Tímarit hjúkrunarfræðinga - 01.02.2001, Qupperneq 39
annars vegar og hins vegar hvernig má bæta hann með
því að útbúa veftré sem uppfyllir þarfir hinna mismunandi
skjólstæðinga. Áhersla verður á fræðsluefni fyrir foreldra
og hvernig skipuleggja má vefinn þannig að hann verði
gagnvirkur og áhugaverður.
Á núverandi vefsíðu er fræðsluefni sett fram í staf-
rófsröð (sjá mynd 1). Hér er um að ræða margar góðar og
gagnlegar upplýsingar. En hér er spennandi að flokka
efnið eins og fram kemur á mynd 2.
Mynd 1.
Mynd 2 sýnir nýtt veftré þar sem efnisþættir eru
flokkaðir, hér er einnig lögð áhersla á gagnvirkni þar sem
foreldrum gefst tækifæri til að spyrja spurninga og nota
tölvupóst.
Tillaga að nyju veftré
Fræösla fyrii’ foreldra
■ 1. Fræðsla fyrirforeldra
■1.1 Almennar upplýsingar
■ 1.2 Upplýsingar um sjúMóma
■ 1.3 Upplýsingarfyrirsvæfingu
■ 1.4 Upplýsingarfyriraðgerðir
■ 1.5 Upplýsingar fyrir rannsóknri
■ 1.6 Þverfagleg teymi
■ 1.7 Foreldrafélög
■ 1.8 Stofnanri
■ 15 Spumingar og svör
■ 1.10 Leit
Mynd 2.
Forsendur og hugmyndafræði
Mikilvægt er að mynda hóp fagaðila sem ber ábyrgð á
vefnum. Ábyrgð þarf að vera vel skilgreind, það er að
segja hver er ábyrgðarmaður vefjarins eða ritstjóri. Hvernig
°g hver skal afla efnis og uppfæra það? Hver er ábyrgur
fyrir málfari og réttritun? Ljóst þarf að vera hver greiðir
kostnað af vefnum og sömuleiðis hver hefur tæknilega
umsjón með honum. Spítalinn þarf að hafa öflugt vef-
síðukerfi sem tryggir að bæta megi við efni án sérþekk-
ingar í HTML. Einnig þarf að koma á ritstýringu þannig að
efni verði ekki birt þar til yfirlestur hefur átt sér stað og til
dæmis yfirmaður viðkomandi deildar hafi samþykkt breyt-
ingar. Einnig þarf að koma til stuðningur við gagnvirka
umræðuhópa og fjarfundi.
Framtíðarsýn
Draumsýnin er upplýsingavefur sem uppfyllir kröfur um
fagleg vinnubrögð og nær yfir nægilega breitt svið til að
skjólstæðingar taki það sem sjálfsagðan hlut að leita að
upplýsingum á umræddum vef. Uppbygging á öflugum
upplýsingavef krefst fjármagns þar sem huga þarf að
stofnkostnaði, viðhaldi og ritstýringu. Þess vegna má
segja að framtíð slíks vefjar sé í höndum yfirstjórnenda.
Foreldrar geta fengið fræðslu um væntanlega sjúkra-
húsvist eða aðgerð á veraldarvefnum með ýmiss konar
margmiðlun. Börn og unglingar geta verið í tengslum við
skólann og bekkjarfélagana með fjarfundabúnaði. í
framtíðinni geta foreldrar verið í nánu sambandi við börnin
sín í gegnum fjarfundabúnað. Óneitanlega vakna spurn-
ingar eins og: Hvað þarf til að láta foreldra nota nýjan miðil
eins og veraldarvefinn? Er beintenging við foreldra í
heimahúsum og barna á sjúkrahúsi, eins og veraldar-
vefurinn býður upp á, æskileg án takmarkana? Hversu
raunhæfir eru þessir möguleikar, þurfum við að bíða til
ársins 2010?
Meistararannsókn höfundar er hjúkrunarfræðslumeð-
ferð (nursing intervention) sem meðal annars er fólgin í
fræðslumeðferð sem veitt er foreldrum á veraldarvefnum.
Mikilvægt er fyrir hjúkrunarfræðinga að fylgja eftir þeirri
þróun sem átt hefur sér stað í fjarskipta- og upplýsinga-
tækni í heiminum undanfarin ár ásamt því að nýta sér
tæknina í því skyni að hafa áhrif á þróun heilbrigðis-
kerfisins. Mikilvægt er að vera sífellt vakandi og leita nýrra
leiða til að veita betri heilbrigðisþjónustu, ekki síst við
landsbyggðina. Veraldarvefurinn er sá miðill sem býður
upp á flest tækifæri í þessum efnum. Það er mikilvægt að
fagaðilar í heilbrigðisþjónustunni taki höndum saman og
nýti þetta tækifæri skjólstæðingum sínum til heilla.
Heimildaskrá
Heimasíða Barnaspítala Hringsins. http://www.rsp.is/hringur/index.html
http://www.rsp.is/hringur/val_fraedsla.html
Lamp, J.M., og Howard, P. A. (1999). Guiding parents use of the Internet
for newborn education. MCN, American Journal of Maternal/Child
Nursing, 24 (1), 33-36.
Leaffer, T., og Gonda, B. (2000). The Internet: An underutilized tool in
patient education. Computers in Nursing. 18(1) 47-52.
Upplýsingastefna ríkisstjórnarinnar í heilbrigðismálum, 1999
http://www.stjr.is/framt/syn04. htm#heilbrigðismál
Verkefnisstjórn um upplýsingasamfélagið. Fréttatilkynning 20. október
2000. http://brunnur.stjr.is/interpro/for/for.nsf/pages/frett0010
Tímarit hjúkrunarfræðinga • 1. tbl. 77. árg. 2001
39