Tímarit hjúkrunarfræðinga - 01.12.1993, Qupperneq 40

Tímarit hjúkrunarfræðinga 1. tbl. 1. árg. 1993
ráðgjafa, viðskiptafræðingum og yfirtannlækni, auk fulltrúa og starfsmanna við
afgreiðslu ýmiss konar.
Þarna var um nýja stöðu að ræða og nýstofnað ráðuneyti. Hvernig þróaðist sterfið i
ráðuneytinu?
Þegar ég hóf störf í ráðuneytinu sá ég fljótlega að það reyndist mér gott veganesti
að hafa setið nokkur ár í bæjarstjórn Akureyrar. Þar kynntist ég ýmsum hliðum
sveitarstjórnarmála og starfaði í ýmsum nefndum á vegum bæjarstjórnar, m.a.
stjórn elliheimilanna. í bæjarstjórn sat ég um tíma eina konan með tíu körlum og
lærði heilmikið af þeirra vinnubrögðum. Karlar vinna á margan hátt frábrugðið
konum og vilji maður tefla við þá verður að læra þeirra taflaðferðir, annars er
hætt við máti, jafnvel heimaskítsmáti.
Störfin í ráðuneytinu eru margbrotin og hér verður aðeins stiklað á stóru. Þeir
málaflokkar, sem ég vinn mest að, eru málefni sjúkrahúsa, dvalar- og hjúkrunar-
heimila, heilugæsla, málefni heilbrigðisstétta og menntamál. Mikill tími fer í nefndar-
störf, funda- og ráðstefnusetur bæði hér heima og erlendis. Því fylgir oft mikil
vinna, undirbúningur undir fundi, skýrslugerðir, ræðuhöld og svo frágangur eftir á.
Eitt af mínum fyrstu störfum í ráðuneytinu var að endurskoða hjúkrunarlög.
Þau voru komin vel til ára sinna og nauðsynlegt að gera á þeim breytingar. Ég
kynnti mér ítarlega læknalög og sá þar margt sem hægt var að taka til fyrir-
myndar. Ný hjúkrunarlög tóku gildi 13- mars 1974. Þar voru ýmis nýmæli, m.a.
að ráðherra skyldi skipa Hjúkrunarráð og að setja skyldi reglugerð um veitingu
sérfræðileyfa í hjúkrun.
Hjúkrunarráð er skipað þremur fulltrúum, einum tilnefndum af menntamála-
ráðherra, öðrum af Hjúkrunarfélagi íslands og þann þriðja skipar heilbrigðis- og
tryggingamálaráðherra án tilnefningar og skal hann vera formaður ráðsins.
Formannsstarfi ráðsins hefi ég gegnt frá upphafi. Nú eru með mér í Hjúkrunarráði
Marga Thome, dósent, og Vilborg Ingólfsdóttir, formaður Hjúkrunarfélags íslands.
Undanfarin ár hefur formaður Félags háskólamenntaðra hjúkrunarfræðinga, Ásta
Möller, setið fundi með Hjúkrunarráði. Hjúkrunarráð fjallar um leyfisveitingar til
þeirra hjúkrunarfræðinga er stundað hafa hjúkrunarnám erlendis, sérfræðileyfi í
ýmiss konar sérgreinum hjúkrunar, umsóknir um stöður hjúkrunarforstjóra í
sjúkrahúsum og fleira er ráðuneytið felur því. Hjúkrunarráð endurskoðaði síðast-
liðið ár reglugerð um sérfræðileyfi fyrir hjúkrunarfræðinga og lagði fyrir ráðherra.
Sú reglugerð hefur þegar tekið gildi.
Fyrir nokkrum árum kallaði ég saman nokkra hjúkrunarforstjóra sjúkrahúsa og
Heilsuverndarstöðvar Reykjavíkur, formenn hjúkrunarfélaganna, hjúkrunarfræðing
hjá landlæknisembættinu og þá fulltrúa sem sátu með mér í Hjúkrunarráði.
Þennan hóp höfum við kallað samstarfshóp um hjúkrunarmál. Síðar kom í hópinn
formaður námsbrautar f hjúkrunarfræði í Háskóla íslands. Fundi höfum við haldið
nokkuð reglulega í ráðuneytinu einu sinni í mánuði yfir vetrarmánuðina og rætt
þau heilbrigðismál er efst eru á baugi hverju sinni. Meðal annars höfum við rætt
um manneklu í hjúkrun og sendum fyrir nokkrum árum ráðherra ítarlega greinar-
gerð um það mál ásamt tillögum til úrbóta. Einn veturinn unnum við að því að
kynna hjúkrun og nám í hjúkrunarfræði.