Tímarit Hjúkrunarfélags Íslands - 01.03.1976, Blaðsíða 4

Fulltrúafundur ICN 1975
Ingibjörg Helgadóttir, form. HFÍ
Fulltrúafundur ICN - Alþjóðasam-
taka hjúkrunarfræðinga — 1975 var
haldinn í Singapore 4.-8. ágúst s.l.
Fundinn sátu rúmlega 100 manns, 48
aðildarfélög áttu fulltrúa þar.
Mörg málefni voru á dagskrá en
ekki er unnt að gera grein fyrir þeim
öllum í stuttu máli enda verður ýmsu
sleppt hér, og ferðasöguna verð ég
að láta eiga sig, jafnvel þótt ég hefði
haft gaman af því að segja frá öllu
sem fyrir augu har á þessu ferða-
lagi, eins og t. d. hinu stórkostlega
Shangri-La hóteli, sem hýsti fund-
inn, náttúrufegurð Singapore og allri
þeirri skemmtun, sem boðið var til.
Hjúkrunarfélag Singapore hafði ann-
ast undirbúning fundarins af mik-
illi snilld, þar fór ekkert úrskeiðis og
gestrisni og elskusemi þessa fólks
verða manni ógleymanleg.
Á fundinum var formlega staðfest
samþykkt frá árinu 1974 um aðild
Hjúkrunarfélags Fiji og Hjúkrunar-
félags Swazilands að ICN. Þá voru 3
ný félög tekin inn í samtökin, þ. e.
hjúkrunarfélög Mauritius, Puerto
Rico og Sl. Lucia .Eru aðildarfélög
ICN nú orðin 84, en Hjúkrunarfélag
S-Afríku sagði sig úr samtökunum á
s.l. ári.
Á þessum fundi var samþykkt skil-
greining á starfsheiti hjúkrunarfræð-
inga. Miklar umræður urðu um þetta
mál, enda þurfti að sætta þarna sjón-
armið, sem voru um margt ólík, en
í þeirri samþykkt, sem endanlega var
gerð, koma fyrir tvenns konar hjúkr-
unarfræðingar, sem ég ætla að kalla
hér hjúkrunarfræðing I og hjúkrun-
arfræðing II, vegna erfiðleika við
þýðinguna, en á enskunni er talað
um „first level nurse“ og „second level
nurse“. Augljóst er, að þetta hentar
alls ekki öllum aðildarfélögum ICN.
Á Norðurlöndunum t. d. er aðeins
ein stétt hjúkrunarfræðinga og þar
er enginn áhugi á því að þeim verði
fjölgað. Var enda skýrt tekið fram
að skilgreiningu þessa sem og aðrar
samþykktir fundarins, bæri að nota
eftir því sem við ætti í hverju ein-
stöku landi. Skilgreiningin fer hér á
eftir lauslega þýdd:
„Hjúkrunarfræðingur er hver sá,
sem lokið hefur hjúkrunarnámi og
fengið lögvernduð réttindi í landi
sínu til þess að stunda hjúkrun.
Hj úkrunarnám er opinberlega viður-
kennd menntun, sem veitir víðtækan
og góðan undirbúning fyrir hjúkrun-
arstörf og að framhaldsnámi, sem
veitir sérfræðiréttindi.
Hjúkrunarnám I, sem byggist á
námi í atferlis-, náttúru- og hjúkrun-
arvísindum ásamt verklegri þjálfun,
býr nemandann undir það að stunda
hjúkrunarstörf, hafa á hendi stjórn
hjúkrunar, og taka að sér forystu-
hlutverk. Hjúkrunarfræðingur I ber
ábyrgð á skipulagningu, framkvæmd
og mati á allri hjúkrunarþjónustu,
jafnt á sviði heilsuverndar, hjúkrun-
ar sjúkra og endurhæfingar og hann
starfar í samvinnu við annað starfs-
lið heilbrigðisþjónustunnar.
I löndum þar sem eru fleiri en ein
stétt hjúkrunarstarfsliðs býr hjúkr-
unarnám II, bóklegt og verklegt,
nemandann undir það að stunda
hjúkrunarstörf í samvinnu við og
undir leiðsögn hjúkrunarfræðinga
I.“
Þá var einnig samþykkt ályktun
um framhaldsmenntun hjúkrunar-
fræðinga, en þar er lýst yfir mikil-
vægi hvers konar framhaldsmennt-
unar til þess að unnt verði að tryggja
fullnægjandi þjónustu. Menntunin
eigi jafnt að koma til móts við þarf-
ir heilbrigðisþjónustunnar sem þarf-
ir hjúkrunarstéttarinnar. Framhalds-
menntun skuli skipulögð innan
hjúkrunarskólanna og/eða hins al-
menna menntakerfis og í samráði við
stéttarsamtök h j úkrunarfræðinga,
stjórnvöld og heilbrigðisþjónustu-
stofnanir.
Samþykkt var ályktun um forræði
hjúkrunarmála, þar sem segir, að öll
hjúkrun innan heilbrigðisþjónust-
unnnar skuli vera undir stjórn hæfra
stjórnenda, sem séu hjúkrunarfræð-
ingar, öll hjúkrunarmenntun, grunn-,
framhalds- og sérfræðimenntun und-
ir stjórn sérhæfðra hjúkrunarfræð-
inga og ennfremur, að öll kennsla í
hjúkrunarfræði, bóklegri og verk-
legri skuli vera í höndum hjúkrunar-
fræðinga, sem hafi rétt til að kenna.
I samþykkt sem gerð var um hlut
hjúkrunarfræðingsins í umhverfis-
vernd segir m. a., að hann skuli
vinna að því að uppgötva og útrýma
þeim áhrifum umlrverfisins, sem
skaðleg séu heilbrigði mannsins,
veita fræðslu í þessum efnum, taka
2
TÍMARIT HJÚKRUNARFÉLAGS ÍSLANDS