Tímarit hjúkrunarfræðinga - 01.10.2003, Blaðsíða 23

Sjálfsbjargarheimilið 30 ára
nýttu sér þjálfunina höfðu búið á Sjálfsbjargar-
heimilinu í 20 ár en búa nú sjálfstæðri búsetu.
Meðaldvalartími íbúa þar er um 7 mánuðir en
þjálfun og tímalengd er miðuð við þarfir hvers og
eins.
Við förum í skoðunarferð um húsið og Guðrún
Erla Gunnarsdóttir hjúkrunarforstjóri bætist í
hópinn. Það vekur
athygli að starfsfólk
er ekki í sérstökum
vinnufatnaði og Guð-
rún Erla segir þá
breytingu hafa átt sér
stað árið 1994 þegar
ýmsu var breytt í
starfsemi heimilis-
ins. Hún segir það
skipta miklu máli fyr- Kolbrún Jóhansdóttiri ein þeirra
ir íbúa því þeir hafi sem búið hefur i endurhæfingar-
n .■ x -i x - ibúðinni
rlestir venö mikið a
sjúkrastofnunum og orðnir þreyttir á stofna-
naumhverfinu. I staðinn fær starfsfólk fatapen-
inga. Við göngum inn í rými sem er notað sem
setustofa, en sú breyting var gerð 1998 að tvö
rými voru gerð að einu og er nú aðstaða til að fá
morgunmat, síðdegishressingu og kvöldhress-
ingu á hverri hæð hússins og er þetta mjög ti!
bóta fyrir íbúana.
Guðrún Erla segir starfsfólk vinna vel saman og
er góð samstaða á milli hjúkrunarfræðinga,
sjúkraliða, sérhæfðra starfsmanna og annarra
starfsmanna. Guðrún Erla segir nánar frá þeim
breytingum sem áttu sér stað 1994. Haustið
1993 byrjaði framkvæmdateymið að undirbúa
breytingarnar með
það í huga að bæta
liðan íbúa og auka
starfsgleði starfs-
manna. Fyrst var
haldinn fundur þar
sem allar hugmynd-
ir, sem gætu stuðlað
að þessu, voru
skráðar en sam-
kvæmt rannsóknum, sem gerðar hafa verið, er
starfsfólkið því ánægðara sem það hefur meira
að segja um starf sitt. Sumt starfsfólkið tók
breytingum á vinnufyrirkomulaginu vel en aðrir
vildu engar breytingar og hættu í kjölfarið. Þeir
Afmælistertan i allri sinni dýrð
starfsmenn, sem héldu áfram, eru í dag ánægðir með þetta
fyrirkomulag. Mikil áhersla var lögð á að hafa heimilislegt um-
hverfi og auka áhrif íbúa. Við þessar breytingar var hverri hæð
skipt í tvo hópa, hver hópur hefur sinn hópstjóra og er hjúkr-
unarfræðingur hópstjóri í öðrum hópnum en sjúkraliði í hin-
um en að sjálfsögðu ber hjúkrunarfræðingurinn ábyrgð á
hjúkrun í báðum hópunum. Frá starfsmönnum hafa komið
margar góðar hugmyndir, til dæmis datt einum í hug að skrá
og skipuleggja afþreyingu fyrir hvern og einn íbúa, svo sem
Iestur bóka, ferðir í verslunarmiðstöðvar og fleira. Einu sinni
á ári er haldinn starfsdagur með öllu starfsfólkinu. Nú síðast
var fjallað um mikilvæg samtöl og reynt að styrkja það sem er
jákvætt í starfinu. Guðrún Erla segir almennt oftar rætt um
það sem er neikvætt í starfsemi fyrirtækja en það sem er já-
kvætt. Þannig geta neikvæðir þættir í starfsemi fyrirtækja ver-
ið aðeins lítill hluti en þrátt fyrir það er þó oft meira rætt um
þau fáu prósent sem eru neikvæð. Til að leggja sem mesta á-
herslu á jákvæðu þættina voru starfsmenn fyrst beðnir að
velta því fyrir sér hvers vegna þeir væru að vinna það starf sem
þeir voru í, hvort það væri vegna góðra vinnufélaga, góðra
launa, heimilislegs vinnuumhverfis, góðrar stjórnar eða hvað
það væri sem gerði vinnuna eftirsóknarverða í augum þeirra.
Þá voru þeir beðnir um að láta sig dreyma um hvað gæti farið
betur í stóru og smáu. Og í þriðja lagi voru þeir beðnir um að
velta fyrir sér hvernig unnt væri að gera draumana að veru-
leika, farið í gegnum lög og reglugerðir og velt vöngum yfir því
hvernig unnt væri að breyta starfseminni á jákvæðan hátt.
Hjukrunarfræðingarnir sem vinna á Sjálfsbjörg, frá vinstri: Guðrún Erla Gunnarsdóttir,
hjúkrunarforstjóri, Þórunn Kristjánsdóttir, Helga Guðmundsdóttir og Þórunn Ragnarsdóttir
30 ára afmælið var 7. júlí og þá var haldin mikil hátíð. Af því
tilefni voru starfsmenn heiðraðir. Af 80 manna starfsliði voru
24 heiðraðir sem höfðu unnið í 10 ár eða lengur, þar af hafa 2
starfað frá upphafi. Líklega eru fáar stofnanir sem geta státað
af jafnlöngum starfsaldri starfsmanna enda mikið lagt upp úr
góðri starfsmannastefnu.
Timarit íslenskra hjúkrunarfræðinga 4. tbl. 79. árg. 2003
21