækk-
un lögbundinna lágmarkslauna en
það sem virðist hafa fundið mest-
an hljómgrunn er áhersla hennar á
að ungir kjósendur verði að standa
saman gegn hatursorðræðu Trump.
Og staðreyndin er að þó Hillary sé
vissulega óvinsæl er Trump enn
óvinsælli, sérstaklega meðal ungra
kjósenda.
Samkvæmt nýlegri könnun
Quinnipiac telja 73% kjósenda á aldr-
inum 18-34 ára að Trump „biðli til
fordóma“ almennings. Aðrar kann-
anir sýna að 66% kjósenda á aldr-
inum 18-39 ára telja Trump hafa
fordóma í garð minnihlutahópa og
kvenna, og 73% telja að hann sé
hreinlega kynþáttahatari.
Ein helsta von Clinton, þegar kem-
ur að því að vinna hug ungra kjós-
enda, er því að beina athyglinni að
Trump og minna á að valið standi
milli tveggja ólíkra sýna á Banda-
ríkin. Annars vegar fjölmenningar-
samfélags sem lítur bjartsýnt fram
á veg, samfélags þar sem innflytj-
endur, konur og minnihlutahóp-
ar eiga sama rétt og möguleika og
hvítir miðaldra karlmenn, og hins
vegar hatursfullrar og biturrar for-
tíðarþrár Trump sem dreymir um
ímyndaða gullöld sjötta áratugar
síðustu aldar, bölsótast yfir öllum
breytingum, óttast ímyndaða upp-
lausn og glæpaöldu í stórborgum,
og hræðist innflytjendur og mann-
réttindi minnihlutahópa.
Slæmt gengi gæti bjargað Clinton
Verra gengi Clinton í könnunum
gæti jafnvel hjálpað henni til sigurs,
eins þversagnakennt og það hljómar.
Því í ágúst, þegar næsta öruggt þótti
að hún yrði næsti forseti Bandaríkj-
anna, ákváðu margir yngri kjós-
endur að það væri óhætt að styðja
Jill Stein eða Gary Johnson. Trump
myndi hvort sem er ekki ná kjöri og
því óþarfi að mæta í kjörklefann til
að velja skárri kostinn af tveimur
slæmum. Nú, þegar meira virðist í
húfi og atkvæði greitt þriðjuflokks-
frambjóðendum gæti hæglega skipt
sköpum og jafnvel tryggt Trump
sigur, er hugsanlegt að eitthvað af
þessum kjósendum endurskoði af-
stöðu sína.
Hillary Clinton á kosningafundi í Háskóla Norður Karólínu í Greensboro 15. september, á fyrsta kosningafundi sínum eftir að
hafa hnigið niður á leiðinni af minningarathöfn um 11. september. Í ágúst var Clinton með nokkuð öruggt forskot í Norður-
-Karólínu, en nýjustu kannanir hafa ýmist sýnt að Clinton og Trump séu hnífjöfn eða Trump með 1-3% forskot.
Bush eldri og yngri. Andúð forystu Repúblikanaflokksins á Donald Trump
birtist meðal annars í því að enginn meðlimur Bushfjölskyldunnar hefur lýst yfir
stuðningi við Trump og samkvæmt heimildum Politico ætlar George H.W. Bush
að kjósa Hillary Clinton.
Danir eru frægir fyrir Julefrokost matinn
og Íslendingar einfaldlega elska
Kaupmannahöfn. Ferðatímabil: 18.-20. nóv.,
25.-27. nóv, 2.-4. des og 9.-11. des. 2016.
Julefrokost í Köben
69.900 kr.Frá:
Berlín er dásamleg borg og einstök upplifun
á aðventunni. Borgin er fallega skreytt og
jólamarkaðir eru um alla borg.
Ferðatímabil: 1.-4. des. & 8.-11. des. 2016.
Aðventuferð til Berlínar

78.900 kr.Frá:
Dublin er alltaf jafn vinsæl að heimsækja
og tilvalið að gera jólainnkaupin í ekta
írskri stemmingu. Ferðatímabil: 24.-27. nóv.
og 1.-4. des. 2016.

Jólastemming í Dublin
69.900 kr.Frá:
AÐVENTU
GAMAN!
Gaman Ferðir fljúga með WOW air / www.gaman.is / gaman@gaman.is