Tímarit hjúkrunarfræðinga - 01.12.1993, Síða 53

rannsóknareynslu að halda til að teljast hæfir
sem prófessorar. Það var og er stefna náms-
brautar í hjúkrunarfræði að mikilvægt sé að
kennarar hennar séu tilbúnir til að vinna öflugt
starf til uppbyggingar hjúkrunarfræði hér á
landi. Við teljum okkur gera það best með því
að byggja upp öflugt og hæft lið kennara hér
heima. Það virðist ganga nokkuð vel. Við náms-
brautina er nú starfandi einn hjúkrunarfræð-
ingur með doktorspróf, fimm aðrir kennarar eru
í doktorsnámi og nokkrir við það að hefja nám.
Að auki eru aðrir hjúkrunarfræðingar en
kennarar í eða við joað að ljúka doktorsnámi.
Innan nokkurra ára hafa flestir þessara einstakl-
inga öðlast prófessorshæfni og þeir sem þegar
starfa innan hjúkrunarfræðinnar í Háskóla ís-
lands geta öðlast prófessornafnbót í gegnum
framgangskerfi háskólakennara.
Þegar námsbraut í hjúkrunarfræði var að
þróast komu hingað nokkrir erlendir prófessor-
ar til að aðstoða við uppbyggingu kennslu og
rannsókna íhjúkrunarfræði. Það var ómetanlegt
að fá þessa kennara hingað. Það er alltaf mikil-
vægt að fá hingað hæfa erlenda hjúkrunarfræð-
inga til ráðgjafar og kennslu. Á vormisseri 1994
munu tveir gistiprófessorar á vegum Menningar-
stofnunar íslands og Bandaríkjanna - Fulbright-
stofnunarinnar - dvelja við námsbraut í hjúkr-
unarfræði. Um er að ræða dr. Patriciu E. Stevens
og dr. Joann M. Hall sem eru báðar við Univer-
sity of California, San Francisco. Þykir okkur
fengur að því að fá þær hingað báðar. Rann-
sóknaviðfangsefni þeirra fjalla um heilbrigði
kvenna.
Það er ætlan okkar kennara við námsbraut í
hjúkrunarfræði að fá aðstoð þeirra við áfram-
haldandi þróun námsskrár og uppbyggingu
framhaldsmenntunar í hjúkrunarfræði. Við
bindum einnig vonir við að með heimsókn
þeirra gefist tækifæri til að efla enn frekar rann-
sóknastarfsemi íhjúkrunarfræði. Efvel tekst til
getur koma þeirra vakið almenna umræðu
meðal hjúkrunarfræðinga á íslandi um fram-
þróun í rannsóknum, hjúkrunarmenntun en
ekki hvað síst umönnun og fyrirkomulagi
hjúkrunar.
Fjárveitingar til náms í hjúkrunarfræðl
Námsbraut í hjúkrunarfræði hefur á undan-
förnum árum orðið fyrir talsverðum þrenging-
um í fjármálum, svo vægt sé til orða tekið. Hjúkr-
unarfræðingum verður að vera ljós sú aðför sem
gerð hefur verið að menntun þeirra á undan-
förnum árum. Samanburður við sambærilegar
námsleiðir innan Háskóla íslands sýnir og að
hjúkrunarfræði býr við rýran kost (sjá töflu 1).
Tafla 1. Beinar fjárveitingar á nemendur í Háskóla íslands__________________________________________
Bein fjárveiting á nemanda
Kostnaðartölur í þúsundum króna
1991 1992 1993
Hjúkrunarfræöi 166 137 163
Sambærilegar námsleiöir að því leyti
að mikið verknám fer þar fram
Læknisfræði 433 345 339
Tannlæknadeild 701 822 756
Lyfjafræði lyfsala 296 288 278
Verkfræðideild 321 344 340
Sjúkraþjálfun 145 152 151
Raunvísindadeild 511 451 432
Aðrar námsleiðir
(lítið eða ekkert verknám)
Viðskipta- og hagfræðideild 95 92 115
Lagadeild 70 72 72
Guðfræðideild 307 262 229
Heimspekideild 140 120 150
Félagsvísindadeild 117 103 107
* Upplýsingar eru fengnar úr fjárlagatillögum Háskóla íslands fyrir árið 1993 og úr tillögum fjármálanefndar Háskóla
íslands um sundurliðun rekstrarfjárveitinga árið 1993.